‘वडा नमुना बनाउँछु’

सोमबार, ०५ असार २०७४, ११ : १९ नागरिक


राजु खड्का

वडाध्यक्ष, बुढानिकण्ठ नगरपालिका  वडा नं ४ 

तपाई वडाध्यक्ष भएपछि के–के गर्नुभयो ?

जनप्रतिनिधी नआउँदासम्म वडामा कर्मचारी नै खोज्नुपर्ने अवस्था थियो । तर, अहिले त्यस्तो छैन । कर्मचारी नियमित कार्यालयमा बस्न थालिसकेका छन् । जसले सेवाग्राहीले सरल र सहज ढंगले सेवा पाइरहेका छन् । कर्मचारी पनि नियमित बिहान १० बजेदेखि ५ बजेसम्म काममा जुटिरहेका छन् । केही कर्मचारी अझै अपुग भइरहेका छन् । त्यसको व्यवस्थापनका लागि तयारी थालिसकेको छु । कार्यालयलाई जनमैत्री साथै विकास निर्माण र सरसफाइको कामलाई अघि बढाइरहेको छु ।

तपाईको वडामा फोहोरमैला उठाउनै आउँदैनन रे नि ?

वडामा जताततै फोहोरमैला थुप्रिएर दुर्गन्ध भइरहेको थियो । पदभार ग्रहण गरेसँगै वडामा नियमित फोहोरमैला उठाउने काम धमाधम भइरहेको छ । हाम्रो वडामा फोहोरमैला संकलन गर्ने ६ वटा संस्था छन्  । कहिलेकाहीँ ती संस्थाले नियमित फोहोरमैला संकलन नगरेको गुनासो जनस्तरबाट आइरहेको छ । ६ वटै संस्थालाई कार्यालयमा बोलाएर नियमित फोहोरमैला संकलन र व्यवस्थापनका लागि निर्देशन दिइसकेको छु । उनीहरूले नियमित  नगरेमा अर्काे विकल्प खोज्नेछौं ।

बाटो पनि भत्किएर भताभुङ छन् त ?

लामो समय जनप्रतिनिधि नहुँदा व्यवस्थित बाटो अभाव भइरहेको साँचो हो । वर्षात्अघि नै भत्किएका सडकका खल्डाखुल्डी पुर्न सम्बन्धित निकायलाई निर्देशन दिइसकेको छु । नगरपालिकासँग समन्वय गरेर खाल्डाखुल्डी पुर्ने काम भइरहेको छ । पाशीकोट सडक खण्डमा ४६ लाख रूपैयाँको बजेटमा ढल राख्नुको साथै सडकमा ग्राभेल ओछ्याउने काम भइरहेको छ ।

खानेपानी व्यवस्थापन कसरी गर्दै हुनुहुन्छ ?

हाम्रो वडामा खानेपानीको पुरानै समस्या हो । वडामा ५ लाख ६० हजार लिटरका दुई वटा रिजर्भ पानीका ट्याङ्की छन् । जसबाट झण्डै १ हजार घरधुरीका स्थानीय जनतालाई बिहान–बेलुका खानेपानी वितरण भइरहेको छ । मेलम्ची खानेपानी पानीको वितरण सञ्जाल अझै बन्न सकेको छैन । त्यसका लागि ताकेका गरिरहेका छौं । त्यसको अलवा मनपोखरी र विष्णुमति खोलाबाट पानी ल्याएर वितरण गर्ने योजना बनाएका छौैं ।

कस्तो वडा बनाउने सपना देख्नुभएको छ ?

बुढानिलकण्ठदेखि चण्डेश्वरी मन्दिरसम्मको सडकलाई बहुवर्षीय योजनामार्फत झण्डै दुई किलोमिटरको बाटो बनाउने योजना बनाएको छु । सडक बनेसँगै वैकल्पिक मार्गका रूपमा सञ्चालन गर्न सकिन्छ । यसका लागि काठमाडौं उपत्यका विकास प्राधिकरणसँग समन्वय गरेर काम अगाडि बढाउने तयारी थालिसकेको छु । बुढानिलकण्ठदेखि चण्डेश्वरी मन्दिर क्षेत्रसम्मलाई समेटेर पर्यटकीय स्थल बनाउने योजना छ । वडामा खानेपानी, सरसफाइ महिलालाई उद्यमशीलतातर्फ अग्रसर बनाएर नमुना वडा बनाउने प्रयत्न गर्नेछु ।

प्रस्तुतिः हिमाल लम्साल

 

 

 

 

 

 






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

यस्तो देखियो डी सिने अवार्ड, अनमोल र निता उत्कृष्ट (फोटो फिचर)

यस्तो देखियो डी सिने अवार्ड, अनमोल र निता उत्कृष्ट (फोटो फिचर)

दशौं डी सिने अवार्डमा अनमोल केसी र निता ढुंगाना उत्कृष्ट नायक नायिका घोषित भएका छन्। ...

नोटेसनसहित पन्नाकाजीका गीत

नोटेसनसहित पन्नाकाजीका गीत

‘तिरिरी मुरली बज्यो वनैमा लौ माया नमारे’ नेपालको सदाबहार गीतको नाम लिनुपर्दा यो गीत पहिला पाँचमा सजिलै अटाउँछ । २०१५...

‘जाइरा’मा खेलाडी नम्रता

‘जाइरा’मा खेलाडी नम्रता

अभिनेत्री नम्रता श्रेष्ठ फिल्ममा प्रायः प्रेमिकाका रुपमा देखिन्छिन् । फिल्म ‘क्लासिक’मा दृष्टिविहिन भूमिका होस् या थ्रिलर फ्लेबरको ‘पर्व’मा होस् उनको...

नाम्चेमा ‘एभरेस्ट डे’ कन्सर्ट

मे २९ का दिन मनाइने ‘एभरेष्ट डे’ अर्थात ‘सगरमाथा दिवस’को अवसर पारेर सोलुखुम्बुको नाम्चेबजारमा आगामी जेठ १५ गते ‘एभरेष्ट डे’...