शक्तिसम्पन्न देशका सैनिक अधिकारी नेपाल भ्रमणमा

शुक्रबार, २६ माघ २०७४, ०९ : १० वसन्त खड्का  | @bashantkdk


काठमाडौ – सैन्य शक्तिका हिसाबले शक्तिशाली मानिने बेलायत, अमेरिका तथा भारतका उच्च सैनिक अधिकारीले एकै समयमा नेपाल भ्रमण गर्दैछन् । बेलायती सेनाध्यक्ष निकोलास प्याट्रिक बुधबार नेपाल आइसकेका छन् । उनी पोखरास्थित ब्रिटिस क्याम्पमा हुने कार्यक्रममा सहभागी हुन नेपाल आएको नेपाली सेनाले जनाएको छ।

यस्तै अमेरिकी सेनाका प्यासेफिक कमान्डर रोबर्ट ब्रुक ब्राउन बिहीबार नेपाल भ्रमणमा आएका छन् । भारतीय सेनाध्यक्ष विपिन रावत समेत यही माघ २९ गते नेपाल भ्रमणमा आउन लागेको सेनाले जनाएको छ । रावतले सेना दिवसमा अतिथिका रुपमा सहभागिता जनाउने जानकारी सेनाले दिएको छ। 

बेलायती सेनाध्यक्ष निकोलास प्याट्रिक र अमेरिकी सेनाका प्यासेफिक कमान्डर रोबर्ट ब्रुक ब्राउन नेपाल भ्रमणमा आएका छन् भने भारतीय स्थल सेनाध्यक्ष विपिन रावत माघ २९ मा काठमाडौं आउने कार्यक्रम छ।

बेलायती सेनाध्यक्ष भारतीय थल सेनाध्यक्ष रावत आएकै दिन स्वदेश फर्कंदैछन् । अमेरिकी सेनाका प्यासेफिक कमान्डर ब्राउन माघ २८ गते स्वदेश फर्किंदैछन् । भारतीय थल सेनाध्यक्ष राव भने फागुन २ गते स्वदेश फर्किनेछन्। 

एकै समयमा तीन ठूला मुलुकका उच्च सैन्य अधिकारीको भ्रमणलाई सेनाले सैन्य कूटनीतिका रुपमा अथ्र्याएको छ।  ‘यसले सैन्य कूटनीति राम्रो छ भन्ने देखाउँछ,’ नेपाली सेनाका प्रवक्ता सहायक रथी गोकुल भण्डारीले भने । विभिन्न मुलुकका उच्च सैन्य अधिकारीको एउटै समयमा भइरहेको भ्रमणलाई सकारात्मक रुपमा लिनुपर्ने सेनाले जनाएको छ। 
बेलायत र भारतका सेना प्रमुखको भ्रमण तथा अमेरिकी प्यासेफिक कमान्डरको भ्रमण एकै समयमा भए पनि भ्रमणको उद्देश्य फरकफरक रहेको सेनाले जनाएको छ । बेलायती सेनाध्यक्ष पोखरामा हुने कार्यक्रमा सहभागी हुन नेपाल आएको र भारतीय थल सेनाध्यक्ष राव सेना दिवस कार्यक्रममा सहभागी हुन नेपाल आएको नेपाली सेनाले जनाएको छ।  

यही समयमा ब्रिटिस गोर्खा आर्मीको ब्यान्ड तथा भारतीय सेनाको गोर्खा राइफल्स ब्यान्ड पनि नेपालमा आएको छ। ब्रिटिस आर्मीको ब्यान्ड केही समयपहिले नै आएको र भारतीय सेनाको ब्याण्ड बुधबार आइपुगेको सेनाले जनाएको छ।
नेपाली सेनाका पूर्व सहायक रथी डा. प्रेमसिंह बस्न्यात पनि तीन शक्तिशाली मुलुकका सैन्य अधिकारीको आगमनलाई राम्रो सुरक्षा कूटनीतिका रुपमा लिनुपर्ने बताउँछन् । ‘नेपाली सेनाको सबै मुलुकका सेनासँग कूटनीतिक सम्बन्ध राम्रो छ, त्यही सम्बन्धको निरन्तरताका रुपमा यी भ्रमण भएका हुन्,’ बस्न्यातले भने। 

अन्य मुलुकका उच्च सैन्य अधिकारीले नेपाल भ्रमण गरिरहेका बेला चिनियाँ सैन्य अधिकारीको भ्रमण गराउन नसक्नुलाई भने उनी सेनाको कमजोरी भन्छन् ।  ‘शक्ति सन्तुलनका लागि चिनियाँ सैन्य अधिकारीलाई पनि भ्रमण गराउन सक्नुपथ्र्याे,’ बस्न्यातले भने । यस्तो भ्रमणले राजनीतिक रुपमा कुनै अर्थ नराख्ने उनी बताउँछन् । बस्न्यातले भारतीय सेनाध्यक्ष रावको भ्रमणलाई सेनापति राजेन्द्र क्षत्रीको नयाँ अभ्यासका रुपमा अथ्र्याए । ‘यसअघि सेना दिवसका बेला अन्य मुलुकका सैन्य अधिकारीलाई बोलाउने चलन थिएन, यसपटक क्षत्रीले नयाँ अभ्यास सुरु गराउन खोजेको देखिन्छ,’ उनले भने। 

यसअघि तत्कालीन प्रधानसेनापति छत्रमानसिंह गुरुङले सार्कस्तरीय सैन्य खेलकुद सुरु गरेकोमा त्यसैको निरन्तरताका रुपमा यसपटक नयाँ अभ्यास सुरु गर्न लेिएको उनको भनाइ छ । पछिल्लो समय हरेक प्रधानसेनापतिले आफ्नो कार्यकालमा नयाँ अभ्यास सुरु गर्ने प्रचलनअनुसार नै यसपटक भारतीय सेनाप्रमुखलाई सेना दिवसमा बोलाइएको उनले बताए।






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

‘मंगलम्’लाई पाँच अवार्ड

‘मंगलम्’लाई पाँच अवार्ड

डिजिटल मोडलमा बनेका फिल्मलाई प्रोत्साहित गर्न राजधानीमा बिहीबार आयोजना गरिएको १० औं संस्करणको ‘डि सिने अवार्ड २०७५’ फिल्म ‘मंगलम्’ले प्रतिस्पर्धामा...

प्रहरी र अपराधीबीचकोे ‘चक्कर’

प्रहरी र अपराधीबीचकोे ‘चक्कर’

अपराधको विषयबस्तु समेटेर तयार पारिएको फिल्म ‘चक्कर’को ट्रेलर र फस्टलुक सार्वजनिक भएको छ। राजधानीमा बिहीबार फिल्म युनिटले पत्रकारमाझ फस्टलुक र...

एकै स्टेजमा तीन विजेता

एकै स्टेजमा तीन विजेता

एउटै स्टेजमा एकसाथ तीन विजेता छानिने भएका छन्। ग्ल्याम वल्र्ड इन्टरटेनमेन्टले आगामी असार १ गते राजधानीमा आयोजना गर्न लागेको ‘मिस...

भ्यान गगलाई सृष्टिको सम्मान

भ्यान गगलाई सृष्टिको सम्मान

नेदरल्यान्डमा जन्मिएका महान् चित्रकार भिन्सेन्ट भ्यान गगलाई समर्पण गर्दै फिल्म ‘रोमियो एन्ड मुना’ले गीत सार्वजनिक गरेको छ। फिल्मले भ्यान गगका...