नर्भिकमा बालिका मृत्यु प्रकरण

अस्पताल र चिकित्सकविरुद्ध ११ करोड क्षतिपूर्तिको माग

शुक्रबार, २० असोज २०७४, १५ : ०२ पवित्रा सुनार


काठमाडौं -चिकित्सकको लापरबाहीका कारण बालिकाको मृत्यु भएको भन्दै पीडित परिवारले नर्भिक अस्पताल तथा चार चिकित्सकविरुद्ध क्षतिपूर्ति मुद्दा दायर गरेको छ । गत भदौ १३ मा काठमाडौं मैतीदेवीकी १६ महिने बालिका भिक्टोरिया आचार्यको उपचारका क्रममा मृत्यु भएको थियो ।

पीडितका तर्फबाट उपभोक्ता मञ्चले अस्पताल तथा चिकित्सकले दिनुपर्ने गरी  ११ करोड २४ हजार ३ सय ४२ रुपैयाँ क्षतिपूर्ति माग गरिएको छ  । मंगलबार बालिकाका पिता रमेश आचार्यका तर्फबाट मञ्चका अधिवक्तामार्फत मुद्दा दायर गरेका हुन् ।

बालिकाका पिता आचार्य क्षतिपूर्ति दिलाइदिने प्रक्रियाका लागि घटनाको विस्तृत विवरणसहित निवेदन दिएपछि मञ्चले क्षतिपूर्ति ऐनअनुसार कानुनी उपचारका लागि सहयोग गरेको मञ्चले जनाएको छ । ‘कुनै पनि पीडितले आफूमाथि अंगगत , मानसिक , शारीरिक तथा व्यावसायिक क्षति भयो भनेर निवेदन दिएपछि मञ्चले आवाज उठाइदिन्छ,’ मञ्चका अध्यक्ष ज्योति बानियाँले भने । नर्भिक अस्पताल तथा बालिकाको उपचारमा संलग्न चारजना चिकित्सक डा. बिनिता जोशी , डा. सुरेश लामिछाने , ऋतु लामिछाने र सुनिला शाक्यविरुद्ध मुद्दा दायर गरिएको हो । जिल्ला प्रशासन कार्यालयमा प्रमुख जिल्ला अधिकारीसहित विभिन्न विज्ञ सदस्यको सहभागितामा छानबिन अनुसन्धान समितिले घटनाको अध्ययन गरी फैसला गर्ने  कानुनी व्यवस्था छ ।

मञ्चले उपभोक्ता संरक्षण ऐनअनुसार पीडितका तर्फबाट मुद्दा दायर गरेको जनाएको छ ।  २०५४ को दफा (२२) मा पीडित उपभोक्ता सेवा वा वस्तु दिँदा कुनै उपभोक्तालाई अर्थिक, मानसिक, शारीरिक  र भौतिक हानी नोक्सानी पुगेमा पीडित आफैं वा पीडितका तर्फबाट उपभोक्ता संस्थाले मुद्दा दर्ता गर्न सक्ने व्यवस्था छ ।

गत भदौ १३ गते बिहान साढे दस बजे रुघाखोकी तथा ज्वरोले ग्रस्त भिक्टोरियालाई उपचारका लागि नर्भिक अस्पताल लगिएको थियो । त्यहाँ पुगेको दुई घन्टाभित्रै बालिकाको मृत्यु भएको घोषणा गरिएको थियो । छोरीको मृत्युलगत्तै पिता आचार्यले लापरबाहीका कारण मृत्यु भएको भन्दै विभिन्न निकायमा धाएका थिए । यही क्रममा उनले गत भदौ १५ मा महानगरीय प्रहरी परिसर, टेकुमा चार चिकित्सकविरुद्ध किटानी जाहेरी दिन पुगेका थिए ।

मृतक बालिका अमेरिकी नागरिक भएको , पिता आचार्य पनि अमेरिकामै कार्यरत भएको र छोरीको मृत्युपछि मानसिक तथा व्यावसायिक असर परेको बताएपछि क्षति विश्लेषण गरी ११ करोडभन्दा बढी रकम क्षतिपूर्ति माग गरिएको बानियाँले बताए । ‘पीडितलाई घटनाले कहाँकहाँ क्षति पुग्यो भन्ने विषय हेरी ११ करोड रुपैयाँभन्दा बढी माग गर्नुपरेको हो,’ उनले भने ।

अमेरिकी नागरिकको हैसियत भएकी बालिका भिक्टोरियालाई प्रतिमहिना एक लाख नेपाली रुपैयाँबराबर पाउने गरेको, पिता आचार्यले अमेरिकामा मासिक ४ लाख नेपाली रुपैयाँ कमाउने गरेको, विभिन्न विश्वविद्यालयमा सल्लाहाकारको भूमिका निर्वाह गर्दै आएको लगायतका सामाजिक हैसियत रहेकाले करोडमा क्षतिपूर्ति माग गर्नुपरेको बानियाँको भनाइ छ । ‘छोरीको मृत्युका कारण यी सबै पेसामा बाधा पुगेको दाबी पिताले गरेका छन्,’ उनले भने ।

छोरीको मृत्यु लापरबाहीकै कारणले भएको भन्दै पिता आचार्यले अस्पतालको लापरबाहीका कारण आफूले जस्तो पीडा अरू नेपालीले भोग्न नपरोस् भन्नका लागि यी मुद्दा दायर गरेको बताए । ‘पचास वर्ष लगाएर पनि छोरीको न्यायका लागि लड्छु,’ उनले भने । यही विषयमा गत भदौ १५ मा महानगरीय प्रहरी परिसर, टेकुले किटानी जाहेरी दर्ता गर्न नमानेपछि उनले अब सिधै अदालती प्रक्रियामै अघि बढ्ने बताए । ‘पहिला छलफल गर्छौं भन्नेहरू अहिले सम्पर्कमा आउँदैनन्,’ उनले भने ।

 

 

 

 

 

 

 

 

 

 

 

 

 

 

 

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

मिस नेपाल इन्टरनेशनल २०१८को पहिलो भिडियो सार्वजनिक

मिस नेपाल इन्टरनेशनल २०१८को पहिलो भिडियो सार्वजनिक

मिस नेपाल इन्टरनेशनल २०१८ रोनाली अमात्य अभिनित म्युजिक भिडियो ‘सुन’ सार्वजनिक भएको छ।  र्‍यापर निर्णय श्रेष्ठको एल्बम ‘एक नेपाल’ समावेश...

राष्ट्रिय ललितकला प्रदर्शनी सुरु

राष्ट्रिय ललितकला प्रदर्शनी सुरु

राजधानीमा बुधबारबाट ‘आठौं राष्ट्रिय ललितकला प्रदर्शनी’ सुरु भएको छ । नेपाल ललितकला प्रज्ञा प्रतिष्ठानको आयोजनामा राजधानीको बबरमहलस्थित नेपाल कला परिषद्मा...

‘लिलिबिली’लाई चार करोड

‘लिलिबिली’लाई चार करोड

नायक प्रदीप खड्का र नवनायिका जसिता गुरुङ अभिनित प्रेमकथाको फिल्म ‘लिलि बिली’को पाँच दिने कलेक्सन सार्वजनिक भएको छ । फिल्म...

प्रेमलाई लाइफटाइम अचिभमेन्ट

प्रेमलाई लाइफटाइम अचिभमेन्ट

लिम्बु भाषा र संस्कृतिमा बनेका फिल्म तथा संगीतमा पुर्‍याएको योगदानको कदर गर्दै संगीतकार प्रेम पन्धाकलाई ‘एफएलएफ लाइफटाइम अचिभमेन्ट अवार्ड’ प्रदान...

Fixed Ad