विशेष अपरेसनले धमाधम पक्राउ पर्न थाले अपराधी

बिहिबार, १३ बैशाख २०७५, ०८ : ३७ नागरिक


सोलुखुम्बु – विभिन्न अपराधमा संलग्न व्यक्तिहरूमाथि सोलुखुम्बु प्रहरीले विशेष अपरेसन सुरु गरेको छ। आपराधिक क्रियाकलाप बढ्दै गएपछि पछिल्लो समय प्रहरीले विशेष अभियान सञ्चालन गरेको हो।

प्रहरीले यो अभियान चलाएपछि विभिन्न अपराधमा संलग्न व्यक्तिहरू धमाधम पक्राउ पर्न थालेका छन्। जिल्ला प्रहरी कार्यालय सोलुखुम्बुले केही दिनअघि मात्रै चोरी, जबरजस्ती करणी र केही सार्वजनिक अपराधमा संलग्न ८ जनालाई सार्वजनिक गरेको छ।

प्रहरीले गत फागुन १३ गते सल्लेरीका ६ वटा पसल र फागुन २४ गते तामाखानीको ज्वालामाई मन्दिरमा चोरी गर्ने खोटाङ जाल्पाका अनिल श्रेष्ठलाई सार्वजनिक गरेको छ। पोखराबाट प्रक्राउ परेका श्रेष्ठ ओखलढुंगा, उदयपुर, खोटाङ लगायतका जिल्लामा भएका चोरीमा संलग्न भएको प्रहरीले जनाएको छ। चोरीमा संलग्न सामाग्री समेत प्रहरीले सार्वजनिक गरेको थियो।

त्यस्तै, चैत २७ गते सल्लेरीबाट निर्माण सामग्री चोरीमा संलग्न तिङलाका मुकेश खड्का, अर्जुन खड्का, भल बहादुर विश्वकर्मा र थुलुङ दुधकोशी गाउँपालिका १ नेलेका अर्जुन भूजेललाई पनि सोलु प्रहरीले सार्वजनिक गरेको छ। फरार रहेका एक व्यक्तिको खोजी भइरहेको प्रहरीले जनाएको छ।

यसैगरी १४ वर्षीया बालिकालाई जबरजस्ती करणी गरेको आरोपमा पक्राउ परेका बालिकाका ५० वर्षीय बाबुलाई पनि प्रहरीले सार्वजनिक गरेको छ। साइँली छोरीलाई आफ्नै बाबुले ११ वर्षको उमेरदेखि जबरजस्ती करणी गर्दै आएका थिए। पछिल्लो पटक गत चैत २९ गते छोरीलाई जबरजस्ती गरेको पीडितकी आमाको उजुरीका आधारमा पीडक बाबुलाई प्रहरीले पक्राउ गरेको हो। छोरीको पेटमा २४ हप्ताको गर्भ रहेको परीक्षणबाट पत्ता लागेको छ। जबर्जस्ती करणीका क्रममा छोरीलाई धम्क्याउन बाबुले प्रयोग गर्ने गरेको एक थान खुकुरी र डोरीसमेत प्रहरीले सार्वजनिक गरेको थियो।

यही वैशाख ४ गते पूर्वी क्षेत्रमा यातायात बन्द गराउन सोलुखुम्बुका यातायात व्यवसायीलाई दबाब दिएको आरोपमा विप्लव माओवादी सम्बद्ध जिल्ला जनपरिषद् प्रमुख विवेक राई र जिल्ला सेक्रेटरी मनिकुमार राईलाई पनि पत्रकार सम्मेलन गरी प्रहरीले सार्वजनिक गरेको छ।

विभिन्न अपराध अनुसन्धानमा सफल देखिएको सोलुखुम्बु प्रहरीले थुलुङ दुधकोसी गाउँपालिका र सोताङ गाउँपालिकामा स्काभेटरमा भएको आगजनी बारेको अनुसन्धान पनि जारी रहेको जनाएको छ। केही समययता अपराधीमाथि प्रहरीले थालेकोे अपरेसन सफल बन्दै गएको प्रहरी नायब उपरीक्षक रेशम पराजुलीले बताए।






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

‘मंगलम्’लाई पाँच अवार्ड

‘मंगलम्’लाई पाँच अवार्ड

डिजिटल मोडलमा बनेका फिल्मलाई प्रोत्साहित गर्न राजधानीमा बिहीबार आयोजना गरिएको १० औं संस्करणको ‘डि सिने अवार्ड २०७५’ फिल्म ‘मंगलम्’ले प्रतिस्पर्धामा...

प्रहरी र अपराधीबीचकोे ‘चक्कर’

प्रहरी र अपराधीबीचकोे ‘चक्कर’

अपराधको विषयबस्तु समेटेर तयार पारिएको फिल्म ‘चक्कर’को ट्रेलर र फस्टलुक सार्वजनिक भएको छ। राजधानीमा बिहीबार फिल्म युनिटले पत्रकारमाझ फस्टलुक र...

एकै स्टेजमा तीन विजेता

एकै स्टेजमा तीन विजेता

एउटै स्टेजमा एकसाथ तीन विजेता छानिने भएका छन्। ग्ल्याम वल्र्ड इन्टरटेनमेन्टले आगामी असार १ गते राजधानीमा आयोजना गर्न लागेको ‘मिस...

भ्यान गगलाई सृष्टिको सम्मान

भ्यान गगलाई सृष्टिको सम्मान

नेदरल्यान्डमा जन्मिएका महान् चित्रकार भिन्सेन्ट भ्यान गगलाई समर्पण गर्दै फिल्म ‘रोमियो एन्ड मुना’ले गीत सार्वजनिक गरेको छ। फिल्मले भ्यान गगका...