पराजुलीको पेन्सनपट्टा बनेन

मङ्गलबार, ०४ बैशाख २०७५, ०७ : ३१ नागरिक


काठमाडौं – पूर्वप्रधानन्यायाधीश गोपाल पराजुलीको अवकाश मितिमा विवाद हुँदा पेन्सन पट्टा बन्न सकेको छैन। दुईवटा जन्ममितिमा विवाद देखिएपछि उनको अवकास मिति दुईवटा हुँदा पेन्सन पट्टा तयार पार्ने निजामती किताबखाना अलमलमा देखिएको हो।

पराजुलीले चैत २ देखि लागू हुनेगरी पेन्सन पट्टा पाउनुपर्ने दाबी गर्दै किताबखानामा निवेदन दिएका थिए। न्यायपरिषद्बाट पठाइएको विवरणअनुसार पराजुलीको अवधि २०७४ साउन २१ सम्म रहेको उल्लेख छ।

दुइतर्फबाट फरक–फरक विवरण पठाइएकाले कुन मितिमा बनाउने भन्ने निक्र्यौलका लागि किताबखानाले कारण सोधेको छ। नागरिकता र शैक्षिक प्रमाणपत्रमा समेत जन्ममिति फरक–फरक लेखिएका कारण पराजुली प्रधानन्यायाधीश पदमा विवादित बनेका थिए। पराजुलीको हठका कारण उनी अवकाश भएको मितिभन्दा सातमहिना बढी प्रधान न्यायाधीश पदमा बसेका थिए।

नागरिकता, शैक्षिक प्रमाणपत्रमा जन्ममिति सम्बन्धि विवादमा मुछिएका पूर्व प्रधान न्याायधीश गोपाल पराजुलीलाई न्याय परिषद्का सचिव नृपध्वज निरौलाले सात महिना अगावै पदावधि सकिएको २०७४ फागुन ३० जानकारी गराएपछि पदमुक्त भएका थिए।

न्यायपरिषद्ले पठाएको अवकाशको मिति सात महिना अघि भएको भन्दै पत्र पठाएपछि उनले पराजुलीले चैत १ मा राजिनामा दिएका थिए।‘पदमुक्त’को पत्र प्राप्त भएपछि अर्कोदिन राष्ट्रपति समक्ष राजिनामा पेस गरेका हुन्।

न्यायाधीशहरुको सम्पूर्ण व्यक्तिगत विवरण राख्ने न्यायपरिषद्ले पराजुलीको उमेर गत साउन २१ सम्म रहेको स्पष्ट गरिसकेको छ। किताबखाना स्रोतका अनुसार सर्वोच्चको र न्यायपरिषद्को विवरण फरक परेका कारण कारण सोधिएको छ।

‘के कारणले दुईथरि मिति हुन गयो? लेख्न झुक्किनुभएको त होइन!’ हामीले कारण सोधेका छौं, ‘कारण आएपछि हामी छलफल गर्छाैं’ किताबखाना स्रोतले भन्यो। दुवै तर्फको जवाफ सोमबारसम्म किताबखानाले पाउन सकेको छैन। जवाफपछि किताबखानाले पराजुलीलाई कुन मितिदेखि निवृत्तीभरण दिने भन्ने निर्णय गरिने बताएको छ।






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

अक्षय कुमार घाइते

अक्षय कुमार घाइते

बलिउड अभिनेता अक्षय कुमार घाइते भएका छन्। फिल्म ‘केसरी’को एक्सन सीनको शुटिङ्गका क्रममा उनी घाइते भएको भारतीय सञ्चारमाध्यमले जनाएका छन्।...

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशक सौगात विष्टले निर्देशन गरेको फिल्म हैरानको टिजर सार्वजनिक भएको छ । मुक्ति घले र श्रृष्टी घिमिरेको संयुक्त...

साउदीमा पहिलो पटक फेशन शो, दर्शक महिलामात्र

साउदीमा पहिलो पटक फेशन शो, दर्शक महिलामात्र

साउदी अरेबियामा पहिलोपटक फेशन शो भएको छ। साउदीको रियादमा सम्पन्न उक्त फेशन शोमा दर्शक भने महिलाहरूमात्र थिए।  उक्त फेसन शोमा सहभागी...

लिलि बिली : हिन्दी फिल्मको जोडजाड

लिलि बिली : हिन्दी फिल्मको जोडजाड

स्कटल्यान्ड तपाईंको ‘ड्रिम कन्ट्री’ हो र पर्दामै भए पनि त्यहाँका दृश्य देख्दा तपाईंको मन रमाउँछ भने ‘लिलि बिली’ हेर्नु राम्रै...