पप कर्न

शनिबार, ०७ असोज २०७४, १३ : ०० सुरेश किरण


आयल निगम प्रमुख हाकिमलाई सरकारले बल्ल बर्खास्त गरेको छ । उनलाई बर्खास्त गर्न धेरै अघिदेखि नै दबाब आइरहेको थियो । भ्रष्टाचारीलाई किन कारबाही नगरेको ? भ्रष्टाचारीलाई किन बर्खास्त नगरेको ? यस्ता अनेक प्रश्न अनाहकमै उठिरहेका थिए । तर प्रश्न उठेर के गर्नु ? भन्नेबित्तिकै कारबाही गर्न सकिने कुरो भएन । किनभने कारबाही गर्नु भनेको बडो गाह्रो काम हो । सायद गाह्रो काम भएरै होला, नेपालमा अरु जे गरे पनि कारबाही चाहिँ गर्दैन । किनभने कारबाही भनेको बडो घुमाउरो हुन्छ । यो सीधा बाटो हिँड्दैन । घुमाउरो हिँड्ने भएकाले यो घुमेर आफैँकहाँ पनि आउन सक्छ । जसले कारबाही गरेको हो, घुमेर त्यो उसैकहाँ पुग्ने सम्भावना समेत रहने गर्छ । त्यसैले कसैलाई कारबाही गर्दा त्यो घुमेर कहाँ–कहाँ पुग्न सक्छ, त्यसको समेत लेखाजोखा हुनुपर्छ । त्यसैले यो कारबाही भनेको जसलाई गर्न लागिएको हो, त्यसलाई भन्दा जसले कारबाही गर्न लागेको हो, त्यसलाई बढी खतरनाक हुन सक्छ । अतः कारबाही भनेको जसलाई साढे सातको दशा लागेको छ, उसले मात्र गर्छ ।

अब जेहोस्, आयल निगमले जग्गा किनी नै सकेको छ । सुनिन्छ, निगमले जुन जग्गा किनेको हो, त्यहाँ पेट्रोल भण्डारण गर्न मिल्दैन । ठीकै छ, पेट्रोल भण्डारण गर्न नमिले मकै रोप्न त मिल्छ होला । मकै नै रोपौँ । मकै उत्पादन गरौँ । र, पप कर्न बनाएर बेचौँ । आयल निगमद्वारा उत्पादित पप कर्न !

अब जहाँसम्म आयल निगम हाकिमलाई कारबाही गर्ने कुरा छ, त्यो त झनै खतरनाक भयो । किनभने उहाँ पेट्रोलसम्बन्धी निकायको हाकिम हुनुहुन्छ । पेट्रोलको काम भनेको आगो बाल्ने हो । अब त्यस्तो आगोको हाकिमलाई कारबाही गर्नु कम खतरनाक हो ? कारबाही ग¥यो कि त आगो बल्यो । उहाँलाई कारबाही गर्नु बडो डरलाग्दो छ । वास्तवमा त्यही कारण पनि कारबाहीमा ढिलो भएको हो । उहाँलाई कारबाही गर्दा कहाँ कहाँ आगो बल्छ, त्यो त छानबिन हुनुप¥यो नि ! पेट्रोलको आगो त डरलाग्दै हुन्छ ।
जेहोस्, जसरी होस्, बल्ल कारबाही भयो । तर आश्चर्य ! आगोचाहिँ कहीँ बलेन । (आगो नबलेकामा मलाई शंका लागेको छ । आयल निगमको पेट्रोलमा धेरै मिसावट हुन्छ भनिन्छ । त्यही मिसावटकै कारण पो आगो नबल्या हो कि ? यदि हो भने त उहाँलाई कारबाही गर्नैपर्ने एउटा ठोस प्रमाण यही पनि हुन सक्छ । यत्रो कारबाही गर्दा पनि आगो बलेन । मिसावट नभएको भए बल्दैनथ्यो ? यस्तो मिसावट गर्ने हाकिमलाई किन कारबाही नगर्ने ?) नेपालमा हेर्नुस्, बालुवाको हाकिमलाई कारबाही गर्दा समेत आगो बल्ने गर्छ । बालुवासँग आगोको के साइनो ? तैपनि बालुवामै आगो बल्छ । तर आज पेट्रोलको हाकिमलाई कारबाही गर्दा भने आगो बलेन । भनेपछि कहीँ न कहीँ समस्या छ भन्ने त्यसै पनि थाहा भयो ।
उहाँ पेट्रोल हाकिममाथि लागेको आरोप त धेरै छन्– पेट्रोलमा मिसावट गरेको, बढी पेट्रोल लगेर कम लेख्न लगाएको, चाहिनेभन्दा बढी डिपो खोल्ने अनुमति दिएको, डिपोहरूसँग पैसा लिएको, पेट्रोल मगाउँदा भ्रष्टाचार गरेको, सूची त योभन्दा पनि लामो छ । तर समय खर्च नगरौँ । यहाँ केहीलाई मात्र प्रस्तुत गरेँ । यो जम्मै गर्दा समेत उनीमाथि कारबाही भएको थिएन । तर जब जग्गाको काम सुरु ग¥यो, कारबाही पनि सँगसँगै आउन थाल्यो । भनिन्छ नि, ‘ज’ पछि ‘झ’ आउँछ । अर्थात्, जहाँ जग्गाको कुरा आउँछ, त्यहाँ झगडाको कुरा पनि आइहाल्छ । उहाँले जग्गाको काम थाल्नेबित्तिकै यो झगडाको कुरा पनि आएको हो । पेट्रोल भण्डारणको डिपो बनाउन आयल निगमले जग्गा किनेको रहेछ । अब कुरो आयो कि यो त साह्रै महँगो जग्गा भयो । महँगोमा जग्गा किन किनेको ? अब जग्गा थोडै उहाँले महँगो बनाएको हो र ? जग्गाको भाउ त उसै पनि बढिरहेकै छ । भाउ नै महँगो त उहाँले के गर्ने ? अब उहाँ कुनै जग्गा दलाल त होइन नि, कहाँ कुन जग्गाको भाउ कति छ भनेर बुझिहिँड्न । उहाँको काम त पेट्रोलको भाउ बुझ्ने हो, जग्गाको भाउ बुझ्ने होइन ।   
अब जेहोस्, आयल निगमले जग्गा किनी नै सकेको छ । सुनिन्छ, निगमले जुन जग्गा किनेको हो, त्यहाँ पेट्रोल भण्डारण गर्न मिल्दैन । ठीकै छ, पेट्रोल भण्डारण गर्न नमिले मकै रोप्न त मिल्छ होला । मकै नै रोपौँ । मकै उत्पादन गरौँ । र, पप कर्न बनाएर बेचौँ । आयल निगमद्वारा उत्पादित पप कर्न !
यदि पप कर्न उत्पादन नगर्ने हो भने अरु पनि उपाय छ । अहिले सुनिँदै छ कि सरकारले अब छिटै नेपालमा पेट्रोल खानी खोज्ने काम थाल्दै छ रे । हुन त पेट्रोल खोज्ने काम नेपालमा धेरै अघिदेखि नै हुँदै आएको हो । तर अहिलेसम्म पेट्रोलपम्प बाहेक अरुतिर एक थोपा पनि पेट्रोल भेटिएको छैन । नेपालमा पेट्रोल भेटिने ठाउँ भनेको उही पेट्रोल पम्प मात्रै हो । यस्तो किन भइरहेको छ ? सायद पेट्रोलको खोजी नै गलत ठाउँमा पो भइरहेको छ कि ? पेट्रोल खोज्न त पेट्रोल हुने ठाउँमै जानुप¥यो नि । पेट्रोलै नहुने ठाउँमा गएर कसरी पेट्रोल पाउन सकिन्छ र ?
अब आयल निगमले भर्खरै जो जग्गा किनेको छ, पेट्रोल सायद त्यहीँ पो छ कि ? पेट्रोल भण्डारण गर्ने भनेर जग्गा किनेको हो । त्यहाँ पेट्रोल भण्डारण होइन, पेट्रोलको भण्डारै पो छ कि ? अन्वेषण त गर्नुप¥यो नि । जग्गा नपाएर हामीलाई अन्वेषणको पनि समस्या भइरहेको थियो । अब जग्गा पाइहालियो । त्यही जग्गामा पेट्रोलको अन्वेषण गर्ने हो कि ? हेर्नुस्, यो जग्गाको नाम मात्रैले पनि देशमा यत्रो आगो बलिरहेको छ । त्यहाँभित्र कुनै आगो भएरै त आगो बल्यो होला नि, त्यसै बल्छ आगो ?






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

अक्षय कुमार घाइते

अक्षय कुमार घाइते

बलिउड अभिनेता अक्षय कुमार घाइते भएका छन्। फिल्म ‘केसरी’को एक्सन सीनको शुटिङ्गका क्रममा उनी घाइते भएको भारतीय सञ्चारमाध्यमले जनाएका छन्।...

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशक सौगात विष्टले निर्देशन गरेको फिल्म हैरानको टिजर सार्वजनिक भएको छ । मुक्ति घले र श्रृष्टी घिमिरेको संयुक्त...

साउदीमा पहिलो पटक फेशन शो, दर्शक महिलामात्र

साउदीमा पहिलो पटक फेशन शो, दर्शक महिलामात्र

साउदी अरेबियामा पहिलोपटक फेशन शो भएको छ। साउदीको रियादमा सम्पन्न उक्त फेशन शोमा दर्शक भने महिलाहरूमात्र थिए।  उक्त फेसन शोमा सहभागी...

लिलि बिली : हिन्दी फिल्मको जोडजाड

लिलि बिली : हिन्दी फिल्मको जोडजाड

स्कटल्यान्ड तपाईंको ‘ड्रिम कन्ट्री’ हो र पर्दामै भए पनि त्यहाँका दृश्य देख्दा तपाईंको मन रमाउँछ भने ‘लिलि बिली’ हेर्नु राम्रै...