खोटाङ– यहाँ भएको छैटौं संस्करणको ‘मिस राई २०१८’को उपाधि खोटाङकी एञ्जल राईले जितेकी छन् । गत बुधबार सम्पन्न फिनालेमा खोटाङको ऐसेलुखर्क गाउँपालिका–७ माक्पाकी एञ्जलले शीर्ष उपाधि हात पारेकी हुन् ।
हाल काठमाडौं कपन बसेर विज्ञान विषयमा कक्षा १२ मा अध्ययनरत एञ्जलले भोटिङ तथा पर्फमेन्सका आधारमा सौन्दर्य प्रतियोगितामा अन्य प्रतिष्पर्धीलाई उछिनेकी हुन् । उनले टप ६ मा परेका अन्य प्रतिष्पर्धीलाई पछि पारेकी हुन् ।मंसिर दोस्रो साता आवेदन आव्हान गरिएको प्रतियोगिताको ‘फस्ट रनरअप’, ‘सेकेण्ड रनरअप’ र ‘थर्ड रनरअप’ क्रमशः प्रभा राई, श्रद्धा राई र पवित्रा राईले पोल्टामा पारे । किराँतीको नयाँवर्ष यलेदोङ ५०७८ को अवसरमा किराँत राई मौलिक कला संस्कृति केन्द्रले आयोजना गरेको हो ।
प्रकाशित: २६ माघ २०७४ ०१:३० शुक्रबार