पूर्वराष्ट्रपति पार्ककी साथीलाई २० वर्ष जेल सजाय

बुधबार, ०२ फागुन २०७४, ०८ : ३७ एजेन्सी


सोल– दक्षिण कोरियाको एक अदालतले पूर्व राष्ट्रपति पार्क ग्युन हायकी नजिककी साथी चोई सुन–सिललाई २० बर्षको जेल सजाय तोकेको छ ।

पूर्व राष्ट्रपति पार्ककी सल्लाहकारसमेत रहेकी चोईलाई भ्रष्टाचार र राजनीतिक शक्तिको दुरुपयोग गरेको आरोपमा मंगलबार अदालतले उक्त निर्णय गरेको हो । पूर्वराष्ट्रपति पार्क ग्युन हायविरुद्ध महाभियोग लगाउने दक्षिण कोरियाली संसदको निर्णयलाई अदालतले सदर गरेको दुई दिनपछि राष्ट्रपतिबाट पदच्युत गरिएकी पार्ककी साथी चोई सुन–सिललाई जेल सजाय तोकिएको छ ।

लामो समयसम्म पूर्व राष्ट्रपति पार्कलाई सघाएकी चोईलाई हिरासतमा राखिएको १५ महिनापछि अदालतले २० वर्षको जेल सजाय ताकेको हो । राष्ट्रपतिलाई प्रभावमा पारी आर्थिक अपचलन तथा भ्रष्टाचार गरेको आरोपलाई पुष्टि गर्दै अदालतले चोईलाई २० बर्षको जेल सजाय सुनाएको स्थानीय सञ्चारमाध्यमले उल्लेख गरेका  छन् ।
 
दक्षिण कोरियाकी पहिलो महिला राष्ट्रपति पार्कलाई महाभियोगसम्म लागेको ठूलो भ्रष्टाचार काण्डको चोई मुख्य केन्द्रविन्दु रहेकी थिइन् । महाभियोग लागेर पदच्युत भएकी पार्कविरुद्ध आधा दर्जनभन्दा बढी मुद्दामा अदालतमा सुनुवाई चलिरहेको भएपनि उनले आफूले केही गल्ती नगरेको बताउँदै आएकी छिन् ।

२० वर्षको सजाय तोकिएकी चोईको वकिलले सजायको फैसलाविरुद्ध पुनरावेदन गर्ने बताएका छन् ।चोईमाथि राष्ट्रपतिसँगको सम्पर्कको दुरुपयोग गर्दै सामसुङ इलेक्टोनिक्स र लट्टेसहित विभिन्न व्यापारिक संस्थालाई आफूले सञ्चालन गरिरहेको गैर सरकारी संगठनलाई चन्दा दिन दबाब दिएको आरोप लागेको छ ।

राजधानी सोलस्थित केन्द्रीय जिल्ला अदालतले चोईलाई एक करोड ६६ लाख डलर बराबरको विगो भर्नसमेत आदेश दिएको छ । पूर्व राष्ट्रपति पार्कलाई चोईसँग मिलेर भ्रष्टाचार  गरेको आरोप लागेको छ । उनी अहिले हिरासतमा नै छिन् र उनीविरुद्धको मुद्दामा यस महिनाको अन्त्यतिर फैसला हुने अपेक्षा गरिएको छ ।

मंगलबार २० वर्षको जेल सजाय पाएकी चोईलाई अर्को फरक भ्रष्टाचारको मुद्दामा तीन वर्षको जेल सजाय तोकि सकिएको छ । आफ्नी छोरीको इच्छालाई पूरा गर्नका लागि आफ्नो पदको दुरुपयोग गर्दै भ्रष्टाचार गरेको आरोपमा उक्त सजाय भएको थियो ।

सोही मुद्दामा, लट्टे समूहका अध्यक्ष सिन डोङ–विनलाई पनि चोईलाई करोडौं घुस दिएको आरोपमा दोषी ठहर गर्दै अदालतले दुई वर्ष ६ महिना जेल सजाय तोकेको थियो । त्यसैगरी सोही मुद्दामा नै सामसुङ कम्पनीका उपाध्यक्षलाई राजनीतिक प्रभावमा परेर चोईलाई चन्दा दिएको आरोपमा जेल हालिएको थियो, तर उनी यसै महिनाको सुरुमा जेलमुक्त भएका छन् ।

पार्कलाई २०१७ को मार्च महिनामा दक्षिण कोरियाको संसद्ले महाभियोग लगाउँदै पदच्युत गरेको थियो । उनी पदबाट हट्न बाध्य बनाइएकी दक्षिण कोरियाको प्रथम प्रजातान्त्रिक राष्ट्रपतिसमेत हुन् ।राष्ट्रपतीय उन्मुक्ति गुमाएपछि पार्कविरुद्ध घुस लिएको, राज्य शक्तिको दुरुपयोग गरेको र गोप्य सूचना चुहावट गरेको आरोपमा मे महिनाबाट अदालतमा जाँचबुझ कार्य भइरहको छ ।

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

राजेशपायलकाे खुलासा : रेखासँग बिहे हुनै सक्दैन भन्ने छैन

राजेशपायलकाे खुलासा : रेखासँग बिहे हुनै सक्दैन भन्ने छैन

२७ वर्षयता संगीत क्षेत्रमा सक्रिय राजेशपायल राइका दर्जनौ गीत हिट छन् । अविवाहित उनले हालसालै इन्स्टाग्राममा ‘मायालु’ लेखेर राखेको एउटा...

मदन पुरस्कार विजेता राजनमाथि आरोप : ‘मेरा श्रीमान् ‘१५ औं प्रेमिकासँग बस्छन्’

मदन पुरस्कार विजेता राजनमाथि आरोप : ‘मेरा श्रीमान् ‘१५ औं प्रेमिकासँग बस्छन्’

प्रगति राई जमेकी साहित्यकार हुन् । खुलस्त लेखनले उनी चर्चामा आउँछिन् । ‘लेखककी स्वास्नी’ उपन्यास उनको खुलस्त लेखनको उदाहरण हो...

‘नेपाली साहित्य दलालीतर्फ जाँदैछ’

‘नेपाली साहित्य दलालीतर्फ जाँदैछ’

समालोचक तथा कवि नेत्र एटम (नेत्रमणि सुवेदी) पेसाले त्रिभुवन विश्वविद्यालयमा  प्राध्यापन  गर्छन्।  साहित्यको समालोचना गर्दै  आएका  एटमसँग नेपाली साहित्यमा  कविताको ...

करोड क्लवमा ओलीको ह्याट्रिक

गायक सरोज ओलीले करोड क्लबमा ह्याट्रिक गरेका छन् । उनले गाएका तीनओटा आधुनिक गीतहरू युट्युबमा १ करोडभन्दा धेरैपटक हेरिएको हो।