चाम्लिङको अलिखित लोककथा संकलन

मङ्गलबार, ०४ बैशाख २०७५, ०८ : ५४ नागरिक


खोटाङ– खोटाङमा चाम्लिङ सम्बन्धी अलिखित लोककथा संकलन गरिएको छ । भाषा आयोगले गत विहीबार दिक्तेलमा ‘प्राज्ञिक तथा सिर्जनात्मक कार्यक्रम लोकवार्ता संकलन तथा अभिलेख’ विषयक कार्यक्रम गरेर जनजिब्रोमा रहेका तर हालसम्म नलेखिएका चाम्लिङ भाषाका लोककथा संकलन गरेको हो।

चाम्लिङसम्बन्धी लोककथा संरक्षण र सम्वर्द्धनका लागि भाषा आयोगले किरात राई चाम्लिङ खाम्बातिमको संयोजन एवं दिक्तेल रुपाकोट मझुवागढी नगरपालिकाको सहकार्यमा कार्यस्थलमै पुगेर जानकार व्यक्तिबाट लोककथा संकलनको काम गरेको हो।

हालसम्म नलेखिएका चाम्लिङ संस्कार, संस्कृति, भूगोलसम्बन्धी लोककथा संरक्षणका लागि चाम्लिङ भाषा जान्ने स्थानीयबाटै चाम्लिङ भाषाका लोककथा संकलन गरिएको भाषा आयोगका उपसचिव लोकबहादुर लोप्चनले बताए । दिक्तेल रुपाकोट मझुवागढी नगरपालिकाको सभाहलमा आयोजित प्राज्ञिक तथा सिर्जनात्मक कार्यक्रममा जिल्लाका युवादेखि बुढापाकाले चाम्लिङ जाति सम्बन्धी लोककथा चाम्लिङ भाषामै सुनाएका थिए।

कार्यक्रमका माध्यमबाट चाम्लिङ भाषाका अलिखित २० वटा लोककथा संकलन गरिएको भाषा आयोगले जनाएको छ । कतिपयले लेखेर लोककथा सुनाएका थिए भने कतिपयले मौखिक रुपमा सुनाएका थिए । चाम्लिङ जाति सम्बन्धी लोककथा रेडर्क गरेर चाम्लिङ र खस दुवै भाषामा पुस्तकका रुपमा प्रकाशन गरिने जनाइएको छ।

हालसम्म नलेखिएका पुस्तौंदेखि भनिँदै आए पनि अभिलेख अभावमा चाम्लिङ भाषाका लोककथा लोपोन्मुख भएकाले संरक्षणमा ढिलाइ गर्न नहुने चाम्लिङ भाषाविज्ञ एवं लेखक तिलक चाम्लिङले बताए । ‘चाम्लिङ सम्बन्धी धेरै कथाहरु सुन्न पाइन्छन् । तर ती लोककथा कतै लेखिएका छैनन् । पढ्न पाइँदैन,’ ‘सितिमी’ मासिकका सम्पादक चाम्लिङले भने, ‘यस अभियानले चाम्लिङ भाषाको संरक्षणमा टेवा पुग्छ।’ विभिन्न भाषाभाषीको संरक्षणका लागि नगरपालिकाले प्राथमिकताका साथ काम गरिरहेको दिक्तेल रुपाकोट मझुवागढी नगरपालिकाका मेयर दिपनारायण रिजालले बताए।

 






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

‘शत्रु गते’ र ‘लिलीबिली’को भिडन्त

‘शत्रु गते’ र ‘लिलीबिली’को भिडन्त

निर्देशक प्रदिप भट्टराई निर्देशित फिल्म ‘शत्रु गते’ एनएफडीसी पुरस्कारको सर्वाधिक ८ विधामा मनोनयन भएको छ। ...

मनीषाले सार्वजनिक गरिन्‘मिसिगन ब्लुज’

मनीषाले सार्वजनिक गरिन्‘मिसिगन ब्लुज’

अभिनेत्री मनीषा कोइरालाले लेखक अरुण शर्माको उपन्यास ‘मिसिगन ब्लुज’को लोकार्पण गरेकी छिन्। ...

ज्योति कविता वाचन

कविता वाचनको श्रृंखला ‘ज्योति कविचा वाचन’मा आधा दर्जन कविले कविता सुनाएका छन्। ...

दीपिकालाई रिप्लेस गर्दै आलिया

दीपिकालाई रिप्लेस गर्दै आलिया

छोटो समयमै धाँशु अभिनयको बलले निर्देशकको रोजाइमा पर्दै आएकी अािलया अब सञ्जयलिला भन्सालीको नजरमा परेकी छिन्। ...