टोटेनह्याम शीर्ष ४ मा उक्लन वञ्चित

मङ्गलबार, ०९ माघ २०७४, ०९ : १८ एजेन्सी


साउथह्यमटन– स्ट्राइकर ह्यारी केनले इङ्लिस प्रिमियर लिगमा गोल संख्या ९९ पुर्याए पनि आइतबार साउथह्यामटनसँग १–१ को बराबरीमा रोकिएपछि टोटेनह्यामले शीर्ष ४ मा उक्लिने माैका गुमाएको छ।

१५औं मिनेटमा टोटेनह्यामका डाभिन्सन सान्चेजले गरेको आत्मघाती गोलमा साउथह्यामटनले अग्रता लिएको छ। साउथह्यामटनका रायन बर्टान्डको प्रहार रोक्ने क्रममा बलले सान्चेजलाई छुँदै पोस्टको दिशा लिएको थियो।

त्यसको तीन मिनेटपछि केनले गरेको गोलमा टोटेनह्याम खेलमा फर्किएको थियो । केनले बेन डेभिसको पासलाई जाली चुमाएका थिए।

यस नतिजापछि २४ खेलको समाप्तिमा ४५ अंक जोडेको टोटेनह्याम पाँचौं स्थानमा छ । जुन एक खेल कम खेल्दै चौथो स्थानमा बसेको लिभरपुलभन्दा २ अंक कम हो । २२ अंक जोडेको साउथह्यामटन १८औं स्थानमा छ । साउथह्यामटनले नोभेम्बरपछिको कुनै पनि खेलमा जित हात पार्न सकेको छैन।

साउथह्यामटनसँग महत्वपूर्ण २ अंक गुमाउनु दुखद भएको भन्दै टोटेनह्यामका प्रशिक्षक माउरिसियो पोचेटिन्होले म्यानचेस्टर युनाइटेड, आर्सनल र लिभरपुलजस्ता शीर्ष टोलीविरुद्धको खेल बाँकी नै भएकाले थप सुधारिएको प्रदर्शन गर्न आवश्यक भएको बताए।

‘साउथह्यामटनले उत्कृष्ट प्रदर्शन ग¥यो,’ पोचेटिन्होले भने, ‘हाम्रो प्रदर्शन लयअनुरूपको रहेन । हामीले अझै बल नियन्त्रणमा राख्दै धेरैभन्दा धेरै गोलको अवसर सिर्जना गर्नुपर्छ । आज हामीले धेरै गल्ती गर्याैँ। यो गल्तीबाट पाठ सिक्नुपर्छ । हामीले दुई अंक मात्र गुमाएको जस्तो देखिए पनि अन्तमा त्यो अंक नै हाम्रो शीर्ष ४ मा बस्ने नबस्ने टुंग्याउन महत्वपूर्ण बन्न सक्छ, किनभने प्रिमियर लिगमा शीर्ष टोलीबिच सधैं तीव्र प्रतिस्पर्धा हुने गर्दछ।’

साउथह्यामटनले आक्रामक रूपमा खेलको सुरुआत गरेको थियो । मानलो गाबाडिनीले डुसान ताडिकको पासमा गरेको प्रहार पोस्टनजिकैबाट बाहिरिँदा साउथह्यामटनले अग्रता लिने अवसर खेर फालेको थियो । त्यस लगत्तै ताडिककै पासमा पिरे इमिले होज्बर्जले गरेको प्रहार बाहिरिँदा साउथह्यामटनले पुनः एक पटक अग्रता लिन मौका गुमाएको थियो।

त्यस्तै सान्चेजको आत्मघाती गोल लगत्तै केनले डेभिसको कर्नरमा साउथह्यामटनका दुई रक्षकलाई गरेको हेड प्रहार बाहिरिँदा टोटेनह्यामले खेलमा फर्कने अवसर खेल फालेको थियो ।

त्यस्तै खेल सकिन ६ मिनेट बाँकी हुँदा माउसो सिसीको पासमा डिले अलीले गोल गर्दै टोलीका लागि तीन अंक पक्का गर्ने सुनौलो अवसर पाएका थिए । तर अलीको प्रहारमा साउथह्यामटनका कप्तान स्टेफन डेभिसले विफल पारेका थिए।

खेलको अन्तिम समयमा केनले प्रिमियर लिग गोल संख्या १ सय पु¥याउने अवसर पाए पनि त्यसलाई सदुपयोग गर्न सकेनन्। उनको प्रहार पोस्टनजिकैबाट बाहिरिएको थियो।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

प्रधानमन्त्रीले भेटे राष्ट्रकवि घिमिरेलाई, उपचार खर्च सरकारले व्यहोर्ने

प्रधानमन्त्री केपी शर्मा ओलीले ग्राण्डी अन्तर्राष्ट्रिय अस्पतालमा पुगेर त्यहाँ उपचारत राष्ट्रकवि माधवप्रसाद घिमिरेको सम्पूर्ण खर्च सरकारले व्यहोर्ने बताएका छन्। ...

जापानी फिल्म कान्समा उत्कृष्ट

जापानी फिल्म कान्समा उत्कृष्ट

गरिबीको चेपटामा जीवनयापन गर्दै आएको एक परिवारको कथा समेटिएको जापानी फिल्म ‘सपलिफ्टर्स’ले कान्सको ७१ औं संस्करणमा उत्कृष्ट फिल्मले पाउने ‘पाम...

लोक गायन प्रतियोगितामा पर्शुराम पहिलो

लोक गायन प्रतियोगितामा पर्शुराम पहिलो

खोटाङ सदरमुकाम दिक्तेलमा आयोजित खुला लोकगीत गायन प्रतियोगीतामा पर्शुराम गजमेर प्रथम भएका छन् । राष्ट्रिय लोक तथा दोहोरी गीत प्रतिष्ठानको...

ज्योतिमा कवितावाचन

ज्योति साहित्य प्रतिष्ठानको १ सय ४१ औं कविता वाचन श्रृंखला राजधानीमा सम्पन्न भएको छ । डा. रामदयाल राकेशको प्रमुख आतिथ्यतामा...