राेजीका एल्बम र पुस्तक एकैसाथ

मङ्गलबार, ०१ फागुन २०७४, ०८ : ११ नागरिक


काठमाडौं – बेलायतमा बस्दै आएकी गीतकार तथा साहित्यकार रोजी लाबुङ राईको दुई एल्बम र एक पुस्तक सार्वजनिक भएका छन् । राजधानीमा आयोजित कार्यक्रममा गीतकार डा. कृष्णहरि बराल र गीतकार उन्नती बोहरा ‘शिला’लगायतले एल्बम ‘रोजाई’, ‘समन्वय’ र पुस्तक ‘सोचाइ’एकसाथ विमोचन गरे ।

कार्यक्रममा गीतकार डा. बरालले रोजीको क्षमतालाई आफूले गीत सुन्दा र पुस्तक अध्ययन गर्दा थाहा पाएको बताए । ‘उहाँको पहिलो एल्बमलाई पनि मैले नै विमोचन गर्ने मौका पाएको थिएँ र अहिले पनि यो अवसर जुरेको छ,’ उनले भने, ‘उहाँलाई मैले साहित्यमा निरन्तरता दिन आग्रह गरेको थिएँ । विदेशमा बसेर पनि साहित्य र गीत संगीतलाई उहाँले गर्नु भएको मायालाई हामीले स्वागत गर्नैपर्छ ।’ अर्की गीतकार उन्नतिले रोजीको गीत संगीतमा सबै किसिमका भाव र लेखाइमा परिपक्कता पाएको बताइन् ।

गीतकार रोजी विदेशी भूमिमा भएता पनि आफूले लेख्नलाई रोक्न नसकेको बताइन् । ‘गीत लेख्नमा छुटै किसिमको आनन्द छ । यसले मलाई उर्जा थप्ने काम पनि गरेको छ,’ रोजीले भनिन् ।

रोजीको एल्बम ‘रोजाई’मा ‘माया दिए’, ‘ओ परदेशी’, ‘भुल गरे’, ‘म सधै सधै’, ‘अब म मर्छु होला’, ‘सुनसान रातको’ र ‘डन्ट लाइक योर बानी’ लगायतका गीत समावेश छन् । गीतमा रामकृष्ण ढकाल, मेलिना राई, प्रमोद खरेल, मौनता कमबाङ, साझ सिंह, मिलन अमात्य र राजेशपायल राईको स्वर तथा बसन्त सापकोटा, डी रातु, नरेश लिङदेन, ताराप्रकाश लिम्बु र महेश खड्काको संगीत छ ।कार्यक्रममा ‘अन्जान थिएँ’बोलको गीतको भिडियो सार्वजनिक गरिएको थियो । भिडियोमा राजिव समरको नृत्य, मिलन शंकरको छायांकन, सुप्रिम पराजुलीको सम्पादन र सान थापाको निर्देशन छ ।
 






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

रिजुलाई ‘मिस नेवा’ उपाधि

रिजुलाई ‘मिस नेवा’ उपाधि

काठमाडौंकी रिजु मानन्धरले आफ्ना १६ जना प्रतिस्पर्धीलाई पछि पार्दै १३ औं ‘मिस नेवाः ११३८’ को उपाधि जितेकी छन्। ...

अनमोलसँग सुहानी

अनमोलसँग सुहानी

अभिनेत्री करिश्मा मानन्धरकी छोरी कविता फिल्म ‘एउटा यस्तो प्रेम कहानी’मार्फत अभिनयमा डेब्यु गरेको चर्चा सेलाउन नपाउँदै अर्की अभिनेत्री झरना थापाकी...

फेसनमा दलजितका पहिरन

फेसनमा दलजितका पहिरन

ताहाचलस्थित पाँचतारे होटल ‘सोल्टी क्राउन प्लाजा’ शुक्रबार फेसन हब बन्यो । ‘ट्रेसमी दलजीत सुदान रन–वे फेसन शो–२०१८’नाम दिइएको उक्त अन्तर्राष्ट्रियस्तरको...

डोल्पाका बालबालिकाको लागि म्याराथुन डान्स

डोल्पाका बालबालिकाको लागि म्याराथुन डान्स

डोल्पाका बालबालिकाको सहयोगार्थ राजधानीमा शनिबार म्याराथुन डान्स आयोजना गरिएको छ । स्नो याक फाउन्डेसनमार्फत डोल्पाका बालबालिकालाई सहयोग गर्नका लागि रोट्रयाक्ट...