एन्फा निर्वाचन रोक्न अदालतको आदेश

बिहिबार, ०८ चैत २०७४, २० : ०५ नागरिक


काठमाडौं– अर्को हप्ता हुने तय भएको अखिल नेपाल फुटबल संघ (एन्फा) को निर्वाचन रोक्न ललितपुर उच्च अदालतले बिहीबार अन्तरिम आदेश जारी गरेको छ। 

भक्तपुर जिल्ला फुटबल संघको अपिलका आधारमा न्यायाधिश राजकुमार बनको एकल इजलासले तत्कालका लागि निर्वाचन रोक्दै १५ दिनभित्र दुवै पक्षलाई अदालतमा उपस्थित हुन आदेश जारी गरेको छ। भक्तपुरसँगै मकवानपुर जिल्ला फुटबल संघले पनि आफूलाई सहभागी नगराई साधारणसभा गर्न लागेको भन्दै उजुरी दिएका थिए। 

भक्तपुरमा चुनाव भएको तथा मकवानपुरको चुनाव निर्वाचन निर्देशिकाअनुसार नभएको भन्दै एन्फाले दुई जिल्लालाई समावेश नगरी मतदाता सुची सार्वजनिक गरेको थियो। 

भक्तपुरमा स्थानीय क्लबहरुले आफूहरुलाई समावेश नगरी नेतृत्वले कोठे निर्वाचन गर्न खोजेको भन्दै मुद्धा दायर गरेपछि जिल्ला अदालतले सबैलाई समावेश गरेरमात्र चुनाव गर्नु भन्दै अन्तरिम आदेश जारी गरेको थियो। जसका कारण पुस १७ मा हुने तय भएको भक्तपुर जिल्ला फुटबल संघको चुनाव हुन सकेको छैन। पुस १७ को चुनावलाई संघ आफैले माघ ५ का लागि सारेको थियो। तर क्लबहरुको उजुरीका आधारमा जिल्ला अदालतले माघ ३ गते अन्तरिम आदेश जारी गरेपछि चुनाव प्रभावित भएको थियो।

यसैगरी एन्फाका केन्द्रिय प्रतिनिधिको अनुपस्थितीमा भएको भन्दै मकवानपुरको निर्वाचनलाई एन्फाले मान्यता दिएको थिएन। माघ ४ मा निर्वाचनको मिति तय भएकोमा मकवानपुर जिल्ला फुटबल संघका तत्कालिन अध्यक्ष राजेन्द्र श्रेष्ठले सुचना टाँस गरी निर्वाचन हुन नसक्ने भनेर साधारणसभा रद्ध गरेका थिए। केन्द्रिय प्रतिनिधि एन्फाका वरिष्ठ उपाध्यक्ष मणि कुँवर फर्किएपछि निर्वाचन भएको भन्दै श्रेष्ठले टिका लामाको अध्यक्षतामा नयाँ कार्यसमिति घोषणा गरेको भन्दै एन्फाले मकवानपुरलाई मान्यता दिएको थिएन। 

‘भक्तपुरको हकमा अदालतले चुनाव रोक्नु भनेपछि हामीले गराउन सकेनौं। मकवानपुरमा चाँही अध्यक्ष राजेन्द्र श्रेष्ठले आफूखुसी निर्णय गर्दै केन्द्रिय प्रतिनिधिको अनुपस्थितीमा प्राविधिक निर्वाचन गरेकाले मान्यता दिन सकिएन। जिल्ला निर्वाचन निर्देशिका अनुसार कुनै पनि जिल्लाको निर्वाचन हुन केन्द्रिय प्रतिनिधिको उपस्थिती अनिवार्य हुन्छ,’ एन्फाका प्रवक्ता सञ्जिव मिश्रले भने। 

आगामी चार वर्षे कार्यकालका लागि चैत १४ गते हुने तय भएको निर्वाचनमा संस्थापन पक्षबाट कुँवर तथा विद्रोही पक्षका तर्फबाट कर्माछिरिङ शेर्पाको नेतृत्वमा प्यानल घोषणा गरेर उम्मेदवारी दिइएको थियो। 

भक्तपुर जिल्ला फुटबल संघका अध्यक्ष गौतम सुखजु कुँवर पक्षका हुन् भने मकवानपुरका लामा शेर्पा पक्षका हुन्।
भक्तपुरका अध्यक्ष सुखजुले केन्द्रमा मतदान गर्न पाउने अधिकारबाट आफूलाई बञ्चित गरिएपछि अदालतको शरण परेको बताए। ‘मलाई केन्द्रमा भोट हाल्न नदिने षणयन्त्र भयो। त्यसैको विरुद्ध अदालत गएको हुँ,’ सुखजुले भने, ‘नियमावलीअनुसार क्राइटेरियामा नपर्ने तीनवटा क्लबले भक्तपुर जिल्ला अदालतमा मुद्धा हाल्यो। अदालतले राम्रो निर्णय गर्न खोजे पनि क्लबका भाइहरुले तारिक लिन नआउने गरेर मुघा लम्बाउन खोज्नुभयो। उहाँहरुमा मलाई केन्द्रमा जानबाट रोक्नेमात्र उद्देश्य देखियो। त्यसकारण मैले मुद्धा हालेको हो।’

एन्फा अध्यक्ष नरेन्द्र श्रेष्ठले शुक्रबार कानुनी सल्लाहकारहरुसँगको छलफलपछिमात्र आसन्न निर्वाचनवारे प्रतिक्रिया दिन सक्ने बताए। ‘अदालतबाट अन्तरिम आदेश भएको सुनेँ। मैले मेरा वकिलसँग कुरा गर्दा भोली निर्णयको लिखित कपी आउँछ रे। त्यसपछि उहाँहरुसँग सल्लाह गरेर उचित निर्णय लिनेछौं,’ श्रेष्ठले भने।

यसैगरी आ–आफ्नो प्यानलका साथ निर्वाचनमा उत्रिएका उम्मेदवारहरुले पनि निर्णय हेरेपछिमात्र प्रतिक्रिया दिन सकिने बताए।

वर्तमान वरिष्ठ उपाध्यक्ष एवं अध्यक्ष पदका उम्मेदवार कुँवरले फिफा (अन्तर्राष्ट्रिय फुटबल महासंघ), एएफसी (एसियाली फुटबल महासंघ) र राखेप (राष्ट्रिय खेलकुद परिषद) को निर्देशनअनुसार चल्ने बताए। ‘अदालतको निर्णय मैले हेर्न पाएको छैन। निर्णय हेरौं, त्यसपछि फिफा, एएफसी, राखेप र वकिलहरुले के भन्छन् त्यहीअनुसार एन्फाले निर्णय गर्नुपर्छ,’ कुँवरले भने, ‘उम्मेदवारको नाताले भन्दा चाँही निर्धारित समयमा निर्वाचन भएन भने झन अन्योल हुन्छ। समयमा भएको भए त्यसले एउटा निकास दिन्थ्यो।’

अध्यक्ष पदका अर्का उम्मेदवार शेर्पाले भने, ‘मैले पनि उच्च अदालतबाट अन्तरिम आदेश जारी भएको भन्ने सुने। तर त्यसवारेमा मलाई केही पनि थाहा छैन। कागजपत्र मैले देखेको पनि छैन। फेसबुकमा आएको भरमा थाहा पाएको हो। भोली निर्णय हेरेपछि प्रतिक्रिया दिन सकिने भयो।’  






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

महाभूकम्पबारे पत्रकार पन्थीको पुस्तक 'कम्पन'

महाभूकम्पबारे पत्रकार पन्थीको पुस्तक 'कम्पन'

पत्रकार किशोर पन्थीले महाभूकम्प २०७२ का घटना समेटिएको आफ्नो पुस्तक 'कम्पन' ल्याएका छन्। पुस्तकमा भूकम्प पीडित, भूकम्पमा परेर जीवित र...

साहित्यकार प्रधानको निधन

साहित्यकार शिवकुमार प्रधानको निधन भएको छ। ८३ वर्षीय प्रधानको गएराति बागलुङस्थित घरमै निधन भएको हो।  प्रधान नेपाली, संस्कृत र अङ्ग्रेजी...

स्टेज सोको शोषण : आयोजकको नियतै खराब

स्टेज सोको शोषण : आयोजकको नियतै खराब

धेरैजसो कलाकारको दालभात अहिले स्टेज कार्यक्रममा निर्भर छ । यही दालभातको प्रलोभनमा पर्दा आर्थिकदेखि शारीरिक शोषणसम्म भोगिरहेका छन्, कलाकार ।...

युवतीको राेजाइ जम्पसुट

युवतीको राेजाइ जम्पसुट

गर्मीसँगै विभिन्न थरि जम्पसुटमा ठाँटिनेहरू बढ्दैछन् । स्ट्राभ स्लिभलेस, इनर एट्याच, सिफन, चेकको कपडा, स्ट्रेचेबल फेब्रिकका कपडाको जम्पसुटले बजारका स्टोरहरू...