कुलेखानी तेस्रोको म्याद थप्न सिफारिस

बिहिबार, ०३ फागुन २०७४, ०७ : ५३ विष्णु बेल्वासे


काठमाडौं – १४ मेगावाट क्षमताको कुलेखानी तेस्रो जलाशययुक्त जलविद्युत् आयोजना निर्माण सुरु भएको आगामी महिना (चैतमा) १० वर्ष पुग्दैछ । तीन वर्ष आठ महिनाभित्र सम्पन्न गर्ने लक्ष्य राखिएको यो आयोजना दशकमा पनि पुरा नभए पछि अहिले म्याद थप गर्न सिफरिस गरिएको छ ।

नेपाल विद्युत प्राधिकरणले बनाउन लागेको यो आयोजनाको म्याद सात पटक थपिइसकेको छ । अहिले आठौं पटक समय थप्न लागिएको हो । कुलेखानी तेस्रो जलविद्युत आयोजनाका प्रमुख सुभाषकुमार मिश्रले सिभिल निर्माण तर्फको म्याद एक महिना थप्न प्राधिकरणमा सिफारिस गरिएकोे बुधबार नागरिकलाई बताए । ‘सिभिल निर्माणको काम करिव ९९ प्रतिशत पुरा भइसकेको छ,’ उनले भने ।

सिभिलको काम अन्तिम चरणमा भए पनि इलेक्ट्रोमेकानिकलको काम भने भर्खरै ७५ प्रतिशत मात्र पूरा भएको छ । इलेक्ट्रोमेकानिकलले काम पूरा गरे पछि कतिपय काम सिभिलले गर्नुपर्ने भएकाले पनि सिभिलको पाटोलाई बिदा गर्न समस्या परेको आयोजनाका अधिकारी दाबी गर्छन् । यसले गर्दा म्याद थप गरी राख्नु परेको हो ।

सिभिलतर्फको काम चिनियाँ कम्पनी सिनो हाइड्रो कर्पोरेसनले गर्दै आएको छ । इलेक्ट्रो तथा हाइड्रोमेकानिकल चिनियाँ ठेकेदार कम्पनी झेजियाङ जिनलुन इलेक्ट्रोमेकानिकलले अनेक बहाना बनाउँदै काम नगरेका कारण आयोजना निर्माणको काम कछुवा गतिमा भएको मिश्रले बताए ।

‘अझै कहिले आयोजना सम्पन्न हुन्छ भनेर भन्न सकिने अवस्था छैन,’ उनले भने, ‘अझै इलेक्ट्रोमेकानिकलको काम २५ प्रतिशत बाँकी छ ।’प्राधिकरणले इलेक्ट्रोमेकानिकलको ठेकेदारलाई हटाएर नयाँबाट काम गराउन सकेको छैन । ‘नयाँ कम्पनी ल्याएर काम गर्ने अवस्था छैन,’ मिश्रले भने, ‘अहिले गरिरहेकोले पनि काम गरेको छैन ।’

गत सोमबार पनि प्राधिकरणका कार्यकारी निर्देशक कुलमान घिसिङ र इलेक्ट्रोमेकानिकल कम्पनीका उच्च अधिकारीबीच आयोजना निर्माणका विषयमा छलफल भएको थियो । त्यो छलफल पनि फलदायी नभएको प्राधिकरण स्रोतको भनाइ छ ।यो आयोजना निर्माणको काम २०६४ चैतमा सुरु भएको थियो । कुलेखानी पहिलो र दोस्रोबाट निस्केको पानीबाट १४ मेगावाट बिजुली निकाल्ने योजना अनुसार प्राधिकारणले यो आयोजना निर्माण गर्न सुरु भएको थियो ।






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

सलमान खानको नेपाल भ्रमण दोस्रो पटक स्थगित

सलमान खानको नेपाल भ्रमण दोस्रो पटक स्थगित

बलिउड अभिनेता सलमान खानको नेपाल भ्रमण दोस्रो पटक स्थगित भएको छ। आयोजक संस्था ओडीसी इन्टरनेसनलले सामाजिक सञ्जाल फेसबुक मार्फत विशेष...

‘मंगलम्’लाई पाँच अवार्ड

‘मंगलम्’लाई पाँच अवार्ड

डिजिटल मोडलमा बनेका फिल्मलाई प्रोत्साहित गर्न राजधानीमा बिहीबार आयोजना गरिएको १० औं संस्करणको ‘डि सिने अवार्ड २०७५’ फिल्म ‘मंगलम्’ले प्रतिस्पर्धामा...

प्रहरी र अपराधीबीचकोे ‘चक्कर’

प्रहरी र अपराधीबीचकोे ‘चक्कर’

अपराधको विषयबस्तु समेटेर तयार पारिएको फिल्म ‘चक्कर’को ट्रेलर र फस्टलुक सार्वजनिक भएको छ। राजधानीमा बिहीबार फिल्म युनिटले पत्रकारमाझ फस्टलुक र...

एकै स्टेजमा तीन विजेता

एकै स्टेजमा तीन विजेता

एउटै स्टेजमा एकसाथ तीन विजेता छानिने भएका छन्। ग्ल्याम वल्र्ड इन्टरटेनमेन्टले आगामी असार १ गते राजधानीमा आयोजना गर्न लागेको ‘मिस...