आर्थिक वृद्धि ४.६ प्रतिशत यथावत

बिहिबार, ०६ बैशाख २०७५, ०७ : १४ नागरिक


काठमाडौं – विश्व बैंकले चालु आर्थिक वर्षमा नेपालको आर्थिक वृद्धि दर ४.६ प्रतिशत यथावत रहने प्रक्षेपण गरेको छ । आगामी दुई वर्षसम्म वृद्धि दर औसत ४.३ प्रतिशतमा अड्ने बैंकले अनुमान पनि गरेको छ।

विश्व बैंकले बुधबार सार्वजनिक गरेको द्विवर्षीय  ‘नेपाल डेभलपमेन्ट अपडेट’ का अनुसार नेपाल संघीयतामा प्रवेश गर्दाको संक्रमणकाल अवधिमा बजेट तथा चालु खाता घाटा व्यवस्थापन प्रमुख चुनौती बनेको थियो । जसले गर्दा आर्थिक वृद्धि दर यथावत रहने भएको हो।

अपडेटका अनुसार चालु आर्थिक वर्ष कृषि क्षेत्रबाट उल्लेख्य सुधार हुने अपेक्षा गरिए पनि बाढी तथा अत्यधिक वर्षाले हिउँदे बालीमा नोक्सानी पुर्‍याएको थियो । त्यसपछि अर्थतन्त्र सुधार हुने अनुमान गरिए पनि प्रक्षेपण अवधिमा कुनै पनि प्रमुख सिचाइँ आयोजना निर्माणले पूर्णता नपाउँदा आर्थिक वृद्धि दर औसतमा अड्न पुगेको हो।

विशेष गरी सेवा क्षेत्रका व्यापार, पर्यटन तथा यातायातले निरन्तर वृद्धिको कारक बन्ने अपेक्षा गरिए पनि रेमिट्यान्समा थप गिरावट आउँदा यी क्षेत्र थप प्रभावित हुने बैंकको भनाइ छ ।
निर्माण क्षेत्रमा निरन्तर उल्लेख्य काम भएका कारण नेपालको औद्योगिक क्षेत्र चालु आर्थिक वर्ष पनि उकालो लाग्ने बैंककले जनाएको छ । पुनर्निर्माणका गतिविधि चालु आर्थिक वर्ष पनि तीव्र गतिमा अगाडि बढ्ने अपेक्षा गरेको बैंकले प्रक्षेपण अवधिमा थप वृद्धि हुने जनाएको छ । त्यसबाहेक विद्युत् उपलब्धतामा उल्लेख्य सुधार भएको र भारततर्फको निर्यातमा पनि सुधार आएका कारण उत्पादन क्षेत्रमा थप अगाडि बढ्ने उसको भनाइ छ।

‘वैदेशिक रोजगारीमा जानेको संख्या घटिरहननु, पछिल्ला दुई वर्षमा रेमिट्यान्समा पनि गिरावट आउनु र यसले निरन्तरता पाइरहेका कारण शोधनान्तर स्थितिमा थप समस्या आउने छ,’ विश्व बैंकका अर्थशास्त्री तथा नेपाल डेभलपमेन्ट अपडेटका सहलेखक सुद्युम्न दाहालले भने, ‘बाह्य क्षेत्रतर्फ रेमिट्यान्स गिरावटका कारण वित्तीय क्षेत्रमा निक्षेप संकलनको गति धिमा हुने अवस्था छ।’

चालु आर्थिक वर्ष र प्रक्षेपण अवधिमा सरकारी  खर्चमा वृद्धि हुने छ जसले बजेट घाटा झनै बढ्ने बैंकको भनाइ छ । गत आर्थिक वर्ष कूल गार्हस्थ उत्पादन (जिडिपी) मा ऋणको अनुपात २७ प्रतिशत थियो । यस अवधिमा वित्त क्षेत्र चुनौतीका रूपमा नरहने अनुमान उसको छ । प्रक्षेपण अवधिमा ऋण तुलनात्मक हिसाबमा तीव्र हुने भए पनि दिगो हुने बैंकको भनाइ छ।

‘नेपाल सरकारको संघीय प्रणाली स्थापना र सञ्चालन लागत, भूकम्प र बाढीपछिको पसनर्निर्माण, सामाजिक सहायता कार्यक्रममा उच्च दरको खर्च तथा अतिआवश्यक पूर्वाधार निर्माणको गतिको नतिजास्वरूप सरकारी खर्च उल्लेख्य दरमा वृद्धि भइरहेको छ,’ बैंकका वरिष्ठ देशीय अर्थशास्त्री तथा नेपाल डेभलपमेन्ट अपडेटका प्रमुख लेखक डामिर कोसिकले भने, ‘स्थानीय, प्रादेशिक र संघीय सरकारका लागि जनशक्ति स्रोत क्षमता सुधार एक गम्भीर प्राथमिकता हुनेछ।’
 
 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

‘मंगलम्’लाई पाँच अवार्ड

‘मंगलम्’लाई पाँच अवार्ड

डिजिटल मोडलमा बनेका फिल्मलाई प्रोत्साहित गर्न राजधानीमा बिहीबार आयोजना गरिएको १० औं संस्करणको ‘डि सिने अवार्ड २०७५’ फिल्म ‘मंगलम्’ले प्रतिस्पर्धामा...

प्रहरी र अपराधीबीचकोे ‘चक्कर’

प्रहरी र अपराधीबीचकोे ‘चक्कर’

अपराधको विषयबस्तु समेटेर तयार पारिएको फिल्म ‘चक्कर’को ट्रेलर र फस्टलुक सार्वजनिक भएको छ। राजधानीमा बिहीबार फिल्म युनिटले पत्रकारमाझ फस्टलुक र...

एकै स्टेजमा तीन विजेता

एकै स्टेजमा तीन विजेता

एउटै स्टेजमा एकसाथ तीन विजेता छानिने भएका छन्। ग्ल्याम वल्र्ड इन्टरटेनमेन्टले आगामी असार १ गते राजधानीमा आयोजना गर्न लागेको ‘मिस...

भ्यान गगलाई सृष्टिको सम्मान

भ्यान गगलाई सृष्टिको सम्मान

नेदरल्यान्डमा जन्मिएका महान् चित्रकार भिन्सेन्ट भ्यान गगलाई समर्पण गर्दै फिल्म ‘रोमियो एन्ड मुना’ले गीत सार्वजनिक गरेको छ। फिल्मले भ्यान गगका...