सुनसरीका एसपी र इटहरीका इन्सपेक्टर निलम्बित

बुधबार, २४ माघ २०७४, २० : ३३ नागरिक संवाददाता


इटहरी – एक महिनाअघि प्रेमी र उनका साथी मिलेर इटहरी तरहराकी बालिकालाई जबरजस्ती बलात्कार गरेको घटनामा प्रहरी चुकेपछि सुनसरीका प्रहरी प्रमुख एसपी र इटहरीका प्रहरी निरीक्षक (इन्सपेक्टर)लाई निलम्बन गरिएको छ। पुस १६ गते इटहरी वडा नं. २ को रोयल रिसोर्टमा १६ बर्षीया बालिकामाथि बलात्कार गरिएको थियो। 

प्रहरी प्रमुख एसपी विद्यानन्द माझी र इटहरीका इन्सपेक्टर चिरञ्जिवी दाहाललाई गृह मन्त्रालयले बुधबार निलम्बन गरेको हो। प्रहरी प्रधान कार्यालयले मंगलबार एसपी माझी र इन्सपेक्टर दाहाल निलम्बन गर्न सिफारिस गरेको थियो। त्यही आधारमा एसपी माझी र इन्सपेक्टर दाहाललाई निलम्बन गरिएको प्रहरी प्रधान कार्यालयका प्रवक्ता डिआइजी मनोज न्यौपानेले बताए। उनका अनुसार अब माझी र दाहालमाथि अनुसन्धान गर्दा जे ठर्हछ सोही कसुरमा कारबाही हुनेछ। 

बलात्कारको घटनामा पीडित पक्षलाई उजुरी नदिन अनेक प्रलोभन दिएर मिलापत्र गरिएको थियो। घटना प्रदेश नं. १ प्रहरी कार्यालय विराटनगरले प्रहरीले ‘गुपचुप’ मा मिलापत्र गरेको सुईको पाएपछि संघीय प्रहरी इकाईं कार्यालय धरानका एसएसपी हरिबहादुर पालको नेतृत्वमा पाँँच सदस्यीय समिति गठन गरेको थियो। समितिले पाँच दिनदेखि अनुसन्धान जारी राखेको छ। त्यही अनुसन्धानका आधारमा माझी र दाहाललाई निलम्बन गरिएको हो। 

छानबिन समिति गठन भएलगतै बालिकालाई बलात्कार गर्ने उनका प्रेमी धरान वडा नं. ८ का ३६ बर्षीय जोकम सुब्बालाई पक्राउ गरि मुद्दा चलाई सकिएको छ। घटनामा संलग्न विराटनगरका मनिष भन्ने जीवन श्रेष्ठको खोजी भइरहेको छ। 

सो घटनामा जोकन र जीवनबाहेक अन्य मिलाउने बिचौलियाहरु पनि भएकाले तिनीहरुमाथि पनि अनुसन्धान गरिने एसएसपी पालले बताए। घटना भएपछि बाहिर मिलापत्र गरेर प्रहरी कार्यालयमा भने बालिकाका अभिभावक र काँग्रेसका केही नेताको रोहवरमा छाडिएको खुलेको छ। यसबारे पनि छानबिन भइरहेको तर अहिले नै यकिन भने भई नसकेको पालले बताए। घटना मिलापत्र गर्दा आर्थिक चलखेल समेत भएकोले त्यसबारे पनि अनुसन्धान गरिनेछ। 






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

मैनालीले ल्याए ‘नसुतेको रात’

मैनालीले ल्याए ‘नसुतेको रात’

गजलकार डा. प्रदीप मैलानीले ‘नसुतेको रात’ गजलसङ्ग्रह बजारमा ल्याएका छन्। काठमाडौंमा शुक्रबार आयोजित कार्यक्रममा नेपाल प्रज्ञा प्रतिष्ठानका उपकुलपति डा. गंगाप्रसाद...

अस्मिता ‘राइजिङ स्टार’

अस्मिता ‘राइजिङ स्टार’

जधानीको गोल्फुटारस्थित लोयल्टी एकेडेमीमा अध्ययनरत अस्मिता खड्का यो वर्षको ‘राइजिङ स्टार’ विजेता बनेकी छन्। ...

प्रेमध्वजलाई ‘अजर अमर सम्मान’

प्रेमध्वजलाई ‘अजर अमर सम्मान’

गायक तथा संगीतकार प्रेमध्वज प्रधानलाई ‘अजर अमर सम्मान २०७५’ बाट सम्मान गरिने भएको छ । संगीतकार संघ नेपालले शुक्रबार काठमाडौंबाट...

‘प्रेमवाणी’मा मिथुन–आरोही जोडी

‘प्रेमवाणी’मा मिथुन–आरोही जोडी

पछिल्लो समयमा प्रेमकथाका फिल्म बन्ने र रिलिज हुने क्रम बढ्दो छ । यही मेसोमा प्रेमकथाकै कुरा बोल्ने नयाँ फिल्म ‘प्रेमवाणी’को...