साउदी अरबमा अलपत्र परेका १२ युवा स्वदेश फर्किए

सोमबार, ०२ साउन २०७४, १२ : २१ दमन राई


खोटाङ – साउदी अरवमा अलपत्र परेका १२ युवा स्वदेश फर्किएका छन् । कार्यरत समी इब्राहिम आबु अल्सामत कन्ट्र्याक्टिङ इस्ट कम्पनीले ४ महिनासम्म तलव, खाने र बस्ने सुविधा समेत नदिइ राखेपछि अलपत्र परेका १५ जनामध्ये १२ युवा आइतबार राती स्वदेश फर्किएका हुन् । मेनपावरसँग गरिएको सम्झौता विपरित रोजगारदाता कम्पनीले अर्कै काममा लगाएको, तलव नदिएको, खान बस्ने व्यवस्था नमिलाएको पाइएपछि नेपाली दुतावासको शरणमा ३ महिनासम्म बसेका युवा स्वदेश फर्किएका हुन् । 

धन कमाउने सपनामा उल्टै अलपत्र परेर फर्कनेमा उदयपुरका तारा कार्की र काजी कार्की, चितवनका जीवन महतो, कपिल स्याङतान, अशोक लामा र भक्ती चौधरी, झापाका जीतबहादुर थापा र दिपबहादुर थापा, सिन्धुलीका थिरबहादुर थापा, मोरङका सुसन खड्का, रौतहटका बिजुली मुखिया र भक्तपुरका बालहरि परियार रहेको साउदीअरवबाट खोटाङका गजेन्द्र खालिङ राईले जानकारी दिए। 

स्वदेश फर्कनेक्रममा १२ युवालाई आइतबार साउदीस्थित एयरपोर्टसम्म पुर्‍याएर बिदाइ गरिएको राईले जनाए । ‘अलपत्र परेपछि तीन महिनासम्म नेपाली दुतावासको आश्रयमा बसेका युवालाई एयरपोर्टसम्म पुर्‍याएर बिदाइ गर्‍यौँ,’ राईले भने, ‘उहाँहरू आइतबार राती ८–९ बजे काठ्माण्डौं ओर्लिनु भयो होला ।’ १५ जना युवा सेल्समेन र मेकानिकल कामका लागि ७ महिनाअघि मेनपावर कम्पनी एच गल्फ ग्रुपमार्फत साउदीअरब पुगेका हुन् । उनीहरुलाई नेपाल फर्कने टिकट र त्यसक्रममा लाग्ने खाना खर्च स्वयं मेनपावर कम्पनीले तिर्नुपर्ने चर्को दवाव दिइएपछि मेनपावर कम्पनीकै खर्चमा स्वदेश फर्काइएको हो । 

कम्पनी मालिकले तलव दिनुको सट्टा धम्की दिने, हातपात गर्ने समेत गरेको पाइएपछि एनआरएन लगायतका विभिन्न संघसंस्थाको पहलमा अलपत्र युवालाई दुतावाससम्म ल्याइएको थियो । दुतावासको शरणमा ल्याइएका उनीहरुलाई नेपालीद्वारा सञ्चालित संघसंस्थाले खानेवस्ने व्यवस्था मिलाएको राईको भनाई छ । कम्पनीले उनीहरुलाई सम्झौता विपरित लटरी (कपडा धुने), आइरन लगाउने काममा लगाएको थियो । काम गर्ने सिलसिलामा परिचयपत्र समेत नदिइ अवैध बनाएर राखेको पीडितको गुनासो छ । श्रम शोषण गरेर दुःख दिइरहेको थाहा भएपछि उद्धारका लागि विभिन्न संघसंस्थामार्फत नेपाली दुतावासमा खबर पुगेपछि दुतावास र तिनै संघसंस्थाको पहलमा उनीहरुलाई दुतावासको सेल्टरमा ल्याइएको राईले बताए । 

अलपत्र परेकामध्ये पर्वतका देवबहादुर राना, महोत्तरीका जोककुमार राई दनुवार र ईलामका प्रेमराज लिम्बूको पनि स्वदेश फिर्तीका लागि प्रकृया अघि बढेको छ । उनीहरु केही समयपछि स्वदेश फर्कने जनाइएको छ। 

 






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

अक्षय कुमार घाइते

अक्षय कुमार घाइते

बलिउड अभिनेता अक्षय कुमार घाइते भएका छन्। फिल्म ‘केसरी’को एक्सन सीनको शुटिङ्गका क्रममा उनी घाइते भएको भारतीय सञ्चारमाध्यमले जनाएका छन्।...

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशक सौगात विष्टले निर्देशन गरेको फिल्म हैरानको टिजर सार्वजनिक भएको छ । मुक्ति घले र श्रृष्टी घिमिरेको संयुक्त...

साउदीमा पहिलो पटक फेशन शो, दर्शक महिलामात्र

साउदीमा पहिलो पटक फेशन शो, दर्शक महिलामात्र

साउदी अरेबियामा पहिलोपटक फेशन शो भएको छ। साउदीको रियादमा सम्पन्न उक्त फेशन शोमा दर्शक भने महिलाहरूमात्र थिए।  उक्त फेसन शोमा सहभागी...

लिलि बिली : हिन्दी फिल्मको जोडजाड

लिलि बिली : हिन्दी फिल्मको जोडजाड

स्कटल्यान्ड तपाईंको ‘ड्रिम कन्ट्री’ हो र पर्दामै भए पनि त्यहाँका दृश्य देख्दा तपाईंको मन रमाउँछ भने ‘लिलि बिली’ हेर्नु राम्रै...