प्रधानमन्त्री चयन प्रक्रिया

वाम गठबन्धनबाट ओलीको दाबी

बिहिबार, ०३ फागुन २०७४, ०६ : ३३ नागरिक


मणि दाहाल/प्रकाश तिमल्सिना

काठमाडौं – नेकपा एमाले र नेकपा माओवादी केन्द्रले सरकार गठनका लागि बिहीबार राष्ट्रपति विद्यादेवी भण्डारीसमक्ष दाबी पेस गर्ने भएका छन् । वाम गठबन्धनले प्रधानमन्त्रीका लागि एमाले अध्यक्ष केपी शर्मा ओलीलाई अघि सारेको छ ।

वामपन्थी गठबन्धनको केन्द्रीय एकता संयोजन समितिको बुधबार साँझ बसेको बैठकले निर्वाचन आयोगद्वारा राष्ट्रपतिसमक्ष निर्वाचन परिणाम भइसकेकाले अब सरकार गठनमा ढिलाइ गर्न नहुने निष्कर्ष निकाल्दै राष्ट्रपतिसमक्ष दाबी प्रस्तुत गर्ने निर्णय गरेको हो ।

‘चुनाव भएको धेरै समय भइसक्यो । सरकार गठनमा अझै विलम्ब गर्नु हुँदैन,’ बैठकपछि माओवादी केन्द्रका नेता तथा समिति सदस्य नारायणकाजी श्रेष्ठले सञ्चारकर्मीसँग भने, ‘राष्ट्रपतिसमक्ष निर्वाचन आयोगले निर्वाचन परिणाम बुझाइसकेको अवस्थामा सरकार गठन गर्ने कार्यमा विलम्ब गर्नु हुँदैन । त्यसैले भोलि (बिहीबार) नै राष्ट्रपतिसमक्ष सरकार गठनका लागि दाबी प्रस्तुत गर्ने निर्णय गरेका छौं ।’
एमाले उपाध्यक्ष वामदेव गौतमले सरकार गठनको विषयलाई अघि बढाउने जिम्मेवारी दुवै दलका अध्यक्षलाई दिइएको बताए ।

मंसिर १० र २१ गते भएको प्रतिनिधिसभाको निर्वाचनको परिणाम निर्वाचन आयोगले बुधबार साँझ औपचारिक रुपमा सार्वजनिक गरी राष्ट्रपति भण्डारीसक्षम पेस गरेको छ । आयोगले पछिल्लो चरणको चुनाव भएको ५२ दिनपछि समानुपातिकतर्फको परिणाम सार्वजनिक गरेको हो ।
दुई सय ७५ सदस्यीय प्रतिनिधिसभामा वामपन्थी गठबन्धनको करिब दुई तिहाइ संख्या छ । प्रतिनिधिसभामा दुई दलका गरी एक सय ७४ सांसद छन् ।

सरकारको नेतृत्व एमाले अध्यक्ष केपी शर्मा ओलीले गर्नेछन् । दुवै दलबीच आलोपालो सरकारको नेतृत्व गर्ने सहमति भएको छ । सहमतिअनुसार सरकारको नेतृत्व पहिलो तीन वर्ष एमाले अध्यक्ष ओली र पछिल्लो दुई वर्ष माओवादी अध्यक्ष पुष्पकमल दाहालले गर्नेछन् ।ललितपुरको मानभवनस्थित एक निर्माण व्यवसायीको निवासमा करिब पाँच घन्टा चलेको एकता संयोजन समिति बैठकमा पार्टी एकताबारे पनि छलफल थियो ।

बैठकपछि एमाले उपाध्यक्ष गौतमले पार्टी एकताबारे दुई दलबीच ९५ प्रतिशत विषय मिलिसकेको दाबी गरे । ‘९५ प्रतिशत विषयमा सहमति भइसकेको छ । आज समय, ढिलो पनि भयो, पार्टी एकताबारे निर्णयका लागि संयोजन समितिको बैठक भोलि (बिहीबार) फेरि बस्नेछ,’  गौतमले सञ्चारकर्मीसँग भने, ‘पार्टी एकताका सैद्धान्तिक र संगठनात्मक संरचनाको विषयलाई अन्तिम रुप दिन कार्यदलमा बस्ने सदस्यका नाम पनि बिहीबार आउनेछ ।’ उनले एकताको खाकासमेत बिहीबार सार्वजनिक गर्ने बताए ।बुधबार पहिला यसअघि ओली र दाहालबीच करिब आधा घन्टा एकान्त वार्ता भएको थियो । दुई अध्यक्षबीच भएको सहमतिलाई एमाले र माओवादी केन्द्रको बैठकले पारित गरेपछिकेन्द्रीय एकता संयोजन समितिको बैठक बसेको थियो ।

ओलीलाई प्रधानमन्त्री उम्मेदवार बनाउने एमाले निर्णय
मानभवनस्थित व्यवसायीकै निवासमै भएको एमाले स्थायी कमिटीको बैठकले पार्टी अध्यक्ष अध्यक्ष केपी शर्मा ओलीलाई प्रधानमन्त्रीको उम्मेदवार बनाउने निर्णय गरेको छ । त्यसैगरी बैठकले माओवादी केन्द्रसँग नेतृत्व बाँडफाँटको विषयलाई पारित गरेको छ ।

‘बैठकले अध्यक्ष (ओली) लाई प्रधानमन्त्रीको उम्मेदवार बनाउने औपचारिक निर्णय गरेको छ,’ उपमहासचिव घनश्याम भुसालले भने । बैठकमा अध्यक्ष ओलीले माओवादी केन्द्रसँग पार्टी एकताका लागि भइरहेको बैठकबारे जानकारी गराएका थिए ।अकस्मिक रुपमा बोलाइएको एमाले स्थायी कमिटी बैठक करिब ४५ मिनेट बसेको थियो । सोही समयमा नेकपा माओवादी केन्द्रका केन्द्रीय सचिवालयका बैठक पनि बसेको थियो । दाहाल निवास खुमलटारमा भएको बैठकले पनि दुवै दलका अध्यक्षबीच भएको सहमति पारित गरेको थियो ।

दुवै अध्यक्षबीच पार्टी एकताको खाकालाई सरकार गठनअघि नै निष्कर्षमा पु¥याउने सहमति भएको छ । जसअनुसार नयाँ पार्टीको नाम नेपाल कम्युनिस्ट पार्टी (नेकपा) मात्रै राखिनेछ । दुवै पार्टीका अध्यक्ष सहअध्यक्षका रुपमा रहनेछन् भने बैठकको अध्यक्षतामा दुवैले आलोपालो गर्नेछन् ।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

सलमान खानको नेपाल भ्रमण दोस्रो पटक स्थगित

सलमान खानको नेपाल भ्रमण दोस्रो पटक स्थगित

बलिउड अभिनेता सलमान खानको नेपाल भ्रमण दोस्रो पटक स्थगित भएको छ। आयोजक संस्था ओडीसी इन्टरनेसनलले सामाजिक सञ्जाल फेसबुक मार्फत विशेष...

‘मंगलम्’लाई पाँच अवार्ड

‘मंगलम्’लाई पाँच अवार्ड

डिजिटल मोडलमा बनेका फिल्मलाई प्रोत्साहित गर्न राजधानीमा बिहीबार आयोजना गरिएको १० औं संस्करणको ‘डि सिने अवार्ड २०७५’ फिल्म ‘मंगलम्’ले प्रतिस्पर्धामा...

प्रहरी र अपराधीबीचकोे ‘चक्कर’

प्रहरी र अपराधीबीचकोे ‘चक्कर’

अपराधको विषयबस्तु समेटेर तयार पारिएको फिल्म ‘चक्कर’को ट्रेलर र फस्टलुक सार्वजनिक भएको छ। राजधानीमा बिहीबार फिल्म युनिटले पत्रकारमाझ फस्टलुक र...

एकै स्टेजमा तीन विजेता

एकै स्टेजमा तीन विजेता

एउटै स्टेजमा एकसाथ तीन विजेता छानिने भएका छन्। ग्ल्याम वल्र्ड इन्टरटेनमेन्टले आगामी असार १ गते राजधानीमा आयोजना गर्न लागेको ‘मिस...