प्रदेश ५, ७ र कर्णालीका २२ स्थानीय तहको नाम र केन्द्र परिवर्तन

बुधबार, १६ फागुन २०७४, १८ : ५५ अर्जुन ओली


नेपालगन्ज- संघीय मामिला तथा स्थानीय विकास मन्त्रालयले प्रदेश नम्बर ५, ७ र कर्णाली प्रदेशका २२ वटा नगरपालिका र गाउँपालिकाको केन्द्र, नाम तथा नाम र केन्द्र दुवै हेरफेर गरेको छ। स्थानीय सरकार सञ्चालन ऐन २०७४ को दफा ४ को उपदफा ५ बमोजिम सम्बन्धित गाउँसभा वा नगरसभाको सिफारिसका आधारमा मन्त्रालयले केन्द्र, नाम तथा नाम र केन्द्र दुवै दुबै परिवर्तन गरी नेपाल राजपत्रमा समेत प्रकाशित गरेको हो।

   प्रकाशित राजपत्र अनुसार प्रदेश ५ मा १२, प्रदेश ७ मा ६ र कर्णाली प्रदेशमा ४ वटा स्थानीय तहको केन्द्र, नाम तथा नाम र केन्द्र दुबै परिवर्तन गरिएको छ । प्रदेश ५ मा ९ वटा स्थानीय तहको केन्द्र मात्र हेरफेर गरिएको छ, भने ३ वटाको केन्द्र र नाम दुबै हेरफेर गरिएको पाइएको छ । प्रदेश ७ मा ४ वटाको केन्द्र, १/१ वटा स्थानीय तहको नाम तथा केन्द्र र नाम दुबै हेरफेर गरिएको छ। कर्णाली प्रदेशमा ३ वटाको केन्द्र तथा एक स्थानीय तहको केन्द्र र नाम दुबै हेरफेर गरिएको छ।

    प्रदेश ५ को गुल्मीस्थित छत्रकोट गाउँपालिकाको केन्द्र यसअघि पल्लीकोटमा रहेकोमा छत्रकोट–३ हर्दिनेटाको चाएगामा कायम गरिएको छ । गुल्मीकै धुर्कोट गाउँपालिकाको केन्द्र वडा नम्बर ४ जैसीथोकबाट हाल वडा नम्बर ४ को बर्बोटमा सारिएको छ । नवलपरासी(बर्दघाट सुस्ता पूर्व) बुङदीकाली गाउँपालिकाको नाम बौदीकाल परिवर्तन गरिएको छ, भने केन्द्र डेढगाउँबाट बबकमा सारिएको छ। रुपन्देही स्थित कञ्चन गाउँपालिकाको केन्द्र कञ्चन २ गजेडीबाट वडा नम्बर २ ब्यहोरीमा हेरफेर गरिएको छ। कपिलबस्तुको बुद्धभुमी नगरपालिकाको केन्द्र बुड्ढीबाट वडा नम्बर ४ बुड्ढी प्रतिक्षालय हनुमान चोकमा सरेको छ। अर्घाखाँची पाणिनी गाउँपालिकाको केन्द्र खिदिमबाट दुर्गाफाटमा सारिएको छ।

  रोल्पाको सुर्वणावती गाउँपालिकाको नाम सुनिल स्मृती गाउँपालिका नामाकरण गरिएको छ, भने केन्द्र मिझिङबाट वडा नम्बर ४ सुलिचौरमा स्थानान्तर गरिएको छ। रोल्पाकै सुकिदह गाउँपालिकाको नाम गंगादेव गाउँपालिका र केन्द्र जिनावाङबाट वडा नम्बर ५ सानाडाँडामा कायम गरिएको छ । रुकुम (पूर्वी भाग) को भुमे गाउँपालिकाको केन्द्र साविक मोराबाङ गाविस कार्यालयबाट वडा नम्बर २ खाबाङ बगरमा सरेको छ । दाङ बबई गाउँपालिकाको केन्द्र हंसपुरबाट वडा नम्बर ५ हापुरेमा सरेको छ । बाँकेको राप्तीसोनारी गाउँपालिकाको केन्द्र साविक कचनापुर गाविस कार्यालयबाट वडा नम्बर २ अगैयामा सारिएको छ । बाँकेकै बैजनाथ गाउँपालिकाको केन्द्र बनकटवाबाट वडा नम्बर ५ रामपुरमा कायम गरिएको छ ।

 यस्तै प्रदेश ७ स्थित बाजुराको गौमुल गाउँपालिकाको केन्द्र मानाकोटबाट वडा नम्बर ६ घटमुनालाई तोकिएको छ। बाजुराकै स्वामीकार्तिक गाउँपालिकालाई स्वामीकार्तिक खापर गाउँपालिका नामाकरण गरिएको छ, भने केन्द्र वाईबाट सुइजिउला, वाईमा कायम गरिएको छ । सोही जिल्लाको छेडेदह गाउँपालिकालाई खप्तड छेडेदह गाउँपालिका नामाकरण गरिएको छ ।

 डोटीको सायल गाउँपालिकाको केन्द्र डौडबाट वडा नम्बर ५ दुदिलागडा, ओमनगरमा कायम गरिएको छ। डडेलधुराको नवदुर्गा गाउँपालिकाको केन्द्र मणिलेक २ बाट सपल्ला बान्चोरामा र बैतडीको सिगास गाउँपालिकाको केन्द्र साविक शिवलिंग गाविस कार्यालयबाट गर्जेमा सारिएको छ ।

  यसैगरी कर्णाली प्रदेशस्थित दैलेख महावु गाउँपालिकाको केन्द्र रानीवनबाट वडा नम्बर ४ गौडावाजमा सरेको छ। जाजरकोटको बारेकोट गाउँपालिकाको केन्द्र नायकवाडाबाट वडा नम्बर २ लिम्सामा सारिएको छ । डोल्पाको ठूलोभेरी नगरपालिकाको केन्द्र वडा नम्बर ३ दुनैबाट जुफालमा कायम गरिएको छ । कालिकोटको कालिका गाउँपालिकाको नाम शुभकालिका नामाकरण गरिएको छ, भने केन्द्र सुकाटियाबाट कालेखोलादेखी सुकाटिया डाँडासम्म कायम गरिएको छ। नगरपालिका र गाउँपालिकाको सभाले यसअघि सिफारिस गरेपनि मन्त्रालयले हालै राजपत्रमा प्रकाशित गरेको हो।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

तम्सिए निर्माता, तर्सिए हलवाला : अर्को सिन्डिकेट तोड्दै सरकार

तम्सिए निर्माता, तर्सिए हलवाला : अर्को सिन्डिकेट तोड्दै सरकार

सरकार बक्सअफिस लागू गर्ने पक्षमा छ । उता हलवालाहरु जुनसुकै हालतमा बक्सअफिस रोक्ने पक्षमा छन् । यता निर्माता संघ आन्दोलनको...

धेरै सफल, थोरै असफल

धेरै सफल, थोरै असफल

राजधानीमा जारी राष्ट्रिय कला प्रदर्शनीले यतिबेला मिश्रित चर्चा पाइरहेको छ । नेपाल कलापरिषदमा जारी कला प्रदर्शनीमा राम्रा पक्षहरूको पारखीहरूले प्रशंसा...

भूकम्पको असर देखाउने ‘द डार्कनेस बेकन’

भूकम्पको असर देखाउने ‘द डार्कनेस बेकन’

तीन वर्ष अघिको बिनाशकारी भूकम्पपछि सिन्धुपाल्चोककी एक बालिकाको जीवनमा आएको उतारचढावलाई प्रमुख विषय बनाएर निर्माण गरिएको फिल्म ‘द डार्कनेस बेकन’को...

सर्वनाममा ‘परिवन्द’

सर्वनाममा ‘परिवन्द’

राजधानीको कालिकास्थानमा रहेको सर्वनाम नाटकघरमा हाल नाटक ‘परिवन्द’ धमाधम मञ्चन भईरहेको छ । नेपालको पूर्वी पहाडको ग्रामीण भेगको कथा प्रस्तुत...