अन्तिम चरणमा दक्षिणबाराही पुनर्निर्माण

शुक्रबार, २३ भदौ २०७४, १५ : २१ अमृत भादगाउँले


भुइँचालोबाट क्षतिग्रस्त दक्षिणबाराही मन्दिर पुनःनिर्माणको काम अन्तिम चरणमा पुगेको छ । अहिले मन्दिरको छाना छाउने काम भइरहेको छ । दक्षिणबाराही मन्दिर परिसर सुधार एवं व्यवस्थापन समिति अध्यक्ष कृष्णलाल गोजा श्रेष्ठका अनुसार आउँदो तिहारभित्रै पुनःनिर्माण सकिनेछ।  

पुरातत्व विभागले ठेकेदारमार्फत ७६ लाख ५८ हजार रूपैयाँमा मन्दिर पुनःनिर्माण गराएको हो । १२ वैशाख २०७२ को भुइँचालोबाट भत्किएको मन्दिर बनाउने काम ०७३ कात्तिकदेखि सुरु भएको थियो । ‘असारभित्र पुनःनिर्माण सक्ने कुरा थियो,’ श्रेष्ठले भने, ‘ठेकेदार कम्पनीले म्याद बढायो, अब तिहारभित्र निर्माण पूरा हुनेछ।’ 

मन्दिर भौगोलिक हिसाबले सूर्यविनायक नगरपालिका–४ मा परेता पनि यसको रेखदेख एवं संरक्षण मध्यपुर थिमिका नेवार समुदायले गर्दै आएका छन् । उनीहरू बाराहीलाई इष्टदेवी मान्छन् । बडा दसैंका बेला अष्ठमातृका देवीका रूपमा पुज्छन् । नवरात्रभर बिहान मन्दिरमा घुइँचो लाग्छ।

दक्षिणबाराहीमा तामाको छाना छाउन स्थानीय संगठित भएका छन् । तामा छाना छाउने समितिका अध्यक्ष जुन श्रेष्ठका अनुसार त्यसका लागि २४ लाख रूपैयाँ लाग्नेछ । हालसम्म १८ लाख रूपैयाँ चन्दा उठिसक्यो । दाताहरू मन खोलेर सकेको दान गर्दैछन्।

थिमि चोकबाट दधिकोट जाने सडक छेउमा अवस्थित मन्दिर प्यागोडा शैलीमा बनेको छ । त्यहाँ काठका कलात्मक झ्याल ढोकायुक्त सत्तल छन्। मन्दिर आफैंमा काष्ठकलाको अनुपम नमुना मानिन्छ । मन्दिर हातामा मृतकको दाहसंस्कार गर्ने चलन छ।  

विभागले मन्दिरमा झिँगटीको छाना छाउने बजेट छुट्टयाएको थियो । तर, स्थानीयले तामाको छाना छाउने अभियान चलाएका छन् । त्यसका लागि ल्याय्म्ह पुचः थिमिको अगुवाईमा उनीहरू संगठित भएका छन् । दक्षिण बाराही तामा छाना छाउने समिति बनाएर चन्दा संकलन गरिरहेका छन् । ‘झिँगटीको छाना भरपर्दो र टिकाउ हुँदैन, घाँस उम्रिन्छ,’ समितिका अध्यक्ष जुन श्रेष्ठ भन्छन्, ‘त्यसैले पुरातत्व विभागको अनुमति लिएर तामाको छाना राख्ने अभियान चलाएका हौं।’  
विभागले गजुर र दुई सय चार स्क्वायर फिट तामाको पाताका लागि करिब दुई लाख रूपैयाँ दिने भएको समितिका अध्यक्ष कृष्णलाले जानकारी दिए । गजुरमा सुनको जलप लगाउन पनि विभागले सुझाएको छ । ‘सुनको जलप लगाउँदा ५–६ लाख रूपैयाँ थप खर्च लाग्नेछ,’ पुचःका सल्लाहकार श्याम मानन्धर भन्छन्, ‘त्यसका लागि हामी छलफलमा जुटिसकेका छौं।’
  
 

 

जनस्तरबाट तामाको छाना 
दक्षिणबाराहीमा तामाको छाना छाउन स्थानीय संगठित भएका छन् । तामा छाना छाउने समितिका अध्यक्ष जुन श्रेष्ठका अनुसार त्यसका लागि २४ लाख रूपैयाँ लाग्नेछ । हालसम्म १८ लाख रूपैयाँ चन्दा उठिसक्यो । दाताहरू मन खोलेर सकेको दान गर्दैछन् । त्यसमा अष्टबज्र बज्राचार्यले ४ लाख ५५ हजार, जुन श्रेष्ठले २ लाख ७५ हजार, हीराकाजी महर्जनले २ लाख ३३ हजार, किलंन श्रीपञ्चमी गुठीले १ लाख २० हजार र ओमप्रकाश श्रेष्ठले ६६ हजार ६ सय ६६ रूपैयाँ दान गरिसकेका छन् । समितिले शनिबार बिहान मन्दिर हातामा चन्दा संकलन गर्दै आएको छ । उसले तामाको पाता बनाउन अर्डर दिइसक्यो । पाता बन्दै जाँदा छाउँदै जाने क्रम पनि सुरु भइसकेको छ । 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

राष्ट्रकवि घिमिरेलाई थप उपचारका लागि भारत लगियो

राष्ट्रकवि घिमिरेलाई थप उपचारका लागि भारत लगियो

राष्ट्रकवि माधवप्रसाद घिमिरेलाई आज थप उपचारका लागि भारतको नयाँ दिल्ली लगिएको छ। ...

रणवीर र आलिया प्रेममा

रणवीर र आलिया प्रेममा

बलिउडमा पछिल्लो समय रणवीर कपुर र आलिया भट्टको डेटिङको चर्चा छ। दुबैका परिवारबीच भइरहेको सन्देश आदान प्रदानले आलिया कपुर खान्दानको...

राजेश हमालले भेटे राष्ट्रकवि

राजेश हमालले भेटे राष्ट्रकवि

महानायक राजेश हमालले राष्ट्रकवि माधव प्रसाद घिमिरेसँग भेट गरेका छन्। हमालले आन्तरिक रक्तश्राव भई ग्राण्डी अस्पतालमा उपचाररत राष्ट्रकवि घिमिरेलाई मंगलबार धापासीस्थित...

नायिका निता ढुंगानासहित ४ सम्मानित

नायिका निता ढुंगानासहित ४ सम्मानित

नेपाली फिल्मकी नायिका निता ढुंगाना चलचित्र पत्रकारिता दिवसको अवसरमा गृहनगर हेटौंडामा सम्मानित भएकी छिन्। चलचित्र पत्रकार संघ मकवानपुरले उनीसहित २...