दीपिकाका लागि रमेश र प्रशान्तको टक्कर

शुक्रबार, ०६ असोज २०७४, ११ : ०० नागरिक


काठमाडौं- केही महिना अघि राजधानीमा भएको एक कार्यक्रममा अभिनेता रमेश उप्रेतीले आत्मआलोचना गर्दै आफू कलाकार हुँदा निर्मातालाई हरेक कुरामा दिएको दुःख सम्झेर ती निर्मातासँग सार्वजनिक रुपमा माफी मागेका थिए । यिनै अभिनेता बिहीबार ‘ऐश्वर्य’को ट्रेलर सार्वजनिक कार्यक्रममा भने आत्मविश्वासी देखिए ।
‘म एउटा सफल कलाकार हो भनेर प्रमाणित गरिसकेको छु । तर, अब निर्माता पनि भएको छु । त्यसकारण आफूलाई प्रमाणित गर्ने बेला आएको छ,’उनले भने,‘ एउटा राम्रो कलाकार र मेकरका रुपमा आफूलाई प्रमाणित गर्ने बेला आएको छ ।’ उनले पछिल्लो समयमा हिन्दी फिल्मलाई विस्थापित गरेर नेपाली फिल्म हेर्ने दर्शकहरुको संख्या बढ्दै गइरहेकोमा खुशी व्यक्त गर्दै त्यसमा मिडियाको भूमिका महत्वपूर्ण रहेको बताए ।
फिल्मबाट अभिनयमा डेब्यु गरेकी नवनायिका दीपिका प्रसाईले फिल्मको गीतले जस्तै ट्रेलरले पनि चर्चा पाउने दाबी गरिन् । ‘ट्रेलरले नै मेरो भूमिकाको बारेमा बताउँछ । मैंले निर्वाह गरेको चरित्र मेरो पृष्ठभूमिसँग जोडिएको थियो । त्यसैले त चरित्रलाई न्याय गर्ने कोसिस गरेकी छु ,’उनले भनिन्,‘यही फिल्ममार्फत् अभिनयमा आएकाले पनि मेरा लागि ‘ऐश्वर्य’ विशेष छ ।’
फिल्मका लेखक तथा निर्देशक दिवाकर भट्टराईले निकै मेहनतपूर्वक फिल्मको कथा र फिल्म बनाइएको बताए । ‘मैले अहिलेसम्म गरेका फिल्मभन्दा केही फरक कुरा फिल्ममा दर्शकले पाउनेछन् ’ उनले भने ।
फिल्ममा खलपात्रको भूमिकामा देखिएका प्रशान्त ताम्राकारले आफूले हालसम्म अभिनय गरेका फिल्ममा भन्दा ‘ऐश्वर्य’मा देखिने भूमिका फरक रहेको बताए ।
‘मेरा अघिल्ला फिल्म इन्ट्रोडक्सन थिए । यसमा प्रशान्तलाई पूर्णरुपमा देख्नु हुन्छ,’उनले भने ।
सार्वजनिक ट्रेलरमा दीपिकाका लागि प्रमुख दुई पात्र रमेश र प्रशान्तको द्वन्द्वलाई प्रस्तुत गरिएको छ । प्रेम, बद्ला र सस्पेन्ससमेत समेटिएको ट्रेलरलाई सञ्चारकर्मी र फिल्मकर्मीले सकारात्मक प्रतिक्रिया दिएका थिए ।
आगामी कार्तिक ९ गतेबाट अल नेपाल रिलिज हुने फिल्ममा निर्मल शर्मा, केकी अधिकारी, अर्जुनजंग शाही, अर्जुन श्रेष्ठ, केशव भट्टराई, सुनिता ठाकुर र अमित पोखरेललगायतको पनि अभिनय छ । अर्जुन श्रेष्ठ र किरण राणा उप्रेती निर्माता रहेको फिल्ममा रमेश उप्रेती प्रस्तुतकर्ता छन् । निर्मल शर्मा सह निर्माता रहेको फिल्ममा अर्जुन पोखरेल र विराज गौतमको संगीत, हिमाल केसीको द्वन्द्व, दिर्घ खड्काको सम्पादन, तेन्जु योञ्जन,  रामजी लामिछाने र अञ्जिला खत्रीको नृत्य र राजेश श्रेष्ठ र सुदिप बरालको छायांकन छ ।

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

सलमानको जमानत वारेन्ट रद्द

सलमानको जमानत वारेन्ट रद्द

१६ वर्ष पुरानो हिट एण्ड रन मुद्दामा बलिउड अभिनेता सलमान खानको जमानत वारेन्ट खारेज भएको छ। यससँगै उनलाई प्रहरीले पक्राउ...

राजेश हमाल बने राज थारुका अभिभावक

राजेश हमाल बने राज थारुका अभिभावक

नेपाली चलचित्रका नायक राजेश हमालले एक बालकलाई शुक्रबार विद्यालय भर्ना गरेका छन्। हमालले बुद्धभूमि नगरपालिका तथा जिल्ला प्रशासन कार्यालय, शिक्षा...

‘हामी सिकाउँछौं पेनाल्टी हान्न ’

‘हामी सिकाउँछौं पेनाल्टी हान्न ’

नकआउट चरणको फुटबलमा निर्धारित समय र थप गरिएको अतिरिक्त समय बराबरीमा टुंगियो भने निर्णयार्थ खेल पेनाल्टी सुटआउटमा धकेलिन्छ। ...

वैशाख पूर्णिलाई बनाऔँ विश्व ध्यान दिवस

वैशाख पूर्णिलाई बनाऔँ विश्व ध्यान दिवस

आज भन्दा पच्चिस सय ६३ वर्ष अघि वैशाख पूर्णिमाका दिन सिद्धार्थ गौतमको लुम्बिनीस्थित साल वनमा जन्म भयो । ...