‘जनयुद्ध’ दिवसमा पेरिसडाँडामा देखिएनन् एमाले नेता

मङ्गलबार, ०१ फागुन २०७४, १६ : २५ नागरिक


काठमाडौं- २३ औं ‘जनयुद्ध’ दिवसको अवसमा माओवादी पार्टी मुख्यालय पेरिस डाँडामा आयोजित कार्यक्रममा नेकपा एमालेको तर्फबाट प्रतिनिधित्व भएन। माओवादीको युवा संगठन योङ्ग कम्युनिष्ट लिग (वासिएल) जनयुद्ध दिवसमा एमाले पार्टी अध्यक्ष केपी शर्मा ओलीलाई बोलाउने निर्णय गरे पनि पछि उक्त निर्णयबाट पछि हटेको थियो। संगठनले निर्णय गरे पनि ओलीलाई राजनीतिक अवस्था हेरर निमन्त्रणा नगरिएको वाइसिएलका एक नेताले बताए।

एमाले र माओवादीले प्रतिनिधि सभा र प्रदेश सभा निर्वाचनमा चुनावी सहकार्य गर्दै पार्टी एकता गर्ने निर्णय गरेका थिए। सफल चुनावी एकताले वाम गठवन्धनलाई बहुमत समेत दिलायो। राष्ट्रिय सभा निर्वाचन र प्रादेशिक सरकार गठनमा समेत सहकार्य गरेका दुई पार्टीले जनयुद्ध दिवसमा भने सहकार्य गर्न सकेनन्।

पार्टी एकताको लागि गृहकार्य गरिरहेका एमाले र माओवादीले जनताको बहुदलीय जनवाद र जनयुद्धबारे समेत छलफल गरिरहेका छन्। एमालेले जनयुद्धलाई स्विकार नगर्ने गरी आफुलाई प्रस्तुत गरिरहेको अवस्थमा एकताको लागि तयार भएका दुई पार्टी मध्ये माओवादीको महत्वपूर्ण दिनमा एमाले नेताहरु सहभागि नुहुनुलाई अर्थपूर्णरुपमा हेरीएको छ।

‘उहाँ (ओली) लाई किन अप्ठेरो पार्ने भनेर बोलाएनौ’, वासिएलका एक नेताले भने,‘अन्य नेतालाई बोलाए पनि उहाँहरु आउनु भएन।’ कार्यक्रममा एमाले उपाध्यक्ष वामदेब गौतम आउने अपेक्षा गरिएको थियो।

पेरिसडाँडामा आयोजित कार्यक्रममा माओवादी अध्यक्ष पुष्पकमल दाहाल, नारायणकाजी श्रेष्ठ, रामबहादुर थापा लगायत माओवादी नेता कार्यकर्ता पुगेका थिए।

कार्यक्रममा बोल्दै अध्यक्ष दाहालले सबै कम्युनिष्टहरुलाई एउटै केन्द्रमा सामेल हुन आग्रह गरेका छन्।
दाहालले समृद्धि र समाजवादको  निर्माण गर्ने असाधारण ऐतिहासिक अवसर रहेको बताउँदै सबै कम्युनिष्टहरुलाई एउटै केन्द्रमा समाहित हुन आव्हान गरे।

 

 









यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

धेरै सफल, थोरै असफल

धेरै सफल, थोरै असफल

राजधानीमा जारी राष्ट्रिय कला प्रदर्शनीले यतिबेला मिश्रित चर्चा पाइरहेको छ । नेपाल कलापरिषदमा जारी कला प्रदर्शनीमा राम्रा पक्षहरूको पारखीहरूले प्रशंसा...

भूकम्पको असर देखाउने ‘द डार्कनेस बेकन’

भूकम्पको असर देखाउने ‘द डार्कनेस बेकन’

तीन वर्ष अघिको बिनाशकारी भूकम्पपछि सिन्धुपाल्चोककी एक बालिकाको जीवनमा आएको उतारचढावलाई प्रमुख विषय बनाएर निर्माण गरिएको फिल्म ‘द डार्कनेस बेकन’को...

सर्वनाममा ‘परिवन्द’

सर्वनाममा ‘परिवन्द’

राजधानीको कालिकास्थानमा रहेको सर्वनाम नाटकघरमा हाल नाटक ‘परिवन्द’ धमाधम मञ्चन भईरहेको छ । नेपालको पूर्वी पहाडको ग्रामीण भेगको कथा प्रस्तुत...

खगेन्द्रको ‘डण्डिबियो’ फ्ल्यासब्याक

खगेन्द्रको ‘डण्डिबियो’ फ्ल्यासब्याक

स्याङ्जामा जन्मिएर त्यही हुर्किएका अभिनेता खगेन्द्र लामिछानेले कक्षा ५ सम्म पढ्दा डण्डिबियो राम्रैसँग खेले । नेपालकै राष्ट्रिय खेलका रुपमा सरकारले...