११ करोडको सेयर लिन ५० करोड जम्मा

शुक्रबार, २६ माघ २०७४, ११ : २० भीम चापागाईं


इलाम – अप्पर माई जलविद्युत् आयोजनाको ११ करोडको सेयर लिन प्रभावित क्षेत्रका बासिन्दाले बैंकमा ५० करोड रुपैयाँभन्दा बढी जम्मा गरेका छन् । आयोजनाको प्रवद्र्धक पञ्चकन्या माई हाइड्रो पावर लिमिटेडले आह्वान गरेको सेयरका लागि सन्दकपुर गाउँपालिका र इलाम नगरपालिकाबाट यो रकम जम्मा भएको हो ।

लिमिटेडका कार्यकारी निर्देशक सन्तोष प्रधानले आयोजनास्थल सन्दकपुर गाउँपालिकाका बासिन्दाले १७ करोड र इलाम नगरपालिका बासिन्दाले बाँकी रकम सेयरका लागि जम्मा गरेको बताए । उनका अनुसार सेयरका लागि प्रभावित क्षेत्रका बासिन्दाले बैंकमा जम्मा गरेको यो अनुमानित रकम हो । ‘कतिपयको चेक अझै क्लियर हुन बाँकी हुनसक्छ,’ उनले भने, ‘मोटामोटी हिसाब गर्दा यो रकम जम्मा भएको देखिन्छ ।’ तर, सन्दकपुर गाउँपालिकाका बासिन्दाले पनि इलाम नगरपालिकामा रहेका बैंकबाट सेयर फाराम भरेका छन् ।

सन्दकपुर गाउँपालिकाको माबु गाउँ आयोजनाको निर्माणस्थल हो भने इलाम नगरपालिका प्रशारण लाइन विस्तार गरिएको प्रभावित क्षेत्र । दुवै क्षेत्रका १५ हजार हाराहारी स्थानीयले सेयरका लागि आवेदन दिएको उनले बताए । ‘आवेदन दिनेमा पनि इलाम नपा र सन्दकपुरका बासिन्दाको संख्या आधा–आधा नै छ,’ प्रधानले भने । प्रतिव्यक्ति कतिदेखि कति रुपैयाँसम्म जम्मा भयो भन्ने जानकारी नभए पनि करिब १ महिनामा सम्बन्धित व्यक्तिले पाउने सेयर संख्या टुंगो लाग्ने उनले बताए ।

प्रभावित क्षेत्रका बासिन्दाका लागि नेपाल धितोपत्र बोर्डले परेका आवेदनमध्ये सबैलाई दामासाहीले सेयर वितरण गर्ने भएको छ । सुरुमा कुनै आवेदकलाई नछुटाइ समानुपातिक ढंगले सेयर वितरण गर्ने सूचना बोर्डले दिएको उनले बताए । ‘सुरुमा सबैलाई पुग्नेगरी सेयर वितरण गर्ने र त्यसपछि मात्र जम्मा भएको रकमअनुसार सेयर संख्या थप्दै जाने जानकारी हामीलाई बोर्डले दिएको छ,’ उनले भने, ‘त्यसो गर्दा छुट्न चाहिँ कोही छुट्दैन, कसको कति पर्छ भने चाहिँ पछि मात्रै थाहा हुन्छ ।’

पञ्चकन्याले गत ५ देखि २३ गतेसम्म म्याद राखेर ११ लाख कित्ता सेयर निष्कासन गरेको थियो । प्रालिले आयोजना रहेको स्थल सन्दकपुर गाउँपालिकाबासीका लागि ६० प्रतिशत र ट्रान्समिसन लाइन रहेको इलाम नगरपालिकाबासीका लागि ४० प्रतिशत सेयर जारी गरेको थियो । प्रालिका अनुसार सन्दकपुर गाउँपालिकाका बासिन्दाका लागि ६ लाख ६० हजार र इलाम नगरपालिकाबासीका लागि ४ लाख ४० हजार कित्ता सेयर निष्कासन गरिएको हो । ¬

एकजनाले २० देखि अधिकतम् ५ हजार ५ सय कित्तासम्म सेयर खरिद गर्न सक्ने प्रावधान थियो । अहिले आयोजनाको अतिप्रभावित र प्रभावित क्षेत्रका लागि मात्रै सेयर खुलेको हो । आवेदकले प्रालिको माबुस्थित कार्यालय, सन्दकपुर गाउँपालिकाको कार्यालय, इलामस्थित प्रभु बैंक र नबिल बैंक मार्फत् आवेदन फाराम भरेका छन् । केही समयपछि सर्वसाधारणका लागि पनि ११ लाख कित्ता सेयर जारी गरिने प्रधानले बताए ।

१ अर्ब ९५ करोड अधिकृत पुँजी रहेको कम्पनीले प्रतिसेयर सय रुपैयाँले १ करोड ९५ लाख कित्तामा साधारण सेयर विभाजन गरेको छ । १ अर्ब १० करोडको जारी पुँजीबाट १ करोड १० लाख र ८८ करोड चुक्ता पुँजीको ८८ लाख कित्ता साधारण सेयर विभाजन गरिएको छ । ‘आयोजना प्रभावित र सर्वसाधारणका लागि १०–१० प्रतिशत तथा संस्थापक सेयर सदस्यका लागि ८० प्रतिशत सेयरको बाँडफाँट गरिएको छ,’ प्रधानले भने । १२ मेगावाटको अप्पर माई २०७३ असार ९ र ६.२ मेगावाटको माथिल्लो माई सी आयोजना ०७४ साउन ९ देखि सञ्चालनमा छन् ।

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

जापानी फिल्म कान्समा उत्कृष्ट

जापानी फिल्म कान्समा उत्कृष्ट

गरिबीको चेपटामा जीवनयापन गर्दै आएको एक परिवारको कथा समेटिएको जापानी फिल्म ‘सपलिफ्टर्स’ले कान्सको ७१ औं संस्करणमा उत्कृष्ट फिल्मले पाउने ‘पाम...

लोक गायन प्रतियोगितामा पर्शुराम पहिलो

लोक गायन प्रतियोगितामा पर्शुराम पहिलो

खोटाङ सदरमुकाम दिक्तेलमा आयोजित खुला लोकगीत गायन प्रतियोगीतामा पर्शुराम गजमेर प्रथम भएका छन् । राष्ट्रिय लोक तथा दोहोरी गीत प्रतिष्ठानको...

ज्योतिमा कवितावाचन

ज्योति साहित्य प्रतिष्ठानको १ सय ४१ औं कविता वाचन श्रृंखला राजधानीमा सम्पन्न भएको छ । डा. रामदयाल राकेशको प्रमुख आतिथ्यतामा...

वैवाहिक समारोहमा किन रोए ह्यारी ?

वैवाहिक समारोहमा किन रोए ह्यारी ?

बेलायतका राजकुमार ह्यारीले शनिबार अमेरिकी पूर्वअभिनेत्री मेगन मार्कलसँग विहे गरे। विहे गर्दा उनी खुसी हुनुपर्ने हो, तर केही भावुक देखिए।