थ्री स्टारको कठिन जित

शुक्रबार, २६ माघ २०७४, ०६ : ३४ रोहित राई


धरान – पाहुना टोली पिएसआर दुर्गापुर स्टिल, कोलकातालार्ई १–० ले पराजित गर्दै रुस्लान थ्री स्टार क्लब धरानमा जारी २०औं बुढासुब्बा रेडबुल गोल्डकपको फाइनलमा प्रवेश गरेको छ ।

धरान १६ स्थित प्रादेशिक रंगशालामा बिहीबार भएको दोस्रो सेमिफाइनलमा राष्ट्रिय खेलाडीले भरिएको थ्री स्टारले दुर्गापुरविरुद्ध कठिन जित हात पार्दै पुलिससँग भेट पक्का गर्यो । निर्धारित समयको खेल गोलरहित बराबरीमा टुंगिने संकेत गरिरहेका बेला वैकल्पिक खेलाडीका रूपमा मैदान छिरेका विष्णु गुरुङले इन्जुरी समयमा निर्णायक गोल गरेका थिए । ८१आै मिनेट अनन्त तामाङको स्थानमा छिरेका विष्णुले इन्जुरी समयमा थ्री स्टारको उद्धार गरे ।

बुढासुब्बा गोल्डकपमा चार पटकको उपाधि विजेता थ्री स्टार फाइनल पुगेको यो पाँचांै पटक हो । यसअघि थ्री स्टारले सातौं, नवौं, ११औं र १४औं संस्करणमा पनि फाइनल खेल्दै उपाधि जितेको थियो । अब थ्री स्टारले शनिबार उपाधिको विजेता नेपाल पुलिस क्लबको सामना गर्नेछ । पुलिसले बुधबार संकटा क्लबलाई हराउँदै फाइनलमा स्थान सुरक्षित गरिसकेको छ ।
बिहीबारको खेलमा थ्री स्टारले दुई दर्जन बढी अवसर पाएर पनि गोल गर्न सकेन । मौका पाएर पनि स्कोर नहँुदा थ्री स्टारको खेलमा तालमेल बिग्रिएको थियो । पहिलो हाफको ११औं मिनेटमा बुद्ध चेम्जोङको क्रसमा विश्वास श्रेष्ठले हेड गर्न मिस गरे भने १६औं मिनेटमा सुनील बलको क्रसमा अनन्त तामाङको हेडलाई दुर्गापुरका गोलकिपरले सुन्दर बचाउ गरे ।

यस्तै, ३९औं मिनेटमा विश्वासको क्रस पासलाई नीराजन खड्काले नियन्त्रण गुमाउँदा डी बक्सभित्र स्कोरको मौका गुमाए । दोस्रो हाफको खेल सुरु भएपछि झनै आक्रामक रूपमा उत्रिएको थ्री स्टारले ४७आै मिनेटमा अजय मार्टिनको पासमा बुद्ध चेम्जोङ गोल गर्न चुके भने ५१ मिनेटमा पनि मार्टिनको पासमा विश्वासले गोल गर्न सकेनन् । यस्तै, ५२औं मिनेटमा सुनील बलको क्रसमा विश्वासको प्रहार अकासियो भने ५४औं मिनेटमा मार्टिनको पासमा बुद्ध चेम्जोङले प्रहार गर्नुअघि डिफेन्सले बल क्लियर गरिदिए । लगत्तै सुनील बलको प्रहार अकासिएको थियो ।यसै गरी, ५६औं मिनेटमा विजय धिमालको सशक्त प्रहारलाई दुर्गापुरको गोलकिपरले पन्च गरेर जोगाएका थिए भने ६५औं मिनेटमा नीराजनको पासमा बुद्धले डी बक्सबाट पनि प्रहार गर्न सकेनन् ।

७२औं मिनेटमा विश्वासको खतरनाक प्रहारलाई दुर्गापुरका खेलाडी सम्राट नन्दीले क्लियर गरिदिए भने ७९औं मिनेटमा नीराजन खड्काको पासमा डी बक्सबाट बुद्धको प्रहारलाई दुर्गापुरका गोलकिपर विशाल कोइतले जोगाए । यस्तै, ८२औं मिनेटमा सुनील बलको पासमा नीराजनको हेडले पनि गोलपोस्टको दिशा लिन सकेन । पाहुना टोली दुर्गापुरले आक्रामक खेल प्रदर्शन गर्ने प्रयास गरे पनि थ्री स्टारको तुलनामा कमै मात्र गोलपोस्टमा आक्रमण गरेको थियो । पहिलो हाफको दोस्रो मिनेटमा मनीष थापाको क्रसमा विश्वजित मोरले गरेको प्रहार अकासिएको थियो भने २३औं मिनेटमा विवेक सिंहको पासमा सेगुनको फितलो प्रहारले गोलपोस्टको दिशा लिएन । २६आै मिनेटमा पनि सेगुनको प्रहारलाई थ्री स्टारका गोलकिपर एलेन न्यौपानेले पन्च गरेर असफल बनाइदिए ।

यसै गरी, ५९औं मिनेटमा मनीष थापाको कडा फ्रिकिकलाई गोलकिपर न्यौपानेले नै पन्च गरेर फकाईदिए भने ६१औं मिनेटमा सलाउद्दिनको पासमा बाबुलाल हस्दाको प्रहारलाई गोलकिपरले समाते । ७१औं मिनेटमा मनीष थापाको प्रहारलाई गोलकिपर न्यौपानेले बाहिर फाले । सो खेलको म्यान अफ दि म्याच थ्री स्टारका एलेन न्यौपाने घोषित हँुदै नगद १० हजार हात पारे ।
थ्री स्टारका प्रशिक्षक मेघराज केसीले सिजनकै सबैभन्दा खराब प्रर्दशन गरेको भन्दै असन्तुष्टि जनाए । दुई दर्जनभन्दा बढी अवसर खेर फालेपछि स्कोर गर्ने हतारमा खेलाडीहरू दबाबमा खेलेको उनको भनाइ थियो ।

‘आजको खेल थ्री स्टारको होइन । यो सिजनमा १२, १५ खेल खेल्यांै होला, त्यसमध्ये सबैभन्दा खराब खेल हो,’ प्रशिक्षक केसीले भने, ‘समयमा स्कोर नगरेपछि प्रेसरमा खेल्नुप¥यो । खेलाडी गोल गर्नै हतारिए ।’ दुर्गापुरका प्रशिक्षक पिन्टु सरकारले विपक्षीले धेरै राम्रो खेलेको प्रतिक्रिया दिँदै मिडफिल्ड चल्न नसक्दा स्ट्राइकरबाट स्कोर नभएको र डिफेन्सले दबाब झेलेको बताए । ‘हाम्रो फिडफिल्ड कमजोर भइदियो, बल पास पनि नदिने र फिडेन्समा प्रेसर बढी भयो,’ उनले भने । प्रतियोगिताको फाइनल शनिबार थ्री स्टार र नेपाल पुलिस क्लबबीच हुनेछ ।
 






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

सलमान खानको नेपाल भ्रमण दोस्रो पटक स्थगित

सलमान खानको नेपाल भ्रमण दोस्रो पटक स्थगित

बलिउड अभिनेता सलमान खानको नेपाल भ्रमण दोस्रो पटक स्थगित भएको छ। आयोजक संस्था ओडीसी इन्टरनेसनलले सामाजिक सञ्जाल फेसबुक मार्फत विशेष...

‘मंगलम्’लाई पाँच अवार्ड

‘मंगलम्’लाई पाँच अवार्ड

डिजिटल मोडलमा बनेका फिल्मलाई प्रोत्साहित गर्न राजधानीमा बिहीबार आयोजना गरिएको १० औं संस्करणको ‘डि सिने अवार्ड २०७५’ फिल्म ‘मंगलम्’ले प्रतिस्पर्धामा...

प्रहरी र अपराधीबीचकोे ‘चक्कर’

प्रहरी र अपराधीबीचकोे ‘चक्कर’

अपराधको विषयबस्तु समेटेर तयार पारिएको फिल्म ‘चक्कर’को ट्रेलर र फस्टलुक सार्वजनिक भएको छ। राजधानीमा बिहीबार फिल्म युनिटले पत्रकारमाझ फस्टलुक र...

एकै स्टेजमा तीन विजेता

एकै स्टेजमा तीन विजेता

एउटै स्टेजमा एकसाथ तीन विजेता छानिने भएका छन्। ग्ल्याम वल्र्ड इन्टरटेनमेन्टले आगामी असार १ गते राजधानीमा आयोजना गर्न लागेको ‘मिस...