श्रीहरि पौडेल
तनहु- शुक्रबार राति तनहुँको म्याग्दे ६ अकलामा बस दुर्घटना हुदाँ १ जनाको मृत्यु भएको छ भने ४ जना यात्रु गम्भीर घाइते भएका छन् ।
मृत्यु हुनेमा पर्सा मणिपुर ६ का डा. रघुबंश त्रिपाठी रहेको इलाका प्रहरी कार्यालय बेलचौतराले जनाएको छ । डा. त्रिपाठी पोखराको गण्डकी मेडिकल कलेजमा कार्यरत रहेका थिए ।
बस दुर्घटनामा ४ जना यात्रु गम्भीर घाइते भएको प्रहरी निरक्षक राजेन्द्र अधिकारीले बताए । उनीहरुको पोखराका अस्पतालमा उपचार भइरहेको प्रहरीले बताएको छ ।
पोखराबाट विरगञ्ज आउर्दै गरेको ना४ख ६५०० नम्बरको यात्रुबाहक बस गएराति आफैँ अनियन्त्रित भएर दुर्घटना भएको प्रहरीले बताएको छ ।

प्रकाशित: ९ मंसिर २०७४ ०२:५२ शनिबार