दुई जापानी सेमिफाइनलमा

शुक्रबार, २६ माघ २०७४, ०७ : ०६ नागरिक


काठमाडौं – जापानका ताइयो हिरानो र ताइसेई कागेयामाले बिहीबार जित हासिल गर्दै नेपाल आइटिएफ यु–१८ सर्किट वान टेनिस प्रतियोगिताको पुरुष एकलतर्फ सेमिफाइनलमा स्थान सुरक्षित गरेका छन् ।
नेपाल लन टेनिस संघको आयोजनामा सातदोबाटोस्थित टेनिस कम्प्लेक्समा जारी प्रतियोगिताको क्वार्टरफाइनलमा ताइयोले भारतका नाइथाओलिन काल्भिन गोल्मेईलाई ५–७, ६–४, ६–४ को नतिजामा हराए भने कागेयामाले पनि भारतकै प्रतिद्वन्द्वी जसभिन सिदानामाथि ४–६, ७–५, ७–५ को सेटमा पराजित गरे ।

बिहीबारै सम्पन्न पुरुषतर्फका अन्य क्वार्टरफाइनलमा भारतका अनुराग अग्रवाल र ताइपेईका चिया फान टिसाओले जित हासिल गरे । अनुरागले आफ्नै देशका प्रसन्न प्रवीण बागाडेमाथि ७–५,६–२ को सोझो सेटमा जित हासिल गर्दै अन्तिम चारको यात्रा गर्दा चिया फानले पनि भारतका वंश भागतानीलाई ६–२, ६–२ को सहज नतिजामा पराजित गरे ।

महिलातर्फ जापानकी कानोन यासुमोतो, भारतकी दिव्या भानिम, चीनकी यिमिङ डाङ र अमेरिकाकी रुतुजा चाफाल्करले जितका साथ सेमिफाइनलमा स्थान पक्का गरे । कानोनले भारतकी श्रीनिधि श्रीधरलाई ७–६(७÷५), ६–० को सोझो सेटमा पन्छाउँदा दिव्याले हङकङकी चुई केई लियुङलाई ७–५, ६–३ को सहज नतिजामा निराश पारिन् । यसै गरी यिमिङले भारतकी प्रिंकल सिंहलाई तीन सेटसम्म संघर्ष गर्दै ६–१, २–६, ६–३ ले हराइन् भने रुतुजाले जापानकी मानामी उकितामाथि ६–१, ६–१ को सोझो सेटमा विजय हासिल गरिन् ।

पुरुष युगलतर्फ जापानका ताइयो र ताइपेईका चिया फानको जोडीले भारतका वंश र जैशभिनको जोडीमाथि ६–२, ६–२ को सोझो सेटमा जित हासिल गर्दै फाइनलको टिकट काट्यो । ताइयो र चिया फानले फाइनलमा चीनका वेन्माओ ली र याङजुआन लीको जोडीसँग उपाधिका लागि प्रतिस्पर्धा गर्नेछन् । चिनियाँ जोडीले जापानका डाइसुके इनागावा र ताइसेई कागेयामाको जोडीमाथि ६–२, ६–४ को सोझो सेटमा जित हासिल गरेको थियो ।

यसै गरी महिला युगलको फाइनलमा भारतका स्मृति भासिन र हृदया शाहको जोडीले हङकङकी चुई केई लियुङ र भारतकी सान्या सिंहको जोडीसँग प्रतिस्पर्धा गर्नेछ । स्मृति र हृदयाको जोडीले सेमिफाइनलमा आफ्नै देशका अशप्रीत कौर बाज्वा र पुण्यतोमा मोहापात्राको जोडीलाई ७–५, ७–५ को सोझो सेटमा हराउँदा अर्को सेमिफाइनलमा चुईकेई र सान्याको जोडीले जापानका अयुमी अहामा र कानोन यासुमोतोको जोडीलाई ६–१, ३–६ (१०–७) को सेटमा पराजित गरेका थिए ।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

लघु चलचित्र ‘अटुट नाता’ उत्कृष्ट

नेपाली सेनाले आयोजना गरेको लघु चलचित्र प्रतियोगिता २०७४ मा लघु चलचित्र ‘अटुट नाता’ उत्कृष्ट भएको छ । दिप पौडेलले निर्माण...

सलमानपछि ऋतिकसँग दिशा

सलमानपछि ऋतिकसँग दिशा

क्रिकेटर महेन्द्रसिंह धोनीको गर्लफ्रेन्डको रुपमा दुई वर्षअघि दिशा पटानीले बलिउडमा अभिनय यात्रा सुरु गरेकी थिइन् । धोनीको जीवनीमा बनेको ‘एम.एस....

‘आतुङ’ लिएर आइन् अनिता

‘आतुङ’ लिएर आइन् अनिता

कवि अनिता लामा तेस्रो कविता संग्रह ‘आतुङ’ लिएर आएकी छन । काभ्रेको तेमाल मेच्छेमा जन्मेकी अनिताको यो तेस्रो कृति हो...

प्रधानमन्त्रीले भेटे राष्ट्रकवि घिमिरेलाई, उपचार खर्च सरकारले व्यहोर्ने

प्रधानमन्त्री केपी शर्मा ओलीले ग्राण्डी अन्तर्राष्ट्रिय अस्पतालमा पुगेर त्यहाँ उपचारत राष्ट्रकवि माधवप्रसाद घिमिरेको सम्पूर्ण खर्च सरकारले व्यहोर्ने बताएका छन्। ...