समानुपातिकमा नियम मिचेर सिफारिस

मङ्गलबार, ०१ फागुन २०७४, १० : ४३ भाषा शर्मा  | @sb_language


काठमाडौं – निर्वाचन आयोगमा प्रतिनिधिसभा समानुपातिकतर्फको सूची पठाउँदा तीन राजनीतिक दलले नियम मिचेका छन् । नेपाली कांग्रेस, नेकपा माओवादी केन्द्र र राष्ट्रिय जनता पार्टी नेपालले समावेशी समूह र क्रम संख्या मिचेर नामवली पठाएको निर्वाचन आयोगले जनाएको छ । नेकपा एमाले र संघीय समाजवादी फोरमले भने कानुनअनुसार नामवली पेस गरेका छन्।

समावेशी समूह र क्रमसंख्या मिच्ने तीन दललाई निर्वाचन आयोगले पुनः नाम पठाउन पत्र पठाउने भएको छ । कानुन मिच्ने दलले दुई दिनभित्र पहिल्यै आयोगमा बुझाएको सूचीका आधारमा नाम सच्याएर पठाउनुपर्नेछ।

पाँच दलले प्रतिनिधिसभा समानुपातिकतर्फ विजयी हुने उम्मेदवारको नामवली आयोगमा सोमबार पेस गरेका हुन् । निर्वाचन आयोगले तीन दिनको समय दिएर पहिले बुझाएको बन्दसूची र क्रम संख्याका आधारमा नाम पठाउन चिठी पठाएको थियो । तीन दलले यसअघि आयोगमा पठाएका नामको क्रमसंख्या मिचेर नाम पठाएका हुन्।

समानुपातिकतर्फ राजनीतिक दलले प्राप्त गरेको मतका आधारमा नेकपा एमालेले ४१, कांग्रेसले ४०, माओवादी केन्द्रले १७, राजपा र संघीय समाजवादी फोरमले ६÷६ जनाको नाम सिफारिस गरेका हुन् । समानुपातिकतर्फ ३ प्रतिशत थ्रेस होल्ड पार गर्ने यिनै पाँच दलमात्र हुन्।

कानुनअनुसार जनसंख्याका आधारमा दलहरुले समानुपातिकतर्फ दलित १३.८, आदिवासी जनजाति २८.७, खस आर्य ३१.२, मधेसी १५.३, थारु ६.६ र मुस्लिम ४.४ प्रतिशत सहभागी गराउनुपर्ने हुन्छ । समानुपातिक उम्मेदवार छनोटसम्बन्धी निर्देशिकाअनुसार कुनै समावेशी समूहका उम्मेदवारको नाम छनोट गर्दा त्यस्तो समावेशी समूहको माथिल्लो क्रममा भएका उम्मेदवारको नाम छनोट नगरी तल्लो क्रममा भएका उम्मेदवारको नाम छान्न पाइनेछैन।

माघ २६ मा बसेको आयोग बैठकले प्रतिनिधिसभा सदस्य निर्वाचन ऐन २०७४ को दफा ६० उपदफा (५) बमोजिम केन्द्रीय कार्यकारिणी समिति वा सो सरहको समितिबाट निर्णय गरी सोमबारसम्म नाम पठाउन दलहरुलाई समय दिएको थियो।

आयोगमा पेस गरिएको नामवली समावेशी समूह र क्रमसंख्याअनुसार मिले÷नमिलेको जाँच गरिने र दलहरुले नमिलाई पठाएको भए दुई दिनभित्रमा सच्याउनुपर्ने आयोगका प्रवक्ता नवराज ढकालले बताए । ‘नमिलाई पठाएका राजनीतिक दललाई सच्याएर ल्याउन पुनः दुई दिनको समय दिने कानुनी व्यवस्था छ’, उनले भने, ‘हामी हेर्दैछौं । कुनै दलले कानुन मिचेको पाइएमा सच्याएर पठाउनुपर्नेछ।’
 






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

लघु चलचित्र ‘अटुट नाता’ उत्कृष्ट

नेपाली सेनाले आयोजना गरेको लघु चलचित्र प्रतियोगिता २०७४ मा लघु चलचित्र ‘अटुट नाता’ उत्कृष्ट भएको छ । दिप पौडेलले निर्माण...

सलमानपछि ऋतिकसँग दिशा

सलमानपछि ऋतिकसँग दिशा

क्रिकेटर महेन्द्रसिंह धोनीको गर्लफ्रेन्डको रुपमा दुई वर्षअघि दिशा पटानीले बलिउडमा अभिनय यात्रा सुरु गरेकी थिइन् । धोनीको जीवनीमा बनेको ‘एम.एस....

‘आतुङ’ लिएर आइन् अनिता

‘आतुङ’ लिएर आइन् अनिता

कवि अनिता लामा तेस्रो कविता संग्रह ‘आतुङ’ लिएर आएकी छन । काभ्रेको तेमाल मेच्छेमा जन्मेकी अनिताको यो तेस्रो कृति हो...

प्रधानमन्त्रीले भेटे राष्ट्रकवि घिमिरेलाई, उपचार खर्च सरकारले व्यहोर्ने

प्रधानमन्त्री केपी शर्मा ओलीले ग्राण्डी अन्तर्राष्ट्रिय अस्पतालमा पुगेर त्यहाँ उपचारत राष्ट्रकवि माधवप्रसाद घिमिरेको सम्पूर्ण खर्च सरकारले व्यहोर्ने बताएका छन्। ...