यात्रा

आठ खर्बको मज्जा

सोमबार, १६ असोज २०७४, ०८ : ३२ नागरिक


नरेश शङ्कर पालिखे/पोखरा
नयाँ ठाउँको यात्रा मानव सभ्यताको विकास सँगसँगै सुरु भएको हो । नयाँ चिज हेर्ने इच्छा सुलभ मानवीय गुण हो र स्वाभाविक प्रक्रिया हो । यात्राले मानव चेतनालाई बढाएको छ । त्यसैले त चेतनशील मन यात्रातिर उद्वेलित भइरहन्छ । यो दुईतर्फी प्रक्रिया जीवनपर्यन्त चलिरहन्छ । यात्रा व्यक्तिको मानसिक तरोताजाका लागि आवश्यक हुन्छ । शारीरिक क्षमतामा वृद्धि र स्थानीय अर्थतन्त्रको विकासमा पनि यात्राले भूमिका खेलेको हुन्छ । जीवनलाई जीवन्तता दिने तत्वहरुमा यात्रा पनि पर्छ । यसले जीवनलाई सार्थक बनाउँछ । तसर्थ कसैले भनेका छन्, ‘मलाई घरभरि सामान थुपार्नुभन्दा पासपोर्टमा स्टाम्प थुपार्नु अर्थपूर्ण लाग्छ ।’ यात्राबिना जीवन अधुरो हुन्छ । जीवनको न्यूनतम आधारभूत आवश्यकता परिपूर्तिपछि पनि नयाँ ठाउँको यात्रा गरिएन भने जीवन एकाङ्की भएर जान्छ । जीवनमा हरेक व्यक्तिले केही न केही व्यसन पालेकै हुन्छ, मलाई यात्रा सर्वोत्तम व्यसन हो भन्ने लाग्छ ।
सौभाग्य र स्वभावले गर्दा विश्वको धेरै देशहरुको भ्रमणको अवसर पाएको छु । प्रसिद्ध अमेरिकी खर्बपती व्यवसायी सेडन एडल्सनको ‘स्यान्ड्स होटल ग्रुपले निर्माण गरेका सिङ्गापुरको मरिना बे स्यान्ड्स होटलका बारेमा अनलाइनमा भएका धेरै चर्चा–परिचर्चाबाट एक पटक त्यहाँ जान धेरै लालायित थिएँ । हालै भाद्र ६ देखि १२ सम्म सिङ्गापुर र मलेसिया भ्रमणमा जाँदा यस होटलमा बस्ने मौका पाएँ । यात्राको पहिलो तीन दिन स्टार क्रुजबाट सिङ्गापुर र मलेसियाको राजधानी क्वालालम्पुरसम्म दुईतर्फी यात्रा विशाल पानी जहाजबाट सम्पन्न गरी पहिला नै बुक गरेको भएर यो होटलमा गएँ । लगभग नेपाली रूपैयाँ ८ खर्बको लागतमा निर्मित यो होटल संसारको सबैभन्दा बढी लागतमा निर्मित होटल हो । सिङ्गापुरको समुद्रको छेउ मरिना बे क्षेत्रमा यो होटल अवस्थित छ । सन् २००७ मा सुरु भएर तीन वर्ष लगाएर निर्मित यस होटलमा २५६१ कोठा छन् । अत्यन्त विलासितापूर्ण यो होटल आफैँमा एउटा पर्यटकीय केन्द्र हो । यस होटलको मुख्य विशेषता भनेको नै यहाँ रहेका ३ वटा ५७ तले भवनको माथि ३ वटै भवनहरुलाई जोडेर बनाइएको विशाल स्वीमिङ पुल हो । जमिनबाट ६५६ फिट माथि भएको हुनाले होटलहरु मध्येमा यो विश्वकै जमिनमाथि अग्लो ठाउँमा भएको स्विमिङ पुल हो । होटलका पाहुनाहरुले मात्र यहाँ स्विमिङ गर्न पाउँछन् । यहाँ पौडी खेल्दै लगभग सिङ्गापुरको आधा भाग दृश्यावलोकन गर्न पाइन्छ । धेरै नै विशाल एवं मनमोहक यस स्वीमिङ पुलको छेउमा बगैँचा, तातोपानीयुक्त ज्याकुज्जी एवं दुई वटा रेस्टुराँ छन् । ५७ तलाको होटलको सबैभन्दा माथिल्लो भागमा जहाँ एक छेउमा स्वीमिङ पुल छ भने अर्काे भागमा दृश्यावलोकन स्थल (अब्जर्भेसन डेक) छ, जहाँ केही शुल्क तिरेर दृश्यावलोकनका लागि जो कोही पनि जान पाउँछन् । 
होटलभित्र विशाल क्यासिनो छ, जहाँ प्रवेश पाउन सबैले पासपोर्ट देखाएर जानुपर्छ । १५ हजार वर्गमिटर क्षेत्रफलमा फैलिएको यस क्यासिनोमा १ हजार टेबल र १४०० स्लट मेसिनहरू छन् । होटलभित्र लगभग ३०० पसल भएको विशाल सपिङ कम्प्लेक्स छ, जहाँ विश्वप्रसिद्ध सबै ब्रान्डका लुगा, इलेक्ट्रोनिक सामान, घडी, सेन्ट, सौन्दर्य प्रशाधन एवं अन्य पदार्थ पाइन्छन् ।

विश्व प्रसिद्ध सेफहरु जस्तै गोर्डन रामसे, मारियो बाटालीजस्ता कुकहरुको यहाँ आफ्नै रेस्टुराँ छन् । होटलभित्र पानीको फोहरासहित नहर छ । त्यहाँ डुङ्गा चढ्दा साह्रै नै रमाइलो लाग्यो । यो होटलको बिहानको ब्रेकफास्टमा राखिएको खानाको प्रकार देख्दा आश्चर्य चकित भएँ । त्यहाँ विश्वका लगभग हरेक देशका खाना उपलब्ध थिए ।

जीवनमा सबैभन्दा धेरै खाएको दिनहरुमध्ये थियो, त्यस बिहानी । त्यहाँका कर्मचारीको व्यवहार साह्रै विनम्र, आत्मिय र सेवा गर्न तत्पर पाएँ । होटलबाट गार्डेन बाई बे, मेर्लिअन, सिंगापुर फ्लायरजस्ता सिंगापुरका प्रमुख पर्यटकीय स्थल आँखाकै अगाडि देखिन्छन् । होटल कम्पाउन्डमा नै सिङ्गापुर आर्ट एन्ड साइन्स म्युजियमको कलात्मक भवन छ । यस होटलमा ७४ हजार वर्गमिटरको विशाल सभाकक्ष पनि छ । अलि महँगो यो होटलमा जापानी पर्यटक बढी आएको पाएँ ।
केही समय अगाडिसम्म सिंगापुरको प्रतीकका रूपमा मुखबाट पानीको फोहरा निस्किएको माछाको जिउ र सिंहको टाउको भएको सेतो मूर्ति (मर्लायन) थियो भने अचेल सिंगापुरलाई झल्काउने हरेक तस्बिरमा यो होटल नै देखिन्छ । सिंगापुरको प्रतीकका रूपमा यो होटल बन्न पुगेको छ । केही महँगो (प्रतिकोठा प्रतिदिन लगभग नेपाली चालिस हजार रूपैयाँ भए पनि) होटल निर्माणको लागत, त्यहाँका सुविधा, खानाको गुणस्तर, त्यहाँ प्राप्त सेवाहरुका अगाडि यो मूल्य उचित नै लाग्यो । एकबारको जुनीमा यहाँ त आउनै पर्ने ठाउँमा नै आइयो भन्ने लाग्यो । जीवनमा नगरी नहुने, नगई नहुने स्थानहरुमा यो होटलको बसाइ र अवलोकन पनि हो । आखिर ८ खर्ब खर्च गरेर बनाइएको सुविधा जो हो यो !
धनी, गरिब, महिला, पुरुष, शिक्षित, अशिक्षित, बूढा, जवान सबैले यात्रा गरिरहनु नै पर्छ । त्यसैले जतिसक्नु हुन्छ यात्रा गर्नुहुन्छ, जति टाढा जान सक्नुहुन्छ, जानुहोस्, जति लामो समयावधिसम्म यात्रा गर्न सक्नुहुन्छ, गर्नुहोस् किनभने जीवन एकैठाउँमा बिताउनका लागि होइन ।
(नागरिक परिवारबाट साभार)






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशक सौगात विष्टले निर्देशन गरेको फिल्म हैरानको टिजर सार्वजनिक भएको छ । मुक्ति घले र श्रृष्टी घिमिरेको संयुक्त...

साउदीमा पहिलो पटक फेशन शो, दर्शक महिलामात्र

साउदीमा पहिलो पटक फेशन शो, दर्शक महिलामात्र

साउदी अरेबियामा पहिलोपटक फेशन शो भएको छ। साउदीको रियादमा सम्पन्न उक्त फेशन शोमा दर्शक भने महिलाहरूमात्र थिए।  उक्त फेसन शोमा सहभागी...

लिलि बिली : हिन्दी फिल्मको जोडजाड

लिलि बिली : हिन्दी फिल्मको जोडजाड

स्कटल्यान्ड तपाईंको ‘ड्रिम कन्ट्री’ हो र पर्दामै भए पनि त्यहाँका दृश्य देख्दा तपाईंको मन रमाउँछ भने ‘लिलि बिली’ हेर्नु राम्रै...

मिस नेपाल इन्टरनेशनल २०१८को पहिलो भिडियो सार्वजनिक

मिस नेपाल इन्टरनेशनल २०१८को पहिलो भिडियो सार्वजनिक

मिस नेपाल इन्टरनेशनल २०१८ रोनाली अमात्य अभिनित म्युजिक भिडियो ‘सुन’ सार्वजनिक भएको छ।  र्‍यापर निर्णय श्रेष्ठको एल्बम ‘एक नेपाल’ समावेश...

Fixed Ad