शेयर बजारमा एनआरएनको दस अर्ब रुपैयाँ

बुधबार, १० माघ २०७४, १३ : ५८ चिरन शर्मा  | @chiranuk


लन्डन- गैरआवासीय नेपाली संघ (एनआरएनए) को सक्रियतमा विश्वभरका नेपाली समुदायबाट संकलन हुने १० अर्ब रुपैंयाको पूर्वाधार विकास कोषको रुपमा नेपाली शेयर बजारमा भित्रिने भएको छ। गैरआवासीय नेपाली संघका अध्यक्ष भवन भट्टले गत सोमवार अल्डरशटका आयोजित  'गैर आवासीय नेपाली पूर्वाधार विकास कोष’ सम्वन्धि अन्तरक्रिया कार्यक्रमलाई सम्बोधन गर्दै १० अर्ब रुपैंयाको पूर्वाधार विकास कोष स्थापना गर्ने घोषणा गरे। नेपालको राजनीतिले समेत कोल्टे फेरेको अवस्थामा नेपालको पूर्वाधार विकासमा योगदान पुर्‍याउने उद्देश्यले कोषको स्थापना गरिएको अध्यक्ष भट्टले बताए।

कार्यक्रममा गैरआवासीय नेपाली संघका उपाध्यक्ष कुमार पन्तले विदेशमा बस्ने नेपाली समुदायले परोपकारी क्षेत्रमा मात्र काम गरेर देशको उन्नति नहुने बताए। साच्चिकै देशलाई समृद्धिको बाटोमा लैजाने हो भने लगानीको विकल्प नभएको उपाध्यक्ष पन्तको तर्क थियो।

गैरआवासीय नेपाली संघका पूर्वअध्यक्ष जीवा लामिछानेले नेपालमा पछिल्लो समयमा भएका राजनीतिक परिवर्तन दीगो हुन नसक्नुको पछाडी आर्थिक विकास भएको बताउँदै देशभित्र लागानीको लागि उचित समय भएको बताए। उनले संघले सुरु गर्न लागेको १० अर्बको कोषमा साना लगानीकर्तासमेत समावेश गरिने बताए। उनले निकट भविष्यमा सो कोषलाई आइपोओमा लैजान सकिने बताए।

कार्यक्रममा नेपाल उद्योग बाणिज्य महासंघका उपाध्यक्ष तथा ग्लोबल आइएमई बैंकका अध्यक्ष चन्द्र ढकालले नेपालको निजी क्षेत्र गैरआवासीय नेपाली समूदायसँग मिलेर काम गर्न इच्छुक रहेको बताए।

अन्तर्क्रियामा बेलायतका लागि नेपाली राजदूत डा. दुर्गाबहादुर सुवेदीले नेपालमा राजनीतिक उपलब्धिहरु संस्थागत भइसकेको र स्थिर सरकार बन्न थालेको अवस्थामा संघले गरेको १० अर्ब लगानीको घोषणा ऐतिहासिक र दुरगामी सोचको कार्यक्रम भएको बताए। उनले पुराना आग्रह र पूर्वाग्रह राखेर देश नबन्ने जिकिर गर्दै नयाँ सोचका साथ अगाडि बढ्न आग्रह गरे।

कार्यक्रममा संघका सल्लाहकार डा. हेमराज शर्माले कार्यक्रमको विषय तथा लगानीको खाका प्रस्तुत गरे।

नेपाल राष्ट्र बैंकका गभर्नर डा. चिरञ्जीवी नेपालले चीन, भारतलगायत अफ्रिकन मुलुक गैरआवासीय नागरिकको प्रभावले ती देशले समृद्धिको बाटो लिएको बताए। उनले देश विकासमा गैरआवासीय नेपालीले उल्लेख्य रुपमा योगदान पु-याउन सक्ने बताउदैं नेपाल उर्वर भूमि भएका कारण जुनसुकै क्षेत्रमा लगानी गरे पनि प्रसस्त आम्दानी हुने बताए। 

उनले संसारमा भइरहेको परिवर्तनअनुरुप नेपाल अगाडि बढेको बताए। उनले भने, ‘समय अनुकूल देशको नियम कानुनसमेत परिवर्तन हुँदै गएको छ, गैरआवासीय नेपालीले लगानीमा जोड दिनुपर्छ।’ 

गैरआवासीय नेपाली संघ यूकेका अध्यक्ष योगकुमार फगामीको अध्यक्षतामा भएको कार्यक्रममा सहभागीको सुझावको आधारमा ५ बुँदे घोषणापत्र समेत जारी गरिएको थियो। 

 

तपाईको समाचार पठाउन यहाँ थिच्नुहोस् ।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

लघु चलचित्र ‘अटुट नाता’ उत्कृष्ट

नेपाली सेनाले आयोजना गरेको लघु चलचित्र प्रतियोगिता २०७४ मा लघु चलचित्र ‘अटुट नाता’ उत्कृष्ट भएको छ । दिप पौडेलले निर्माण...

सलमानपछि ऋतिकसँग दिशा

सलमानपछि ऋतिकसँग दिशा

क्रिकेटर महेन्द्रसिंह धोनीको गर्लफ्रेन्डको रुपमा दुई वर्षअघि दिशा पटानीले बलिउडमा अभिनय यात्रा सुरु गरेकी थिइन् । धोनीको जीवनीमा बनेको ‘एम.एस....

‘आतुङ’ लिएर आइन् अनिता

‘आतुङ’ लिएर आइन् अनिता

कवि अनिता लामा तेस्रो कविता संग्रह ‘आतुङ’ लिएर आएकी छन । काभ्रेको तेमाल मेच्छेमा जन्मेकी अनिताको यो तेस्रो कृति हो...

प्रधानमन्त्रीले भेटे राष्ट्रकवि घिमिरेलाई, उपचार खर्च सरकारले व्यहोर्ने

प्रधानमन्त्री केपी शर्मा ओलीले ग्राण्डी अन्तर्राष्ट्रिय अस्पतालमा पुगेर त्यहाँ उपचारत राष्ट्रकवि माधवप्रसाद घिमिरेको सम्पूर्ण खर्च सरकारले व्यहोर्ने बताएका छन्। ...