अग्लो हनुमान मूर्तिले खिच्दैछ धेरैको ध्यान

सोमबार, २९ माघ २०७४, ११ : ५५ अमृत भादगाउँले


भक्तपुरस्थित दधिकोट क्षेत्रमा एउटै ढुंगामा बनाइएको १६ फिट अग्लो हनुमान मूर्ति हेर्ने तथा पूजा गर्नेको चहलपहल बढ्दै गएको छ । मन्दिरमा हरेक बिहान भक्तजनको घुइँचो लाग्ने गर्छ ।

हिञ्चोक भैरव सुधार एवं संरक्षण संस्थाले सूर्यविनायक नगरपालिका–४ हिञ्चोकमा ‘रामदास हुनमान’ मूर्ति बनाएको हो । पुजारी राजन बस्नेतका अनुसार नवलपरासीको जयश्री खोलाबाट ल्याइएको ४६ टनको ढुँगा खोपेर मूर्ति बनाइएको छ । मूर्ति बनाउन ५० लाख रूपैयाँ भन्दा बढी खर्च लागेको छ ।  संस्थाले पत्थरबाट बनेको नेपालकै अग्लो हनुमान मूर्तिका रूपमा यसको प्रचार गर्दै आएको छ । देब्रे घुँडा टेकेर बसेका हनुमानको छातीमा राम र सीताका मूर्ति कुँदिएको छ । कलाकार सानुभाई विश्वकर्माको समूहले तीन वर्ष लगाएर कुँदेको मूर्ति सिसाभित्र राखिएको छ ।

गत वर्ष शिवरात्रिदेखि मूर्ति सर्वसाधारणका लागि खुला गरिएको थियो । संस्थाका पूर्वअध्यक्ष समेत रहेका बस्नेत र दीपक ढुँगेलले पुजारीका रूपमा मन्दिरको नित्य पूजा तथा आरती गर्दै आएका छन् । ‘आर्थिक स्रोत बलियो भएपछि पुजारीको तलब व्यवस्थापन गरिनेछ,’ बस्नेतले भने, ‘अहिले हामी निःशुल्क सेवा गरिरहेका छौँ ।’  

हनुमान मूर्तिका कारण मात्र हिञ्चोक धार्मिक तीर्थ बनेको होइन, यहाँ सदियौँदेखि भैरव, महादेव, कृष्ण, गणेश, सरस्वतीलगायतका मूर्ति छन् । त्यसैले हिञ्चोक धार्मिक क्षेत्रका रूपमा पुजिँदै आएको छ । काठमाडौं उपत्यकाका मल्ल राजाले यहाँ शुभ दिन, शुभ साइत र ग्रह दशा हेराउँथे भन्ने जनश्रुती छ ।  

मन्दिर क्षेत्र साढे तीन रोपनीमा फैलिएको छ । यहाँ शिवरात्रि, रामायण जयन्ती, बिस्केट जात्रा (वैशाख १ गते)मा मेला लाग्छ । त्यसैगरी हरेक १२ वर्षमा हरिसिद्धि ललितपुरका गंठे आएर तान्त्रिक पूजा गर्छन् ।  
हिञ्चोक डाँडा पुग्न अरनिको राजमार्गको नयाँ ठिमीबाट दक्षिणतर्फ करिब १८ सय मिटर लाग्नु पर्छ । डाँडा रमणीय छ ।   

 

 

 

रामायण भजन
हिञ्चोक भैरव मन्दिर हातामा हरेक आइतबार दिउँसो साढे १ बजेदेखि ५ बजेसम्म रामायण भजन गाइन्छ ।  बाजागाजाका साथ भजनकिर्तन गरिन्छ । हिञ्चोक भैरव सुधार एवं संरक्षण संस्थाका पूर्वअध्यक्ष राजन बस्नेतका अनुसार स्व. टीकाबहादुर बस्नेतको अगुवाइमा विसं ०५१ देखि मन्दिर हातामा रामायण भजन सुरु गरिएको थियो । ‘त्यसलाई हामीले निरन्तरता दिएका हौँ,’ उनी भन्छन्, ‘भजनले आध्यात्मिक माहौल बनाउँछ ।’






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

यस्तो देखियो डी सिने अवार्ड, अनमोल र निता उत्कृष्ट (फोटो फिचर)

यस्तो देखियो डी सिने अवार्ड, अनमोल र निता उत्कृष्ट (फोटो फिचर)

दशौं डी सिने अवार्डमा अनमोल केसी र निता ढुंगाना उत्कृष्ट नायक नायिका घोषित भएका छन्। ...

नोटेसनसहित पन्नाकाजीका गीत

नोटेसनसहित पन्नाकाजीका गीत

‘तिरिरी मुरली बज्यो वनैमा लौ माया नमारे’ नेपालको सदाबहार गीतको नाम लिनुपर्दा यो गीत पहिला पाँचमा सजिलै अटाउँछ । २०१५...

‘जाइरा’मा खेलाडी नम्रता

‘जाइरा’मा खेलाडी नम्रता

अभिनेत्री नम्रता श्रेष्ठ फिल्ममा प्रायः प्रेमिकाका रुपमा देखिन्छिन् । फिल्म ‘क्लासिक’मा दृष्टिविहिन भूमिका होस् या थ्रिलर फ्लेबरको ‘पर्व’मा होस् उनको...

नाम्चेमा ‘एभरेस्ट डे’ कन्सर्ट

मे २९ का दिन मनाइने ‘एभरेष्ट डे’ अर्थात ‘सगरमाथा दिवस’को अवसर पारेर सोलुखुम्बुको नाम्चेबजारमा आगामी जेठ १५ गते ‘एभरेष्ट डे’...