मेडिकलको आवरणमा लागुऔषध कारोबार !

काठमाडौं- प्रहरीले मेडिकलको आवरणमा लागुऔषध कारोबार गरेको आरोपमा एक जनालाई बल्खुबाट पक्राउ गरेको छ। कार्की मेडिकल हल संचालन गर्ने ३० वर्षीय गोपाल कार्कीलाई प्रहरीले अवैध लागुऔषध सहित पक्राउ गरेको हो।

कार्कीले अवैध रुपमा ट्रामा नामक लागुऔषध बिक्री बितरण गरेको सूचना प्राप्त भएपछि महानगरीय प्रहरी बृत्त कालिमाटीबाट खटिएको प्रहरी टोलीले बिहीबार मेडिकल हल तलासी गर्दा ट्रामा १ सय ५८ क्याप्सुल र २ सय १ कप ट्याप डि फेला पारेको जनाएको छ।

उनले सोही स्थानमा संचालन गरेको अर्को पूर्णिमा स्टोर्सबाट समेत २ हजार ७० ट्रामा, २ हजार १ सय ३० कप ट्याप डि, १ हजार ६ सय स्टारडन र ११ सय २० डिकोलिट ट्याब्लेट समेत प्रहरीले बरामद गरेको छ।

यसैगरी काठमाडौं महानगरपालिका–१३ बाफलबाट बिहीबार पाल्पा खस्यौली घर भएका ४० वर्षीय सुमन खनालले संचालन गरेको सौभाग्य मेडिकल हलबाट प्रहरीले बिहीबार ट्रामा ५ सय ट्याब्लेट, स्टागन २ सय ट्याब्लेट, स्पातमल १ सय ट्याब्लेट र ओपिडोल १ सय ट्याब्लेट बरामद गरी खनाललाई पक्राउ गरेको छ।

यस सम्बन्धमा अनुसन्धान भइरहेको प्रहरीले जनाएको छ।

प्रकाशित: ७ वैशाख २०७५ ०९:४५ शुक्रबार

राष्ट्रपति रनिङ सिल्ड प्रतियोगिता : उदयपुरलाई स्वर्णसहित तीन पदक

यस वर्षको राष्ट्रपति रनिङ सिल्ड प्रतियोगितामा उदयपुरकाे लिमचुङबुङ गाउँपालिका ४ बलम्ताका जिवेश राईलाई स्वर्ण पदक मिलेको छ।

सांस्कृतिक धरोहरप्रति खै संवेदनशीलता?

विगत केही वर्षयता हाम्रा सांस्कृतिक सम्पदा हामीबाटै उपेक्षित हुँदै आएका छन्, ती मूर्त हुन् वा अमूर्त। खासगरी २०७४ सालमा नेपालमा संघीयता आई सात राज्यको निर्माण भएसँगै यस्ता सम्पदाहरूको संरक्षण–संवर्धनको प्रबल सम्भावना संस्कृतिप्रेमीहरूले देखेका थिए।

सवारीको ठक्करले पैदलयात्रीको घटनास्थलमै मृत्यु, ठक्कर दिने सवारी अझै फरार

अज्ञात सवारी साधनको ठक्करले उदयपुरमा एकजना पैदल यात्रीको घटनास्थलमै निधन भएको छ भने ठक्कर दिने सवारी साधनको खोजी भइरहेको छ।

लामो लेख्ने कि छोटो?

नेपाली साहित्यका लेखक र पाठकबिच कहिलेकाहीं चर्चा हुने गर्छ– फलानाले लामो लेख्न नसकेर छोटो लेख्यो र फलानाले चाहिँ छोटो लेख्न नजानेर लामो लेख्यो। यसो भन्दैमा छोटोलाई मन्थन र लामोलाई गन्थन भन्ने सोच पनि उचित होइन।