इतिहास बनाउने लक्ष्य

मङ्गलबार, २८ कार्तिक २०७४, १० : ०० नागरिक


काठमाडौं- नेपालले एक महिनाअघि मलेसियामा भएको एसिसी यु–१९ इस्टर्न रिजन छनोट क्रिकेट जितेर एसिसी यु–१९ एसिया कपका लागि छनोट भएको थियो ।
इस्टर्न रिजन क्रिकेटको उपाधि जित्दा नेपालले कुनै पनि खेलमा हारको सामना गरेको थिएन ।
च्याम्पियन बनेपछि नेपाल पुनः मलेसियामै हुने यु १९ एसिया कपमा छनोट भयो । आइतबार भारतलाई हराएपछि जारी एसिया कपमा नेपाल विश्व क्रिकेटलाई सरप्राइज दिने नतिजा निकाल्ने टोली बनेको छ ।
मंगलबार नेपाल अर्को इतिहास बनाउने लक्ष्यका साथ आयोजक मलेसियासँग बायोमासमा खेल्दै छ । यसअघि नेपालले इस्टर्न रिजन छनोट क्रिकेटमा मलेसियालाई सहजै १० विकेटले हराएको थियो । अपराजित रहँदै उपाधि जितेर फर्कंदा प्रशिक्षक विनोद दासले एसिया कपमा टेस्ट राष्ट्रलाई हराएर सरप्राइज दिने लक्ष्य रहने बताएका थिए । नेपाल मलेसियामा जारी एसिया कपको पहिलो खेलमा बंगलादेशसँग २ विकेटले पराजित भयो । तर नेपालले बंगलादेशसँगको हारबाट पाठ सिकेको थियो ।
बंगलादेशसँगको हारबाट नयाँ अनुभव हासिल गरेको नेपालले आइतबार भारतलाई हराउँदै विश्व क्रिकेटमा एउटा सरप्राइज निकाल्यो । भारत विश्व क्रिकेटमा शक्तिशाली राष्ट्र हो । भारतजस्तो क्रिकेट क्रेजी देशलाई १९ रनले हराउनु नेपाली क्रिकेटको अहिलेसम्मकै ठूलो सफलतामा पर्छ ।
अन्तराष्ट्रिय क्रिकेट काउन्सिल (आइसिसी) बाट निलम्बनमा परे पनि नेपालले विश्व क्रिकेटमा आफ्नो क्षमतालाई प्रमाणित गरिरहेको छ ।
नेपालले जारी प्रतियोगितामा भारतलाई हराएपछि अर्को सफलता नजिक पुगेको हो । त्यो हो, नेपालको यु १९ एसिया कपको सेमिफाइनल लक्ष्य । यो लक्ष्य मंगलबारको खेलले निर्धारण गर्नेछ । नेपालले मंगलबार आयोजक मलेसियासँग खेल्दै छ । समूह ‘ए’ मा रहेका नेपाल, भारत र बंगलादेशले समान २ अंक जोडेका छन् ।
नेपालले समूहको अन्तिम खेल मलेसियासँग खेल्दा भारतले बंगलादेशसँग खेल्नेछ । भारत र बंगलादेशमध्ये जुनसुकै टोलीले जित हासिल गरे पनि सेमिफाइनलमा पुग्न नेपाललाई जित आवश्यक पर्नेछ । मलेसियाविरुद्ध जित हासिल गरे नेपाल अन्तिम चारमा पुग्नेछ ।

भारतजस्तो शंक्तिशाली देशलाई हराएको नेपालका लागि मलेसिया कठिन प्रतिद्वन्द्वी होइन । तर मलेसिया पनि घरेलु मैदानमा अप्रत्याशित नतिजा निकाल्ने दाउमा छ । मलेसियाले जारी प्रतियोगितामा भारतसँग २ सय २ रनको लज्जास्पद हारको सामना गरेको थियो ।  त्यो हारलाई बिर्सन पनि मलेसियाले नेपाललाई कडा चुनौती दिन सक्छ ।
प्रतियोगिताअघि नेपालले बंगलादेशसँग तीन मैत्रीपूर्ण खेल खेलेको थियो । नेपालले तीनमध्ये एकमा जित हासिल गरेको थियो ।
बंगलादेश भ्रमणबाट नेपालले आफ्नो कमजोरीलाई सुधार गर्ने अवसर पाएको थियो ।
गल्तीबाट सिक्दै अगाडि बढेको नेपालले भारतलाई प्रतियोगितामा निराश बनाउन सफल भयो । जुन हार भारतका लागि नमीठो हो । प्रतियोगितामा भारतले अहिलेसम्म पराजित हुनु परेको थिएन । भारतलाई हराएपछि युवा टोलीका प्रशिक्षक विनोद दासले
ऐतिहासिक सफलताको श्रेय कडा मिहिनेत र टिमको लगावलाई दिएका थिए । उनले भनेका थिए, ‘भारतविरुद्धको जितलाई शब्दमा बयान गर्न गाह्रो छ । समय परिवर्तनशील छ । हामीलाई थाहा थियो समयले हामीलाई पनि कुनै बेला साथ दिनेछ । आज हामीले आफ्नो क्षमतालाई देखायौं । कप्तान दीपेन्द्र खेलका नायक हुन् र टिमको मिहिनेत अद्भुत छ ।’
टेस्ट राष्ट्र भारतलाई सिकार बनाउने क्रममा उच्च प्रदर्शन गर्ने नेपाली खेलाडी हुन् कप्तान दिपेन्द्र ।
दीपेन्द्र पछिल्लो समय राष्ट्रिय टोलीमा पनि मिडिल अर्डरमा भरपर्दा ब्याट्सम्यानका रूपमा देखिएका छन् । अलराउन्डर दीपेन्द्रले भारतविरुद्ध सानदार अलराउन्ड प्रदर्शन गरे । उनले ८८ रन बनाउनुका साथै ४ विकेट लिएर भारतलाई नमीठो हारको अनुभव गराएका थिए ।
नेपालले टेस्ट राष्ट्रलाई हराएको पहिलो पटक भने होइन । नेपालले यसअघि यु–१९ स्तरमा टेस्ट खेल्ने बंगलादेश, दक्षिण अफ्रिका, न्युजिल्यान्ड र पाकिस्तानलाई पराजित गरिसकेको छ । मलेसिया नेपालका लागि कठिन प्रतिद्वन्द्वी होइन । तर घरेलु मैदानमा मलेसियालाई पनि सहज प्रतिद्वन्द्वी मान्न सकिन्न । मलेसियालाई हराएर नेपालले अर्को इतिहास बनाउनेछ एसिया कपमा । त्यो हो,
एसिया कपको सेमिफाइनलमा पुग्ने ननटेस्ट राष्ट्र नेपाल ।






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

अक्षय कुमार घाइते

अक्षय कुमार घाइते

बलिउड अभिनेता अक्षय कुमार घाइते भएका छन्। फिल्म ‘केसरी’को एक्सन सीनको शुटिङ्गका क्रममा उनी घाइते भएको भारतीय सञ्चारमाध्यमले जनाएका छन्।...

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशक सौगात विष्टले निर्देशन गरेको फिल्म हैरानको टिजर सार्वजनिक भएको छ । मुक्ति घले र श्रृष्टी घिमिरेको संयुक्त...

साउदीमा पहिलो पटक फेशन शो, दर्शक महिलामात्र

साउदीमा पहिलो पटक फेशन शो, दर्शक महिलामात्र

साउदी अरेबियामा पहिलोपटक फेशन शो भएको छ। साउदीको रियादमा सम्पन्न उक्त फेशन शोमा दर्शक भने महिलाहरूमात्र थिए।  उक्त फेसन शोमा सहभागी...

लिलि बिली : हिन्दी फिल्मको जोडजाड

लिलि बिली : हिन्दी फिल्मको जोडजाड

स्कटल्यान्ड तपाईंको ‘ड्रिम कन्ट्री’ हो र पर्दामै भए पनि त्यहाँका दृश्य देख्दा तपाईंको मन रमाउँछ भने ‘लिलि बिली’ हेर्नु राम्रै...