माल्दिभ्सले पठायो चीन, पाकिस्तान र साउदीमा दूत

शुक्रबार, २६ माघ २०७४, ०९ : ०८ एजेन्सी


माले – देशमा विकसित पछिल्लो राजनीतिक अवस्थाका बारेमा जानकारी गराउन माल्दिभ्सका राष्ट्रपतिले आफ्ना सहगोगी राष्ट्रमा दूत पठाएका छन् ।

माल्दिभ्सका राष्ट्रपति अब्दुल्लाह यामिनले देशमा उत्पन्न पछिल्लो राजनीति संकटका बारेमा ब्रिफिङ गर्न चीन, पाकिस्तान र साउदी अरबमा आफ्ना विशेष दूत पठाएको राष्ट्रपति कार्यालयलाई उद्धृत गर्दै समाचार एजेन्सी रोयटर्सले जनाएको छ ।उनले आफ्ना आर्थिक विकास मन्त्री मोहम्मद साइदलाई चीन, विदेशमन्त्री असिमलाई पाकिस्तान र कृषि तथा माछासम्बन्धी मन्त्री मोहम्मद साइनीलाई साउदी अरबतर्फ पठाएको बुधबार अबेर राष्ट्रपतिको वेबसाइटमा जनाइएको थियो ।

माल्दिभ्सका राष्ट्रपति यामिनले क्षेत्रीय शक्ति भारतमा भने कोही पनि दूत पठाएको छैन । माल्दिभ्समा लगाइएको १५ दिने राज्य संकटकाल हटाउनुपर्ने र सरकारद्वारा पक्राउ गरिएका प्रधानन्यायाधीशसहति अर्का वरिष्ठ न्यायाधीशलाई तत्काल रिहा गरिनुपर्ने धारणा राख्ने अमेरिका र बेलायतलाई भारतले पनि साथ दिएपछि यामिनले भारतमा भने कोही पनि दूत नपठाएको हुनसक्ने आंकलन गरिएको छ ।सरकारले भारतका लागि पनि विशेष दूत पठाउन चाहेको भएपनि भारतका विदेशमन्त्रीको समय नमिलेका कारण त्यो सम्भव नभएको भारतका लागि माल्दिभ्सका राजदूत अहमेद मोहम्मदले जानकारी गराएका छन् ।

गत साता सर्वोच्च अदालतले पक्राउ परेका विपक्षी दलका सांसदसहित सम्पूर्ण राजबन्दीलाई रिहा गर्न दिएको आदेश राष्ट्रपति यामिनले कार्यान्वयन गर्न इन्कार गरेपछि माल्दिभ्समा राजनीतिक संकट सुरु भएको थियो । एसिया र अन्य महादेशबीच व्यापार र यातायात सञ्जाल विस्तार गर्ने बेइजिङको परियोजना ‘बेल्ट एन्ड रोड इनिसिएटिभ’मा हस्ताक्षर गरेपछि पयर्टनका लागि प्रख्यात माल्दिभ्समा पछिल्लो समय भारत र चीनबीच तीव्र प्रतिस्पर्धा चल्दै आएको छ । लामो समयदेखि राजनीतिक र सुरक्षासम्बन्ध कायम गर्दै आएको भारतले माल्दिभ्समा बढ्दो चिनियाँ प्रभावलाई रोक्न खोजिरहेको छ ।

करिब चार लाख जनसंख्या रहेको टापु नै टापुको देश माल्दिभ्समा मुसलमान धर्मको बाहुल्यता रहेको छ । राजनीतिक संकट उत्पन्न भएपछि श्रीलंकामा निर्वासित जीवन बिताइरहेका पूर्वराष्ट्रपति मोहम्मद नासिदले देशमा भारतको हस्तक्षेपका लागि आग्रह गरेका थिए ।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

राष्ट्रकवि घिमिरेलाई थप उपचारका लागि भारत लगियो

राष्ट्रकवि घिमिरेलाई थप उपचारका लागि भारत लगियो

राष्ट्रकवि माधवप्रसाद घिमिरेलाई आज थप उपचारका लागि भारतको नयाँ दिल्ली लगिएको छ। ...

रणवीर र आलिया प्रेममा

रणवीर र आलिया प्रेममा

बलिउडमा पछिल्लो समय रणवीर कपुर र आलिया भट्टको डेटिङको चर्चा छ। दुबैका परिवारबीच भइरहेको सन्देश आदान प्रदानले आलिया कपुर खान्दानको...

राजेश हमालले भेटे राष्ट्रकवि

राजेश हमालले भेटे राष्ट्रकवि

महानायक राजेश हमालले राष्ट्रकवि माधव प्रसाद घिमिरेसँग भेट गरेका छन्। हमालले आन्तरिक रक्तश्राव भई ग्राण्डी अस्पतालमा उपचाररत राष्ट्रकवि घिमिरेलाई मंगलबार धापासीस्थित...

नायिका निता ढुंगानासहित ४ सम्मानित

नायिका निता ढुंगानासहित ४ सम्मानित

नेपाली फिल्मकी नायिका निता ढुंगाना चलचित्र पत्रकारिता दिवसको अवसरमा गृहनगर हेटौंडामा सम्मानित भएकी छिन्। चलचित्र पत्रकार संघ मकवानपुरले उनीसहित २...