‘लुट’ का निर्माता वाग्ले नक्कली नोटसहित पक्राउ

बिहिबार, ०३ जेठ २०७५, ०८ : २८ टपेन्द्र कार्की


काठमाडौं- चलचित्र ‘लुट’ मा निर्माता माधवराज वाग्लेले बैंक लुट्ने तरिका सिकाएका थिए । त्यो चलचित्र हेर्दा लुटिएको पैसा बोरामै बोकेर हिँडेको देखिन्छ । सोही शैलीमा नक्कली नोट कारोबारमा संलग्न भएको आरोपमा वाग्लेसहितलाई बुधबार प्रहरीले पक्राउ गरेको छ । प्रहरीले नेपाली हजार रुपैयाँ दरका नक्कली नोटसहित चलचित्र निर्माता वाग्लेसहित ६ जनालाई पक्राउ गरेको हो।

बोरा र कार्टुनभित्र राखिएका करोडौं रुपैयाबराबरका नक्कली नोट बुधबार निर्माता वाग्लेकै कार्यालयबाट बरामद भएका थिए । प्रिन्सेस मुभिज प्रालिका सञ्चालक वाग्लेको कार्यालयबाट २ करोड ५२ लाख र अन्य तीनजनाको साथबाट ८ लाख ६३ हजार नक्कली नोट बरामद भएको हो । महानगरीय प्रहरी परिसर काठमाडौंका अनुसार महेन्द्र बोगटीले गाेंगबुको मित्रनगरस्थित एक खाजाघरमा खाजा खाएको पैसा तिर्दा हजार÷हजार दरका दुईवटा नोट दिएका थिए । ती नोट नक्कली भएको शंका गर्दै पसलेले गोंगबु प्रहरीलाई खबर गरेपछि अनुसन्धान गर्ने क्रममा प्रहरीले दुई करोड ६० लाख ६३ हजार नक्कली नोट बरामद भएको हो ।

नेपालमा यति ठूलो परिमाणमा नक्कली नोट बरामद भएको पहिलो पटक हो । निर्माता पक्षले चलचित्रमा प्रयोग गर्न उक्त परिमाणको रकम प्रेसमा छापेको बताएको छ । तर छाप्दा त्यस्ता नोटमा प्रस्ट देखिने गरी ‘नक्कली’ लेखिनुपर्छ । प्रेसमा छाप्न प्रतिबन्ध रहेको अवस्थामा वाग्लेको कार्यालयबाट यत्रो परिमाणमा नक्कली नोट बरामद हुनुलाई प्रहरीले शंकाको दृष्टिले हेरेको छ । प्रहरीले बोगटीको साथबाट एक हजार दरका गरी १ लाख २० हजार, सिन्धुली घर भई ललितपुर लुभु बस्ने २४ वर्षीय सुजित तामाङ र साजन तामाङको कोठाबाट ७ लाख ४३ हजार बरामद नक्कली नोट बरामद गरेको थियो ।

उनीहरुले सो नोट बागबजारस्थित नवज्योति प्रिन्टिङ प्रेसका सञ्चालक धादिङ घर भएका प्रकाश सुवेदीलाई छाप्न दिएका थिए । सुवेदीले जयभोलेबाबा प्रिन्टिङ प्रेसका सञ्चालक भक्तपुर स्थायी घर भएका विकेश नापितलाई छाप्न दिई त्यहाँ नोट छाप्न प्रयोग भएको प्लेट आफ्नो प्रेसमा ल्याएर सुरक्षित राखेका थिए । प्रहरीले प्रेस सञ्चालक सुवेदी र नापितलाई पनि पक्राउ गरेको छ । प्रहरीले नोट छापिएको ४ वटा प्लेटसमेत बरामद गरेको छ।

‘मित्रनगरस्थित सुमधुर खाजाका सञ्चालकले आफूलाई दिएको पैसा नक्कली भएको शंका लागि प्रहरीलाई खबर गरेका थिए । त्यसैअनुसार बोगटीलाई पक्राउ गरी अनुसन्धान गर्दा उनको कोठामा समेत नक्कली नोट फेला परेको र उनकै बयानका आधारमा वाग्लेसहित अन्य व्यक्तिहरु पक्राउ परेका हुन्’, परिसर प्रमुख प्रहरी वरिष्ठ उपरीक्षक (एसएसपी) विश्वराज पोखरेलले भने ।

उनका अनुसार खास प्रयोजन नखोली नोट छापिएको र छापिएको सबै नोट प्रयोजन सकिएपछि नष्ट गर्नुपर्ने तथा नोटको बाहिरी आवरणमा सबै नक्कली भनी लेखिनुपर्ने तर त्यो नलेखी छापिएको छ । नोटमा सानो अक्षरमा नक्कली लेखिएको भए पनि सर्वसाधारणले छुट्याउन कठिन रहेको प्रहरी भनाइ छ । ‘हामीले राष्ट्र बैक र अदालतमा समेत यो विषयमा छलफल गरी यकिन गरेका छौं, नक्कली नोट छाप्न पाइँदैन, बजारमा लैजान झन् पाउने कुरै भएन’, परिसर प्रमुख पोखरेलले भने । उनका अनुसार बजारमा यस्ता नोट कति गए भन्ने यकिन छैन । प्रहरीका अनुसार चलचित्र निर्माण प्रयोजनमा पनि यति धेरै परिमाणमा नक्कली नोट छाप्नु पर्दैन । ‘एकातर्फमात्रै छापेर प्रयोग गर्न सक्ने र बोरामै हालेर सक्कली नोट बराबर कोठामा राख्नु आफैंमा शंकास्पद छ । त्यमिात्र होइन तीन÷चारजनाले नै बाँडेर बोक्नु झन शंकास्पद छ’, परिसर प्रमुख पोखरेलले भने।

उनका अनुसार पक्राउ परेका सबैलाई खोटा चलन ऐनअन्तर्गत बरामद भएको विगोबराबर जरिवाना र दस वर्षसम्म कैद सजाय हुनसक्छ । पक्राउ ६ जनालाई थुनामा राखेर थप अनुसन्धान गर्न प्रहरीले काठमाडौं जिल्ला अदालतबाट ५ दिनको समय लिएको छ । ‘बरामद नोट फरेन्सिक ल्याबमा जा“च गरि“दैछ,’ नक्कली भारु नोटमा ‘सेक्युरिटी फिचर’ निकै बलियो हुने र नेपाली नक्कली नोटमा त्यस्ता फिचर कमजोर हुने भएकाले ल्याब टेस्ट गर्नुपर्ने अवस्था छ’, परिसर प्रमुख पोखरेलले भने ।

दुई वर्षअघि प्रहरीले नेपाली हजार रुपैयाँ दरका नक्कली नोटसहित महोत्तरी बलवाका रोशनकुमार यादवलाई पक्राउ गरेको थियो । यादवको साथबाट हजार दरका ८ थान नक्कली नोट फेला परेका थिए । यसअघि, जाली नोट कारोबारमा संलग्न भारतीय गिरोहले प्रेसमा नेपाली नोट छापेर आफ्नो सञ्जालमार्फत तराई क्षेत्रमा फैलाउने गरेको थियो । तीन वर्षअघि जिल्ला प्रहरी कार्यालय बाराले १ लाख नक्कली रुपैया“सहित दुईजनालाई पक्राउ गरेपछि भारतमा छापेर नेपाल ल्याउने गरेको रहस्य खुलेको थियो । बारामा फेलापरेको १ हजार र ५ सय दरका नोट उच्चस्तरीय प्रेसमा छापिएकाले सक्कलीबराबरकै गुणस्तरका थिए।

रामदयाल ठाकुर लोहार र मोहम्मद मुस्तकिम मिया“लाई बारा प्रहरीले पक्राउ गर्दा मियाँचाहिँ भारतीय नागरिक भएको र उनले नै नेपालमा नक्कली नोट ल्याउन गरेको खुलेको प्रहरी जनाएको थियो । दुई वर्षअघि रौतहटबाट पनि ५० हजार नक्कली नोट बरामद भएको थियो ।

कहाँ–कहाँ प्रयोग हुन्छ नक्कली नोट
महानगरीय प्रहरी परिसर काठमाडौंका अनुसार नक्कली नोट होटल रेष्टुरेन्टमा खाजा खाएको बिल तिर्न, जुवा खेल्न, यौनककर्म र लागूऔषध कारोबारमा सक्कलीमा मिसाएर बजारमा लैजाने गरिएको छ । ‘खासगरी यस्ता नोट समाजमा बदनाम हुने पाटो जहाँ छ त्यहाँ प्रयोग भएको पाइन्छ । अहिले हामी त्यसको अनुसन्धान गरिरहेका छौं’, परिसर प्रमुख पोखरेलले भने ।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

‘रानीमहल’ सुटिङ रानीमहलमै

‘रानीमहल’ सुटिङ रानीमहलमै

पाल्पाको रानीमहलमा पूर्व मिस नेपाल निकिता चन्दक अभिनित चलचित्र ‘रानीमहल’को सुटिङ भएको छ। हिमाल न्यौपानेको निर्देशनमा छायाङ्कन हुँदै गरेको यस...

इच्छुक स्मृति पुरस्कारबाट चार श्रष्टा पुरस्कृत

इच्छुक स्मृति पुरस्कारबाट चार श्रष्टा पुरस्कृत

यसवर्ष इच्छुक स्मृति पुरस्कारबाट चितवनका कवि मोदनाथ मरठ्ठा र काठमाडौँ, चाल्नाखेलका कवि विनोदविक्रम केसी पुरस्कृत भएका छन्। ...

अर्जुनले छाडे पत्नीको साथ

अर्जुनले छाडे पत्नीको साथ

बलिउड अभिनेता अर्जुन रामपालको पत्नी मेहर जेसियासँग सम्बन्धमा खटपट आएको बुझिएको छ। ...

फेसन ट्रेडमा सेलिब्रेटी र पत्रकारको -याम्पवाक

फेसन ट्रेडमा सेलिब्रेटी र पत्रकारको -याम्पवाक

परम्परागत, सिर्जनशीलदेखि दैनिक जीवनमा प्रयोग हुने पहिरन प्रस्तुत गरेको ‘फेसन ट्रेड सिजन टु’ मा सेलिब्रिटीदेखि पत्रकारसम्मले -याम्प नापेका छन्। फेसियल...