मुम्बई– एघारौं सिजनको इण्डियन प्रिमियर लिग (आइपीएल) क्रिकेटमा मुम्बई इण्डियन्सले राजस्थान रोयल्सलाई १६९ रनको विजय लक्ष्य दिएको छ।

घरेलु मैदान वानखेडे स्टेडियममा टस हारेर व्याटिङ्गको निम्तो पाएको मुम्बईले निर्धारित २० ओभरमा ६ विकेट गुमाउँदै १६८ रन बनायो। मुम्बईका लागि इभन लुइसले सर्वाधिक ६० रनको पारी खेले। ४२ रनमा ४ चौका र ४ छक्का उनले प्रहार गरे। सूर्यकुमार यादवले ७ चौकासहित ३८ रन जोडे। हार्दिक पाण्ड्याले ३ चौका र २ छक्कासहित ३६ रन बनाए। 

बलिङतर्फ बेन स्टोक्स र जोफ्रा आर्चरले २–२ विकेट लिए। जयदेव उनादकट र धवल कुलकर्णीले १–१ विकेट लिए।

प्रकाशित: ३० वैशाख २०७५ १६:१६ आइतबार