शान्तिनगर र केसिटिसी सेमिफाइनलमा

बुधबार, ०२ फागुन २०७४, ०८ : ३६ नागरिक


काठमाडौं – शान्तिनगर र केसिटीसीले मंगलबारका खेलमा जित हासिल गर्दै खुकुरी च्यालेन्ज कपको सेमिफाइनलमा प्रवेश गरेका छन् । मूलपानी क्रिकेट मैदानमा जारी प्रतियोगितामा मंगलबार शान्तिनगरले त्रिभुवन आर्मी क्लब तथा केसिटिसीले वाइवाइ जिएचसिएलाई पराजित गर्दै अन्तिम चारको टिकट काटेका थिए।

सुनील धमलाले अर्धशतकीय इनिङ खेलेपछि शान्तिनगर आर्मीमाथि ७ रनको जित हासिल गर्न सफल भयो । टस हारेर पहिला ब्याटिङको निम्तो पाएको शान्तिनगरले निर्धारित २० ओभरमा ८ विकेट गुमाउँदै १ सय २८ रन बनायो । शान्तिनगरका लागि सुनील धमलाले ५१ बलमा १ छक्का र ६ चौकाको मद्दतमा ५१ रन जोडे । यस्तै,  अमित श्रेष्ठ २३ रनमा क्याच हुँदा मन्जित श्रेष्ठ १३ रनमा आउट भए । बाँकी ब्याट्सम्यानले दोहोरो अंकमा रन जोड्न सकेनन् । आर्मीका अविनाश बोहोराले ४ विकेट लिँदा चन्द्र साउदले १ विकेट हात पारे।

१ सय २९ रनको लक्ष्य लिएर जबाफी ब्याटिङमा उत्रिएको विभागीय टोली त्रिभुवन आर्मीले निर्धारित २० ओभरमा १ सय २१ रन मात्र बनाउन सक्यो । आर्मीका लागि लोकेन्द्र चन्दले सर्वाधिक २० रन जोडे । यस्तै, भूपेन्द्र थापा, इन्द्रकमल मानन्धर र दीपु कर्णले समान १५–१५ रनको योगदान गरे । आर्मीलाई सस्तैमा सीमित गर्ने क्रममा शान्तिनगरका लागि मन्जित श्रेष्ठले ३ विकेट लिएका थिए।

अर्को खेलमा केसिटिसीले जिएचसिएलाई २४ रनको अन्तरमा हरायो । टस जितेर पहिला ब्याटिङ गरेको केसिटिसीले निर्धारित २० ओभरको समाप्तिमा ७ विकेट गुमाउँदै १ सय २३ रन बनायो । खेलमा केसिटिसीका लागि सुधीर चौधरीले सर्वाधिक ६४ रनको इनिङ खेले । चौधरीले २ छक्का र ७ चौका प्रहार गरे । यस्तै, दुर्गेश थापाले ३५ तथा अदिल खानले १४ रन जोड्दा अन्य ब्याट्सम्यानले दोहोरो अंकमा रन जोड्न सकेनन् । जिएचसिएका कमलसिंह ऐरी र प्रदीप ऐरीले १–१ विकेट लिए।

१ सय २४ रनको लक्ष्यसाथ उत्रिएको जिएचसिए १८.४ ओभरमा १ सय १० रनमै अलआउट भयो । जिएचसिएका लागि प्रदीप ऐरीले सर्वाधिक २३ रनको योगदान गर्दा कमलसिंह ऐरीले २०, अभिशेक बस्नेतले १७ तथा दिनेश बुढामगरले १२ रन जोडे । बाँकी ब्याट्सम्यानले दोहोरो अंकमा रन जोड्न सकेनन् । केसिटिसीका सुमित झाले ३ विकेट लिए।

प्रतियोगितामा बुधबार बालुवाटार क्रिकेट क्लब र मकवानपुर क्रिकेट क्लब तथा रोयल पिसी फाइटर र इन्टर–डिस्ट्रिक स्स्पोर्टस क्लबबीच खेल हुनेछ।






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

सलमान खानको नेपाल भ्रमण दोस्रो पटक स्थगित

सलमान खानको नेपाल भ्रमण दोस्रो पटक स्थगित

बलिउड अभिनेता सलमान खानको नेपाल भ्रमण दोस्रो पटक स्थगित भएको छ। आयोजक संस्था ओडीसी इन्टरनेसनलले सामाजिक सञ्जाल फेसबुक मार्फत विशेष...

‘मंगलम्’लाई पाँच अवार्ड

‘मंगलम्’लाई पाँच अवार्ड

डिजिटल मोडलमा बनेका फिल्मलाई प्रोत्साहित गर्न राजधानीमा बिहीबार आयोजना गरिएको १० औं संस्करणको ‘डि सिने अवार्ड २०७५’ फिल्म ‘मंगलम्’ले प्रतिस्पर्धामा...

प्रहरी र अपराधीबीचकोे ‘चक्कर’

प्रहरी र अपराधीबीचकोे ‘चक्कर’

अपराधको विषयबस्तु समेटेर तयार पारिएको फिल्म ‘चक्कर’को ट्रेलर र फस्टलुक सार्वजनिक भएको छ। राजधानीमा बिहीबार फिल्म युनिटले पत्रकारमाझ फस्टलुक र...

एकै स्टेजमा तीन विजेता

एकै स्टेजमा तीन विजेता

एउटै स्टेजमा एकसाथ तीन विजेता छानिने भएका छन्। ग्ल्याम वल्र्ड इन्टरटेनमेन्टले आगामी असार १ गते राजधानीमा आयोजना गर्न लागेको ‘मिस...