बाह्र वर्षअघिको कीर्तिमानमा सुधार

बिहिबार, २७ पुष २०७४, ०६ : ५७ नागरिक


काठमाडौं – नेपाल प्रहरीकी संगीता राईले राखेप च्याम्पियनसिपअन्तर्गत  २३औं पुरुष तथा आठौं महिला राष्ट्रिय भारोत्तोलन प्रतियोगितामा नयाँ राष्ट्रिय कीर्तिमान कायम गरेकी छिन् । ४८ केजी तौलसमूहको क्लिन एन्ड जर्कमा राईले ६६ केजी भार उठाई नीता थापाको नाममा रहेको कीर्तिमानलाई भंग गर्दै नयाँ राष्ट्रिय कीर्तिमान आफ्नो नाममा लेखाउन सफल भएको राष्ट्रिय खेलकुद परिषद्ले जनाएको छ ।

नीताले २०६२ सालमा वीरगन्जमा आयोजना भएको राधिका स्मृति कपमा राखेको ६५ केजी तौललाई भंग गर्दै राष्ट्रिय कीर्तिमान राखेकी हुन् । उनले स्न्याचतर्फ ५२ केजीका साथ कुलमा १ सय १८ केजी उठाउँदै स्वर्ण पदक प्राप्त गरिन् । सेनाकी मनीष रानाभाटले रजत पाइन् । उनले स्न्याचमा ५१ र क्लिन एन्ड जर्कमा ६३ केजी गरी कुल १ सय १४ केजी उठाइन् । झापाकी करिना चौधरीले स्न्याचमा ३५ केजी र क्लिन एन्ड जर्कमा ५१ केजीका साथ कुलमा ८६ केजी उचाल्दै कांस्य पाइन् ।

पोखराको उद्योग वाणिज्य संघको हलमा भएको प्रतियोगितामा ५३ केजी तौलमा सन्जु चौधरीले आफ्नै नाममा रहेको कीर्तिमानमा सुधार गरिन् । उनले स्न्याचमा २०१७ मा कोरियामा सम्पन्न एसियन क्लब तथा एसिया कपमा राखेको ६१ केजी तौललाई सुधार गरी ६३ केजी भार वहन गर्दै स्वर्ण पाइन् । यस्तै उनले क्लिन एन्ड जर्कमा ८२ केजी भार वहन गर्दै सुनीललाल जोशी स्मृति कप २०७४ मा राखेको ८१ केजीलाई सुधार गर्दै अर्को कीर्तिमान राखिन् । यस्तै उनले कुलमा पनि कोरियामा राखेको १ सय ४० केजीमा सुधार गर्दै १ सय ४५ केजीका साथ स्वर्ण पाइन् । 

नेपाल प्रहरीकी देवीकुमारी चौधरीले स्न्याचमा ६२ केजी, क्लिन एन्ड जर्कमा ७५ र कुलमा १ सय ३७ केजीका साथ रजत र सप्तरीकी काजल यादवले स्न्याचमा ४५, क्लिन एन्ड जर्कमा ५० र कुलमा ९५ केजी भार वहन गर्दै कांस्य पाइन् । महिलाकै ५८ केजी तौलमा सेनाकी कमला श्रेष्ठले स्न्याचमा ६५ केजी उठाइन् । उनले क्लिन एन्ड जर्कमा ८६ केजीका साथ नयाँ राष्ट्रिय कीर्तिमान राखिन् । उनले ललितपुरमा सम्पन्न एसियन युथ तथा जुनियर च्याम्पियनसिपमा ८५ केजीको कीर्तिमान राखेकी थिइन् । उनले कुलमा पनि १ सय ५१ केजीका साथ स्वर्ण पाइन् ।

यस्तै पुरुषतर्फको ५२ केजी तौलमा प्रहरीका गणेश रानाभाटले स्वर्ण प्राप्त गरे । उनले स्न्याचमा ६७ केजी र क्लिन एन्ड जर्कमा ८२ गरी कुल १ सय ४९ केजी भार वहन गर्दै स्वर्ण पाए । त्यस्तै सप्तरीका लालबाबु पासवानले स्न्याचमा ६५ र क्लिन एन्ड जर्कमा ८१ गरी कुल १ सय ४६ केजीका साथ रजत र सिराहाका बच्चुलाल चौधरीले स्न्याचमा ६० र क्लिन एन्ड जर्कमा ६६ केजीका साथ कुल १ सय २६ केजी उठाउँदै कांस्य पाए ।

पुरुषकै ५६ केजीमा सेनाका तुलाराम महतोले स्न्याचमा ८३ केजी र कुलमा १ सय ७९ केजीका साथ स्वर्ण पाए । उनले क्लिनमा ९६ केजी भार वहन गर्दै रजतमा चित्त बुभाए । उनलाई क्लिनमा सप्तरीका मनोज यादवले १ सय केजी उठाएर दोस्रो स्थानमा चित्त बुझाउन बाध्य पारे । यादवले स्वर्ण पाए । क्लिन र कुलमा ७६ र १ सय ७६ केजीका साथ रजत पाए । तेस्रो स्थानमा रहेका सप्तरीकै रामकुमार यादवले स्न्याच, क्लिन र कुलमा ७०, ९० र १ सय ६० केजीका साथ कांस्य पाए ।
 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

पारिजातलाई सम्झँदा (भिडियो)

नेपाली साहित्यमा पारिजातको नाम उच्चस्थानमा छ। विस १९९४ बैशाखमा दार्जिलिङमा जन्मिएकी पारिजातको 'सिरिसको फूल' चर्चित उपन्यास हो। बुधबार उनको २४...

पूजा हेगडेको चर्चा

पूजा हेगडेको चर्चा

बलिउडकी अभिनेत्री पूजा हेगडे पुनः एक पटक चर्चामा छिन् । ‘बाहुबली’ सुपरस्टार प्रभासको आगामी फिल्मकी नायिका हुने घोषणासँगै हेडलाइनमा छाएकी...

मनोज गजुरेल फिल्ममा

मनोज गजुरेल फिल्ममा

पछिल्लो वर्षमा कमेडी कलाकार अभिनित फिल्मले बक्स अफिसमा उत्कृष्ट व्यापार गर्न थालेपछि फिल्म निर्माताहरू कमेडी कलाकारलाई लिएर धमाधम फिल्म बनाउन...

युवराजको ‘देउरालीको फूल’

गीतकार युवराज अधिकारीको पहिलो गीति संग्रह ‘देउरालीको फूल’ बजारमा आएको छ । साहित्यमा पनि सक्रिय गीतकार अधिकारीको गीति संग्रहमा ६...

Fixed Ad