रानीपोखरीको टेण्डरमा मिलेमतो !

सोमबार, २९ माघ २०७४, ०८ : ४० कृष्ण किसी


भक्तपुर – काठमाडौंको रानीपोखरी पुनर्निर्माण विवाद ताजा घटना हो । पुनर्निमाणका लागि काठमाडौंका मेयर र उपमेयरकै जुँगाको लडाइँमा फसेको रानीपोखरी कस्तो स्वरुपमा बन्ने अझै टुंगो छैन । रानीपोखरीलाई लिएर आम जनमानससमेत धु्रविकृत भइरहेका बेला  यसैको निर्माण टेण्डरमा मिलेमतो भएको तथ्य खुलेको छ । तर यो तथ्य वास्तविक भने होइन ।  भक्तपुरमा तीनदिन प्रदर्शन भएको ‘रानीपोखरीको टेण्डर’ शीर्षकको नाटकमा यो तथ्य देखाइएको हो ।

आस्था साँस्कृतिक परिवारको प्रस्तुति रहेको नाटकमा पुँजीवादी राज्य बन्दोबस्तको भ्रष्ट काम गर्ने शैलीलाई मुख्य विषयवस्तु वनाइएको छ । कर्मचारी प्रशासन, ठेक्काप्रथामा हुने मिलोमतो, भागबन्डा, गुटबन्दी, चाप्लुसी, असमानतालगायतका विकृतीमाथि नाटकले तीखो व्यंग्य गरेको छ । विकासमा भ्रष्टाचारले कस्तो प्रभाव पार्छ भने कुरालाई नाटकमा केलाइएको छ । सत्ता वरिपरि बस्नेको गलत सल्लाहले देशकै प्रमुख व्यक्ति कसरी निकम्मा बन्छ बन्ने कुरालाई नाटकले प्रस्तुतिमार्फत देखाएको छ ।

हाल काठमाडौंको रानीपोखरी पुनः निमार्णमा देखिएको किचोलोको समयमा यो नाटकले काठमाडौका जनप्रतिनिधिलाई पनि चोटिलो प्रहार गरेको छ । राजा प्रताप मल्लले आफनो रानीको नाममा रानीपाखेरी बनाउने घोषणासँंगै सुरु हुने नाटक कसरी पुँंजीवादी कर्मचारीतन्त्र र भ्रष्ट बन्दोवस्तका कारण यसको निर्माण सपना कसरी तुहिन्छ भन्ने कुरालाई नाटकले चोटिलो तवरले प्रस्तुत गरेको छ ।  

भारतका चर्चित नाटककार र रंगकर्मी अजय शुक्लाले लेखेको नाटक ‘ताजमहलके टेण्डर’ लाई नेपाली सन्दर्भमा रुपान्तरण गरी नाटक मञ्चन गरिएको हो । नाटकको नेपाली भाव अनुवाद निरज लवजूले गरेका छन् भने परिकल्पना तथा निर्देशन रमेश प्रजापतिको छ । नाटकमा झण्डै दुई दर्जन कलाकारको भूमिका रहेको छ । नाटक झण्डै साढे एक घण्टाको छ ।

२०७२ सालको विनासकारी भूकम्पपछिको पुनर्निर्माणको चरणमा रहेको रानीपोखरी निर्माणमा देखिएको विवादलाई उजागर गर्दै गीत, नृत्य, हास्यव्यंग्य , प्रहर्सनले दर्शकलाई भरपूर मनोरञ्जन दिएको थियो । आदर्श समाज र प्रगतिशील संस्कृति निर्माणमा समपिर्त आस्था साँस्कृतिक परिवारले हरेक वर्ष झै यस वर्ष पनि सामाजिक, राजनैतिक, प्रशासनिक विषयवस्तुलाई नाटकमार्फत पस्किने क्रममा ‘रानीपोखरी’ नाटक प्रस्तुत गरेको हो ।

२०६१ सालमा स्थापना भएको आस्था साँंस्कृतिक परिवारले हरेक वर्ष गर्दै आएको आस्था साँंस्कृतिक साँंझकै सिलसिलाको रुपमा यो वर्ष नाटक देखाइएको जनाइएको छ । नाटक भक्तपुरको लिवालिस्थित नवनिर्मित आस्था थिएटरमा गरिएको हो । शुक्रबारदेखि देखाइएको नाटक आइतबारसम्म चलेको थियो । नाटकको उद्घाटन शुक्रबार भक्तपुर नगरपालिकाका प्रमुख सुनिल प्रजापतिले एक समारोहबीच गरेका थिए । यसअघि गतवर्ष आस्थाले भक्तपुरकै कालिघाट व्यासीस्थित बासु स्कुलमा ‘बहुलाकाजीको सपना’ नाटक मञ्चन गरेको थियो ।

 

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

लघु चलचित्र ‘अटुट नाता’ उत्कृष्ट

नेपाली सेनाले आयोजना गरेको लघु चलचित्र प्रतियोगिता २०७४ मा लघु चलचित्र ‘अटुट नाता’ उत्कृष्ट भएको छ । दिप पौडेलले निर्माण...

सलमानपछि ऋतिकसँग दिशा

सलमानपछि ऋतिकसँग दिशा

क्रिकेटर महेन्द्रसिंह धोनीको गर्लफ्रेन्डको रुपमा दुई वर्षअघि दिशा पटानीले बलिउडमा अभिनय यात्रा सुरु गरेकी थिइन् । धोनीको जीवनीमा बनेको ‘एम.एस....

‘आतुङ’ लिएर आइन् अनिता

‘आतुङ’ लिएर आइन् अनिता

कवि अनिता लामा तेस्रो कविता संग्रह ‘आतुङ’ लिएर आएकी छन । काभ्रेको तेमाल मेच्छेमा जन्मेकी अनिताको यो तेस्रो कृति हो...

प्रधानमन्त्रीले भेटे राष्ट्रकवि घिमिरेलाई, उपचार खर्च सरकारले व्यहोर्ने

प्रधानमन्त्री केपी शर्मा ओलीले ग्राण्डी अन्तर्राष्ट्रिय अस्पतालमा पुगेर त्यहाँ उपचारत राष्ट्रकवि माधवप्रसाद घिमिरेको सम्पूर्ण खर्च सरकारले व्यहोर्ने बताएका छन्। ...