त्रिशुली दुर्घटना, चालक भन्छन्

‘मैले गाडी चलाउँछु भन्दा सचिवज्यूले दिनुभएन’ (भिडियो)

शनिबार, २७ माघ २०७४, १४ : २८ शालिक भट्ट  | @KakaShalik


दुर्घटनामा घाइते निरञ्जन यादव । तस्बिर : दिपेन्द्र राेक्का

काठमाडौँ – शनिबार विहान ३ बजे सिचाईं मन्त्रालयका सचिव रामानन्दप्रसाद यादव सवार जिप दुर्घटना भयो।
कपिलवस्तुबाट काठमाडौँ आउँदै गरेको बा २ झ ३१४० नम्बरको जिप धादिङको बेनिघाट रोराङ गाउँपालिका वडा नं ४ सलाङघाटस्थित त्रिशुली नदीमा खस्यो। 

सिंचाई मन्त्रलायको उक्त गाडीमा सचिवसँगै उनका २२ वर्षीय छोरा सन्तोष यादव, १५ वर्षीया भान्जी उन्नती गुप्ता र चालक ३१ वर्षीय निरञ्जन यादव सवार थिए।

दुर्घटनामा जिवित निरञ्जन यादव एक वर्षदेखि उक्त गाडी चलाउँदै आएका थिए। उनलाई दुर्घटनास्थलबाट उद्धार गरी काठमाडौँको ट्रमा सेन्टरमा उपचारका लागि ल्याइएको छ।

‘नारायणगढ आइपुगेपछि मैले अब म गाडी चलाउँछु हजुर आराम गर्नुहोस भन्दा तिमी थाकेका छौँ आराम गर म थाकेपछि तिमीलाई दिन्छु भन्नुभयो।'

ट्रमा सेन्टरको आकस्मिक कक्षको बेड नं १मा उपचाररत उनी हामी त्यहाँ पुग्दा बोल्न नसक्ने अवस्थामा थिए । केही प्रश्न गर्दा विस्तारै सकिनसकी जवाफ दिइरहेका थिए। 

यही माघ २१ गते उनीहरू सचिव यादवको व्यक्तिगत कामले सचिवको घर कपलिवस्तु गएका थिए । निरन्जनका अनुसार उनीहरू सचिवको काम सकाइ माघ २६ गते राती ९ बजे काठमाडौँ हिडेका थिए । ‘हिजो राती ९ बजेतिर सचिवज्यू, उहाँको छोरा, भान्जी र म काठमाडौँ हिडेको थियौँ’उनले भने । उनका अनुसार कपिलवस्तुबाट हिडेको केही समय उनले गाडी चलाएपनि पछि सचिवले उक्त गाडी चलाइरहेका थिए । ‘सचिवज्यूको घरदेखि चनौटासम्म मैले गाडी चलाए, त्यसपछि सचिवज्यूले तिमीलाई थकाइलाग्यो होला म गाडी चलाउँछु भन्नुभयो, त्यसपछि म पछाडि सिटमा गएर बसे उहाँले गाडी चलाउनुभयो’ चालक यादवले भने।

कपिलवस्तुबाट ४ जना हिडेका उक्त गाडीको स्टेरिङ चनौटाबाट सचिव यादवले समाएपछि चालक पनि केही बेर आराम गर्न थाले । नारायगढ आइपुगेपछि निरञ्जनले सचिवलाई आफूले गाडी चलाउन अनुरोध गरेको बताउँछन्, ‘नारायणगढ आइपुगेपछि मैले अब म गाडी चलाउँछु हजुर आराम गर्नुहोस भन्दा तिमी थाकेका छौँ आराम गर म थाकेपछि तिमीलाई दिन्छु भन्नुभयो।'

दुर्घटनाको विषयमा बोल्दै उनी भन्छन्, ‘गाडीको अगाडि सचिवज्यू र उहाँको भान्जी हुनुहन्थ्यो म र उहाँको छोरा पछाडि थियौँ, म फेरि निदाएछु बिउँझिदा म खोलाको पानीमा तैरिरहेको थिए म आत्तिदै बचाउ बचाउ भन्दै गुहार माग्न थाले, बिस्तारै सकी नसकी खोलाको किनारासम्म पौडिएर आए, त्यसपछि गाडी र सचिवज्यूहरूलाई खोजे केही पनि देखिन।’ 
‘म बचाउ भन्दै गुहार मागिरहेको सुनेर स्थानीयहरू आइ डोरी फ्याकेर मलाई त्यसमा समाउन लगाएर माथि ताने। त्यसपछि मलाई स्थानीय राजमार्ग सामुदायिक अस्पताल मलेखुमा लगियो त्यहाँ सामान्य उपचार पश्चात एम्बुलेन्सबाट काठमाडौँ ल्याइयो ।’

दुर्घटना हुँदा आफू निदाएको कारण के कति कारणले दुर्घटना भयो केही पनि थाहा नभएको बताउँछन् उनी, ‘सचिवज्यूले गाडी चलाइरहनु भएको थियो म पछाडि निदाइरहेको थिए, बिउँझिदा म खोलामा थिए त्यसकारण दुर्घटना कसरी भयो भन्ने मलाई केही पनि थाहा छैन् । अनि सचिवज्यू, उहाँको छोरा, भान्जी कता हुनुहुन्छ पनि थाहा छैन्।’

उनको उपचारमा संलग्न डाक्टरका अनुसार उनको पेटमा पानी जस्तो केही तरल पदार्थ जमेको कारण अप्रेशन गर्नुपर्ने भएकाे छ। साथै उनको नशामा पनि चोट लागेको छ। 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

तम्सिए निर्माता, तर्सिए हलवाला : अर्को सिन्डिकेट तोड्दै सरकार

तम्सिए निर्माता, तर्सिए हलवाला : अर्को सिन्डिकेट तोड्दै सरकार

सरकार बक्सअफिस लागू गर्ने पक्षमा छ । उता हलवालाहरु जुनसुकै हालतमा बक्सअफिस रोक्ने पक्षमा छन् । यता निर्माता संघ आन्दोलनको...

धेरै सफल, थोरै असफल

धेरै सफल, थोरै असफल

राजधानीमा जारी राष्ट्रिय कला प्रदर्शनीले यतिबेला मिश्रित चर्चा पाइरहेको छ । नेपाल कलापरिषदमा जारी कला प्रदर्शनीमा राम्रा पक्षहरूको पारखीहरूले प्रशंसा...

भूकम्पको असर देखाउने ‘द डार्कनेस बेकन’

भूकम्पको असर देखाउने ‘द डार्कनेस बेकन’

तीन वर्ष अघिको बिनाशकारी भूकम्पपछि सिन्धुपाल्चोककी एक बालिकाको जीवनमा आएको उतारचढावलाई प्रमुख विषय बनाएर निर्माण गरिएको फिल्म ‘द डार्कनेस बेकन’को...

सर्वनाममा ‘परिवन्द’

सर्वनाममा ‘परिवन्द’

राजधानीको कालिकास्थानमा रहेको सर्वनाम नाटकघरमा हाल नाटक ‘परिवन्द’ धमाधम मञ्चन भईरहेको छ । नेपालको पूर्वी पहाडको ग्रामीण भेगको कथा प्रस्तुत...