चार श्रीमतीका धनी

आइतबार, ०२ बैशाख २०७५, १९ : ५१ प्रकाश जंग थापा


एक जना राजाका चार श्रीमती थिए । सबैलाई उनी पे्रम गर्थे । एक दिन अचानक बिरामी भए । दिनहरु बित्दै गए तर उनी स्वस्थ हुन सकेनन् । दिनदिनै उनको स्वास्थ्यस्थिति खस्कँदै गयो । निको हुने छाँट देखिएन । विभिन्न औषधि उपचार गरिँदा पनि स्वास्थ्यमा कुनै सुधार आएन । लामो समय सम्मको सिकिस्त बिरामीले उनलाई गलायो । आफू मृत्यु नजिक पुगेको महसुस गरे । मृत्युलाई आत्मसात गरे पनि उनलाई एउटा कुराले पिरोल्न थाल्यो । मृत्यु पछिको जीवनमा आफू एक्ले पर्छु कि भन्ने डर उनमा पैदा भयो । उनी मृत्युउपरान्त पनि आफ्ना श्रीमतीको साथ चाहन्थे ।

राजाको जस्तै हाम्रो पनि चार वटी श्रीमती हुन्छन् । चौथी श्रीमती हाम्रो शरीर हो । हाम्रो मृत्युपछि शरीर माटोमा विलिन हुन्छ र हामीसँगै जान सक्दैन । तेस्री पत्नी हामीले कमाएको धन सम्पत्ति हो । मृत्युपश्चात् बाँडफाँड गरिन्छ । त्यसकारण तेस्रो पत्नीले राजाको मृत्युपछि अर्को बिहे गर्छु भनेकी हुन् । दोस्री पत्नी भनेको हाम्रो साथीभाइ र परिवार हुन् । हाम्रो मृत्युपछिको मलामी यिनीहरु नै हुन् ।

एक दिन राजाले आफ्नी चौथी पत्नीलाई बोलाएर सोधे, ‘म मर्ने बेला भयो, मृत्युपछि पनि मलाई तिम्रो साथ चाहिएको छ । के तिमी मसँगै मृत्युवरण गर्छौ ?’ राजा चौथी पत्नीलाई औधि प्रेम गथ्र्यो । संसारभर पाइने सबै उपहार उसैका नाममा राजाले गरिदिएका  थिए । विभिन्न आकर्षक लुगा र गहनाले सजाएका थिए । त्यसैले उनमा चौथी पत्नीप्रति मृत्युपरान्त पनि निकै भरोसा थियो । तर चौथी पत्नीले राजाको आग्रह ठाडै अस्वीकार गरिन्, भनिन्, ‘माफ गर्नु होला । मबाट त्यो काम हुन सक्तैन । मेरो उमेर अझै पनि लाउलाउँ–खाउँखाउँकै छ । त्यसैले तपाईंसँगै आगोमा पोलिन म तयार छैन ।’
त्यसपछि राजाले तेस्री पत्नीलाई आफ्नो इच्छा राखे । तेस्री पत्नीप्रति उनको सम्मान थियो । राजकीय भ्रमणमा उनी छुट्दिन थिइन् । उनीसँगै यात्रामा रहँदा राजा निकै गर्व गर्थे । उनले तेस्री पत्नीलाई भने, ‘के तिमी मसँगै  मृत्युवरण गर्न राजी छौ ? म मृत्युपछिको जीवनमा एक्लो हुन चाहन्न । साथ दिन तयार छौ ?’

राजाको आग्रहले उनी चकित भइन् र भनिन्, ‘मलाई माफ गर्नु होला । म मेरो जीवनलाई प्रेम गर्छु । मलाई तपाईंसँग सती जान कुनै सोख छैन । म तपाईंको मृत्युपछि अर्को विवाह गरेर नयाँ जीवनको सुरुवात गर्नेछु ।’

तेस्री पत्नीबाट पनि सकारात्मक सङ्केत नआएपछि राजाले आफ्नो चाहना दोस्री पत्नीसँग राख्ने निधो गरे । उनले दोस्री पत्नीलाई विशेष जोड दिँदै भने, ‘तिमी मसँगै हिँड, मृत्युपछि म एक्लै हुन्छु । मलाई तिम्रो साथ चाहिन्छ ।’ दोस्री पत्नीलाई राजाको यस्तो अनुरोध स्वीकार्य थिएन । उनले भनिन्, ‘म तपाईँको जीवनभर सेवामा हाजिर भएँ । सुख दुःखमा साथ दिएँ तर तपाईंसँगै मृत्युवरण गर्ने कुरामा म सहमत हुन सक्दिनँ । एउटा काम भने गर्न सक्छु, तपाईंको मृत शरीरको दाहसंस्कारको विशेष व्यवस्था मिलाउँछु । मानिसले युगयुगसम्म तपाईंको दाहसंस्कार स्मरण गर्नेछन् । मेरो तर्फबाट हुन सक्ने भनेको यत्ति हो ।’

दोस्री पत्नीबाट पनि निराशा नै हात परेपछि राजा निकै दुःखी भए । त्यही बेला एउटा आवाज आउँछ, ‘म दिन्छु तपाईंलाई साथ । तपाईं बाँचुञ्जेलसँगै हुन नपाए पनि तपाईंको मृत्युपछिको जीवनमा म सँगै हुनेछु । मेरालागि त्यही ठूलो आत्मसन्तोषको कुरा हुनेछ । म तपाईंसँगै मृत्युवरण गर्न राजी छु ।’ यो आवाज पहिलो श्रीमतीको थियो । पहिलो पत्नीको यति ठूलो महानता र समर्पण देखेर राजा लज्जित भए । आफूले पहिलो श्रीमतीप्रति वर्षौंदेखि गरिरहेको अन्याय महसुस गरे । उनलाई हेर्दै राजाले भने, ‘मलाई माफ गरिदेऊ । मैले तिम्रो पे्रम बुझ्न सकिनँ । तिमीलाई मैले त्यति धेरै ख्याल र प्रेम दिन सकिनँ । म बाचुञ्जेल तिमीलाई नै प्रेम दिएको भए जीवन अर्थपूर्ण हुने थियो ।’

यस कथामा राजाको जस्तै हाम्रो पनि चार वटी श्रीमती हुन्छन् । चौथी श्रीमती हाम्रो शरीर हो । हाम्रो मृत्युपछि शरीर माटोमा विलिन हुन्छ र हामीसँगै जान सक्दैन । तेस्री पत्नी हामीले कमाएको धन सम्पत्ति हो । मृत्युपश्चात् बाँडफाँड गरिन्छ । त्यसकारण तेस्रो पत्नीले राजाको मृत्युपछि अर्को बिहे गर्छु भनेकी हुन् । दोस्री पत्नी भनेको हाम्रो साथीभाइ र परिवार हुन् । हाम्रो मृत्युपछिको मलामी यिनीहरु नै हुन् ।

यद्यपि यिनीहरु हाम्रो मृत्युपछिको जीवनमा सँगै हुन सक्दैनन् । अझ यसो भनौँ, हामीसँगै मृत्युवरण गर्न राजी हुँदैनन् । अन्त्यमा पहिलो पत्नी भनेको हाम्रो आत्मा हो । आत्मा अमर हुन्छ र हरदम हाम्रै साथ रहन्छ । त्यसैले आफ्नो शरीरको ख्याल गरौँ । शरीर स्वस्थ राखौँ । हामीले पाएका सुखसुविधाको भरपुर सदुपयोग गरौँ । कहिल्यै घमण्ड नगरौँ । हाम्रा साथीभाइ र परिवारलाई पनि सम्मान गरौं । उनीहरुसँग समय बिताऊँ । सहयोग आदान प्रदान गर्ने गरौँ । अन्ततः हामीले सबैभन्दा कम ख्याल गर्ने भनेको आत्मा नै हो । आफ्नो आत्मालाई अधिकतम ख्याल गर्न कहिल्यै नभुलौंँ । यसको लागि गर्ने के ? आफ्नो लागि समय छुट्याऊँ । एकान्त ठाउँमा ध्यान गरौँ । यसले आत्मालाई स्वच्छ र थप मजबुत राख्न मद्दत गर्छ । आत्मा नै हाम्रो विश्वासिलो साथी हो । सन्तुलित राख्न सके मृत्युपछि हाम्रो आत्मा भड्किने छैन । शुक्रवार साप्ताहिकबाट






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

अक्षय कुमार घाइते

अक्षय कुमार घाइते

बलिउड अभिनेता अक्षय कुमार घाइते भएका छन्। फिल्म ‘केसरी’को एक्सन सीनको शुटिङ्गका क्रममा उनी घाइते भएको भारतीय सञ्चारमाध्यमले जनाएका छन्।...

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशक सौगात विष्टले निर्देशन गरेको फिल्म हैरानको टिजर सार्वजनिक भएको छ । मुक्ति घले र श्रृष्टी घिमिरेको संयुक्त...

साउदीमा पहिलो पटक फेशन शो, दर्शक महिलामात्र

साउदीमा पहिलो पटक फेशन शो, दर्शक महिलामात्र

साउदी अरेबियामा पहिलोपटक फेशन शो भएको छ। साउदीको रियादमा सम्पन्न उक्त फेशन शोमा दर्शक भने महिलाहरूमात्र थिए।  उक्त फेसन शोमा सहभागी...

लिलि बिली : हिन्दी फिल्मको जोडजाड

लिलि बिली : हिन्दी फिल्मको जोडजाड

स्कटल्यान्ड तपाईंको ‘ड्रिम कन्ट्री’ हो र पर्दामै भए पनि त्यहाँका दृश्य देख्दा तपाईंको मन रमाउँछ भने ‘लिलि बिली’ हेर्नु राम्रै...