‘सांसदलाई पक्राउ गर्न नभई लगत कस्न पत्राचार’

बुधबार, ०२ जेठ २०७५, १७ : ०५ मदन ठाकुर


रौतहट – रौतहट जिल्ला अदालतले बुधबार वन पैदावार मुद्दामा प्रदेश नम्वर २ का सदस्य कुन्दन कुश्वाहालाई पक्राउ गर्न नभई लगत कस्न पत्र पठाएको जनाएको छ।

रौतहट जिल्ला अदालत विगो फाटका कर्मचारीले लगत कस्ने पत्रलाई दण्ड जरिवाना सम्बन्धी भुलबस लेखेको पत्रलाई पुनः सच्चाई लगत कस्ने बारे अदालतले जिल्ला पहरी कार्यालय रौतहटलाई अर्को पत्र लेखेको हो।

विभिन्न सञ्चार माध्यममा अदालतद्धारा प्रदेश सांसद कुश्वाहालाई पक्राउ गर्न आदेश भन्ने समाचार प्रकाशित भएपछि मंगलबार जिल्ला प्रहरी प्रमुख रवीन्द्र केसीले स्पष्ट रुपमा पत्र लेख्न मंगलबारनै लिखित रुपमा माग गरेका थिए। सोही पत्रको जवाफमा जिल्ला अदालत रौतहटले बुधबार प्रदेश सदस्य कुश्वाहाको मुद्दा सर्वोच्च अदातमा विचाराधिन रहेको र अर्को निर्णय नहुन्जेलसम्म लगत मात्र कस्ने जानकारी सहित पत्राचार गरेको अदालतका श्रेस्तेदार चिन्तामणी शर्माले बताए।

बाराको पथलैयाबाट प्रहरीले २०६९ असोज २ गते चामल लोड गरिएको ट्रकमा चिरान काठ बरामद गरेको थिए। काठ सहित पक्राउ परेका ट्रक चालक ईन्द्रबहकादुर मानन्धरले रौतहटको कटहरियामा सञ्चालित न्यू एभरेष्ट सः मिलका संचालक कुन्दनप्रसाद कुश्वाहा भएको बयान दिएपछि उनी माथि वन पैदावार मुद्दा दायर गरिएको थियो। 

न्यू एभरेष्ट सः मिलका संचालक कुन्दन प्रसाद कुश्वाहा नभइ जयकलिया देवी रहेको प्रमाणित भएपछि जिल्ला अदालत बाराले चालक मानन्धरलाई दोषी ठहर गर्दै कुश्वाहालाई सफाइ दिएको थियो। जिल्ला अदालत बाराको फैसलालाई चुनौती दिँदै चालक मानन्धरले तात्कालिन पुनरावेदन अदालत हेटौडामा रिट दायर गरेपछि विना इजाजत वन पैदावार ओसारपसार गरेको मुद्दामा चालक एक्लैले गर्न सम्भव नभएको ठहर गर्दै पुनरावेदन अदालत हेटौंडाले प्रदेश सभा सदस्य कुश्वाहालाई पनि दोषी ठहर गर्दै २०७२ साउन २५ गते एक वर्ष कैदको फैसला सुनाएको थियो।

बारा जिल्ला अदालतको चलानी नम्वर ७९१५ को मिति २०७४ चैत २९ को पत्र बमोजिम निम्न प्रतिवादीको हकमा समेत रौतहट अदालतको लगत नम्बर १८००–१५९ मिति २०७५ वैशाख ३ गते नै लगत कसिएको जिल्ला प्रहरी कार्यालयमा पठाएको पत्रमा उल्लेख छ।

उक्त पत्रको आधार टेकेर रौतहट जिल्ला अदालतको बिगो फाँटका डिठ्ठा विपिन साहले बारा जिल्ला अदालतबाट “लगत कसी” जानकारी दिनु भनेपनि “दण्ड जरिवाना” विषय राखेर जिल्ला प्रहरी कार्यालय रौतहटलाई वैशाख १२ गते पत्र पठाएका थिए।

प्रदेश साँसद कुश्वाहालाई साच्चै पक्राउ पुर्जी जारी भएको विषयमा रौतहट जिल्ला अदालतका श्रेस्तेदार चिन्तामणी शर्माले लगत कसी जानकारी पठाउन हामीलाई पत्र प्राप्त भएपनि बिगो फाँटका कर्मचारी डिठ्ठन विपिन साहले भाषा बुझ्न नसकी दण्ड जरिवाना लेखेपछि अलि झण्झटिलो भएको बताए। उनकै कार्यकक्षमा बसिरहदा प्रधान न्यायाधिशको निजी सचिवालबाट पक्राउ पुर्जी जारी भएको विषयमा पटक पटक फोन समेत आइरहेको थियो।

पुनरावेदन अदालत हेटौडाको फैसला पश्चात कुश्वाहाले मुलकी ऐनमा उल्लेख गरिएको १९४ दफा अनुसारको धरौटी सुविधा लिइसकेको अवस्थामा मुद्दा विचाराधिन रहेको अदालत श्रोतले जनाए। पुनरावेदनले पैसला गरेको ७० दिन भित्र कुश्वाहाले मुलकी ऐनको १९४ को दफा प्रयोग गरेर सर्वोच्च अदालतमा अपिल गरका थिए।

उक्त मुद्दा हाल सर्वोच्च अदालतमा विचाराधिन रहेपनि बारा जिल्ला अदालत र रौतहट जिल्ला अदालतका कर्मचारीहरू आर्थिक प्रलोभनमा परेर आफू विरुद्ध षड्यन्त्र गरी चरित्र हत्या गर्न खोजेको प्रदेश सदस्य कुश्वाहाले आरोप लगाए।

जिल्ला प्रहरी कार्यालय रौतहटलाई अदालतको पत्र प्राप्त भएपछि त्यसमा केही कुराहरू स्पष्ट नहुँदा चलानी नम्बर २३९६ नम्बरको पत्र जेठ १ गते अदालतमा पत्र प्राप्त भएपछि रौतहट जिल्ला अदालतले जिल्ला प्रहरी कार्यालय रौतहटलाई आज पठाएको पत्रमा लगत कसिएको हो, मुद्दामा अन्तिम टुंगो लागि कैद जरिवाना ठोकिएपछि मात्र फैसला कार्यान्वयन गर्नुपर्ने भएकोले हाल प्रस्तुत मद्दामा सर्वोच्चमा पुनरावेदन परे नपरेको बुझी जानकारी गराइएको पत्र पठाएको अदालत श्रोतबाट बुझिएको छ।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

सलमान खानको नेपाल भ्रमण दोस्रो पटक स्थगित

सलमान खानको नेपाल भ्रमण दोस्रो पटक स्थगित

बलिउड अभिनेता सलमान खानको नेपाल भ्रमण दोस्रो पटक स्थगित भएको छ। आयोजक संस्था ओडीसी इन्टरनेसनलले सामाजिक सञ्जाल फेसबुक मार्फत विशेष...

‘मंगलम्’लाई पाँच अवार्ड

‘मंगलम्’लाई पाँच अवार्ड

डिजिटल मोडलमा बनेका फिल्मलाई प्रोत्साहित गर्न राजधानीमा बिहीबार आयोजना गरिएको १० औं संस्करणको ‘डि सिने अवार्ड २०७५’ फिल्म ‘मंगलम्’ले प्रतिस्पर्धामा...

प्रहरी र अपराधीबीचकोे ‘चक्कर’

प्रहरी र अपराधीबीचकोे ‘चक्कर’

अपराधको विषयबस्तु समेटेर तयार पारिएको फिल्म ‘चक्कर’को ट्रेलर र फस्टलुक सार्वजनिक भएको छ। राजधानीमा बिहीबार फिल्म युनिटले पत्रकारमाझ फस्टलुक र...

एकै स्टेजमा तीन विजेता

एकै स्टेजमा तीन विजेता

एउटै स्टेजमा एकसाथ तीन विजेता छानिने भएका छन्। ग्ल्याम वल्र्ड इन्टरटेनमेन्टले आगामी असार १ गते राजधानीमा आयोजना गर्न लागेको ‘मिस...