‘फोरममा पैसा र जातीयता हाबी भएपछि कांग्रेसमा आएँ’

आइतबार, ०९ पुष २०७४, ११ : ४० नागरिक


कपिलवस्तु-३ बाट निर्वाचित सांसद एवं नेपाली कांग्रेसका नवनेता अभिषेकप्रताप शाहसँग कृष्णनगर नगरपालिकास्थित उनकै निवासमा गरिएको कुराकानी:

लगातार तेस्रोपटक विजयी हुनुभयो, जितको श्रेय कसलाई दिनुहुन्छ ?
मेरो क्षेत्रका जनतालाई । उनीहरूको आशीर्वाद, आस्थाले चुनाव जितेको छु । तिन पटक जिते पनि खासै काम गर्न भने सकिनँ । सत्ता र पदमा पनि बस्ने मौका मिलेन ।

दुईपटक जितेको फोरम पार्टी छाड्नुभयो, किन ?
आफू कुन पार्टीमा रहने त्यो व्यक्तिको लोकतान्त्रिक अधिकार हो । फोरम पार्टी पूर्वका ठूला नेताको कब्जामा रहेको र पश्चिमका नेताहरूलाई कुनै जिम्मेवारी पनि नदिने भएकाले, हेला गरेको महसुस गरेकाले छोडेको । उपेन्द्रजीले मेरो वास्ता गर्नु भएन । आफ्नो कुरा राख्दा पनि कुनै रुचि देखाउनु भएन । फोरममा विकासभन्दा पैसा र जातीयता हाबी भयो । विभिन्न पदमा मनोनित गर्दा पैसा हाबी हुने गरेको देखियो । अहिले म २०१५ सालमा हजुरबाले जित्नुभएको पार्टीमा रहन पाउँदा गौरवान्वित भएको छु ।
विगतमा मधेसीहरूको एजेन्डा लिएर हिँड्नुभएको थियो । अब मधेसीहरूको हक–अधिकार स्थापित भइसक्यो त  ?
मधेसीहरूको हक अधिकार स्थापना गर्नु कुनै एक पार्टीको मात्र एजेन्डा होइन । यो त राष्ट्रिय समस्या हो । सिंहदरबारमा मधेसीहरूको एजेन्डा देउवा सरकारले टेबल गरी निर्णयका लागि संसद्मा लगेको हो । कांग्रेस मधेस विरोधी पार्टी होइन । कांग्रेस उदार पार्टी हो । ४÷५ वटा सिट ल्याएको पार्टीले समस्या समाधान गर्न सक्दैन । राष्ट्रिय पार्टीले नै त्यसको स्वामित्व लिनुपर्छ अनि मात्र त्यसले मूर्तरूप लिन्छ ।
 

मधेसको एजेन्डा के हुन्छ अब ?  
शाहः मधेसको एजेन्डालाई मैले अझै बिर्सेको छैन । मधेसको समस्या पहाडले र पहाडको समस्या मधेसले उठाउनुपर्छ अनि मात्र सद्भाव कायम भई अधिकार स्थापना हुन्छ । विगतमा बुझाइको कमीले गर्दा कांग्रेसमा केही समस्या देखिएको हो त्यसलाई हामी पूरा गर्छौं ।  
 

पहिला जित्दा तपाईंले गरेका मुख्य काम के–के हुन् ?
आरटिओ रोडको ७ किमि पक्की, ५ सय भन्दा बढी दलित आवास, ठकुरापुर र जगदिशपुर  हल्लानगरमा पक्की पुल निर्माण गरेको छु । कृष्णनगर भएर तेस्रो मुलुकमा आयात–निर्यातका लागि भन्सारलाई क श्रेणीमा विस्तार, ड्राइपोर्ट निर्माणका लागि पहल । कृष्णनगर हुँदै नेपालमा रेलवे ल्याउन भारतीय सरकारसँग पलह गरेको छु र भारतीय सरकारले त्यसको सुरुवात गरिसकेको छ ।
 

अब तपाईंका प्राथमिकता के–के हुन् ?
कृष्णनगरमा सुविधासम्पन्न  अस्पताल, क्याम्पस निर्माण, उद्योग कलकारखानामा नेपाली मजदुरलाई नै राख्नुपर्ने नियम । ठूला लगानीकर्तालाई भित्र्याई उद्योगधन्दाको हब बनाउने, सिमेन्ट उत्पादनमा मुलुकलाई नै आत्मनिर्भर बनाउने र हाइड्रोपावरलाई उपयुक्त तरिकाले उपयोग गर्ने मेरा प्राथमिकताहरू हुन् ।
 

युवा सांसद हुनुहुन्छ ? युवाहरूका लागि के गर्नुहुन्छ ?
युवाहरू नै विकासको संवाहक हुन् । युवाहरूविना विकास सम्भव छैन । युवाहरूलाई नै प्राथमिकता दिनुपर्छ । युवाहरूका लागि नीति निर्माण गरेर अघि बढ्नुपर्छ । युवाहरूका लागि विशेष नीति ल्याउनुपर्छ । पार्टी र संसद्मा युवाहरूका लागि विशेष कार्यक्रम नीति ल्याउन भरपुर प्रयास गर्छु ।
 

प्रदेश नम्बर ५ को राजधानी कपिलवस्तु बनाउनेतिर पनि लाग्नुभएको छ त ?  
कपिलवस्तु साधारण ठाउँ होइन । बुद्ध चिनिने ठाउँ तिलौराकोट राजधानी हो । ईसापूर्व छैटौँ शताब्दीमा नै कपिलवस्तुमा राजाहरूको चुनाव हुने गथ्र्यो । लोकतान्त्रिक अभ्यासको थलो भएकाले कपिलवस्तुलाई नै ५ नम्बर प्रदेशको राजधानी बनाउनुपर्छ






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

राजेशपायलकाे खुलासा : रेखासँग बिहे हुनै सक्दैन भन्ने छैन

राजेशपायलकाे खुलासा : रेखासँग बिहे हुनै सक्दैन भन्ने छैन

२७ वर्षयता संगीत क्षेत्रमा सक्रिय राजेशपायल राइका दर्जनौ गीत हिट छन् । अविवाहित उनले हालसालै इन्स्टाग्राममा ‘मायालु’ लेखेर राखेको एउटा...

मदन पुरस्कार विजेता राजनमाथि आरोप : ‘मेरा श्रीमान् ‘१५ औं प्रेमिकासँग बस्छन्’

मदन पुरस्कार विजेता राजनमाथि आरोप : ‘मेरा श्रीमान् ‘१५ औं प्रेमिकासँग बस्छन्’

प्रगति राई जमेकी साहित्यकार हुन् । खुलस्त लेखनले उनी चर्चामा आउँछिन् । ‘लेखककी स्वास्नी’ उपन्यास उनको खुलस्त लेखनको उदाहरण हो...

‘नेपाली साहित्य दलालीतर्फ जाँदैछ’

‘नेपाली साहित्य दलालीतर्फ जाँदैछ’

समालोचक तथा कवि नेत्र एटम (नेत्रमणि सुवेदी) पेसाले त्रिभुवन विश्वविद्यालयमा  प्राध्यापन  गर्छन्।  साहित्यको समालोचना गर्दै  आएका  एटमसँग नेपाली साहित्यमा  कविताको ...

करोड क्लवमा ओलीको ह्याट्रिक

गायक सरोज ओलीले करोड क्लबमा ह्याट्रिक गरेका छन् । उनले गाएका तीनओटा आधुनिक गीतहरू युट्युबमा १ करोडभन्दा धेरैपटक हेरिएको हो।