फान अवार्ड २०७३

२० विधामा ‘छक्का पन्जा’

बिहिबार, ०८ चैत २०७४, ०९ : ५० नागरिक


काठमाडौं– गत वर्ष २०७३ को हिट फिल्म ‘छक्का पन्जा’को सिक्वेल ‘छक्का पन्जा २’ नै प्रदर्शन भएको वर्ष दिन पुग्न लागेको छ । फिल्मका निर्माता दीपकराज गिरी र दीपाश्री निरौला आउँदो महिनाबाट तेस्रो शृंखलाको पनि सुटिङ गर्दैछन् । ‘छक्का पञ्जा’कै अवार्ड वितरणमा चित्त नबुझेर कलाकार तथा निर्माता दीपकराज गिरीले अवार्ड कार्यक्रम नै बहिष्कार गर्ने घोषणा गरेर अवार्ड कार्यक्रममा देखिन छाडेका छन् । तर, समयमै अवार्ड गर्ने भन्दैै अवार्ड बाँड्न सुरु गरेको कलाकारसंघले नयाँ अवार्ड वितरण गर्ने समयमा लगभग तीन वर्ष पुराना फिल्मलाई अवार्ड वितरण गर्ने घोषणा गर्दै मनोनयन सार्वजनिक गरेको छ । संघले बुधबार विभिन्न विधामा मनोनयन सार्वजनिक गरेको हो ।आगामी चैत्र १६ गते राजधानीमा नेपाल चलचित्र कलाकार संघले आयोजना गर्न लागेको ‘दोस्रो फान अवार्ड’मा यो फिल्म २४ विधामध्ये ‘छक्का पञ्जा’ २० विधाको मनोनयनमा परेको छ । मनोनयनका २० विधामा २२ कलाकार तथा प्राविधिक मनोनित छन्।

सार्वजनिक मनोनयनअनुसार दीपाश्रीको डेब्यु निर्देशित फिल्म कथा, पटकथा, संवाद, द्वन्द्व, सम्पादन, छायांकन, नवनिर्देशन, चरित्र अभिनेत्री, सह–अभिनेता (दुई), सह–अभिनेत्री, खलपात्र, हास्य कलाकार (दुई), अभिनेता, अभिनेत्री, चलचित्र, गीतकार, गायक, गायिका, संगीतकार र नृत्य निर्देशक विधाको मनोनयनमा परेको हो। यो मनोनयनमा फिल्मका प्रमुख कलाकार दीपकराज गिरी अभिनेता तथा खलपात्र दुवै विधाको मनोनयनमा छन्।

२०७४ सालकै अवार्ड बाँड्नका लागि थोरै दिन मात्र बाँकी रहँदा कलाकार संघले २०७२ सालमा प्रदर्शन भएका फिल्मलाई अवार्ड दिन लागेको हो । संघले २४ विधामा अवार्ड वितरण गर्ने गरी संघले सुरु गरेको अवार्डको यो दोस्रो संस्करण हो । 

त्यस्तै, प्रदीप भट्टराईको डेब्यु निर्देशन रहेको फिल्म ‘जात्रा’ र निश्चल बस्नेत निर्देशित फिल्म ‘लुट २’ समान १२ विधाको मनोनयनमा परेका छन् । फिल्म ‘जात्रा’ चलचित्र, अभिनेत्री, अभिनेता, हास्य कलाकार, खलपात्र, सहअभिनेता, चरित्र अभिनेता, नवनिर्देशक, सम्पादन, संवाद, पटकथा र कथा विधाको मनोनयनमा परेको छ । त्यस्तै फिल्म ‘लुट २’ चलचित्र, नृत्य निर्देशक, संगीतकार, गायिका, निर्देशक, हास्य कलाकार, खलपात्र, छायांकन, सम्पादन, द्वन्द्व निर्देशन, पटकथा र संवाद विधाको मनोनयनमा परेको छ।

त्यस्तै, हेमराज बिसी निर्देशित फिल्म ‘गाजलु’ कथा, संवाद, सम्पादन, छायांकन, नवनायिका, सहअभिनेता, सहअभिनेत्री, निर्देशक, चलचित्र विधा गरी ९ विधाको मनोनयनमा परेको छ । यस्तै आकाश अधिकारी निर्देशित फिल्म ‘के म तिम्रो होइन र’ द्वन्द्व, चरित्र अभिनेत्री, नवनायक, नवनायिका, सहअभिनेत्री, निर्देशक, गायक र चलचित्र विधा गरी ८ विधाको मनोनयनमा परेको छ।

त्यस्तै, रामबाबु गुरुङ निर्देशित ‘पुरानो डुंगा’ कथा, पटकथा, संवाद, छायांकन, चरित्र अभिनेता, अभिनेता, निर्देशक, गायक गरी ७ विधामा मनोनित भएको छ । यस्तै नरेशकुमार केसी निर्देशित ‘डाइङ क्यान्डल’ कथा, पटकथा, सम्पादन, छायांकन, नवनिर्देशक, अभिनेत्री गरी ६ विधाको मनोनयनमा परेको छ।

कार्यक्रममा अभिनेता नीर शाहले फिल्मले दर्शकलाई एकताबद्ध बनाउने कथामा जोड दिनुपर्ने बताए। ‘मुलुक प्रादेशिक स्वरुपमा अघि बढिसकेको छ । प्रदेशमा सरकारसँगै संसदीय अभ्यास पनि सुरु भइसकेको छ । यो अवस्थामा फिल्ममेकरले पूर्वको संस्कृति पश्चिमलाई र पश्चिमको संस्कृति पूर्वलाई मनपर्ने किसिमको फिल्म दर्शकलाई दिन आवश्यक छ,’ नीरले भने, ‘अब नेपाली फिल्मलाई अन्तर्राष्ट्रिय बजारमा अझ व्यापक रुपमा लैजानका लागि फिल्मकर्मीबीच सहकार्यको आवश्यकता देखिरहेको छु।’

संघका अध्यक्ष रामकेशर बोगटीले २०७३ सालमा सार्वजनिक प्रदर्शनमा आएका ८८ फिल्ममध्ये ७ सदस्यीय प्रारम्भिक चलचित्र छनौट सिफारिस समितिले छनौट गरेका फिल्महरु निर्णायक समितिले अवलोकन गरी मनोनयन सार्वजनिक गरेको बताए । कार्यक्रममा मनोनयनमा परेका कलाकार तथा प्राविधिकलाई मनोनयनपत्र प्रदान गरिएको थियो।






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

अक्षय कुमार घाइते

अक्षय कुमार घाइते

बलिउड अभिनेता अक्षय कुमार घाइते भएका छन्। फिल्म ‘केसरी’को एक्सन सीनको शुटिङ्गका क्रममा उनी घाइते भएको भारतीय सञ्चारमाध्यमले जनाएका छन्।...

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशक सौगात विष्टले निर्देशन गरेको फिल्म हैरानको टिजर सार्वजनिक भएको छ । मुक्ति घले र श्रृष्टी घिमिरेको संयुक्त...

साउदीमा पहिलो पटक फेशन शो, दर्शक महिलामात्र

साउदीमा पहिलो पटक फेशन शो, दर्शक महिलामात्र

साउदी अरेबियामा पहिलोपटक फेशन शो भएको छ। साउदीको रियादमा सम्पन्न उक्त फेशन शोमा दर्शक भने महिलाहरूमात्र थिए।  उक्त फेसन शोमा सहभागी...

लिलि बिली : हिन्दी फिल्मको जोडजाड

लिलि बिली : हिन्दी फिल्मको जोडजाड

स्कटल्यान्ड तपाईंको ‘ड्रिम कन्ट्री’ हो र पर्दामै भए पनि त्यहाँका दृश्य देख्दा तपाईंको मन रमाउँछ भने ‘लिलि बिली’ हेर्नु राम्रै...