कर्णाली प्रिमियर लिग : टीकापुर र धनगढीको विजयी सुरुवात

बिहिबार, ०३ जेठ २०७५, २१ : ४१ नगेन्द्र उपाध्याय


सुर्खेत– वीरेन्द्रनगरमा जारी कर्णाली प्रिमियर लिगको उद्घाटन खेलमा टीकापुर क्रिकेट क्लब विजयी भएको छ। बिहीबारदेखि सुरु भएको प्रिमियर लिगको उद्घाटन खेलमा सुर्खेतको भेरीगंगा क्रिकेट क्लबलाई १०९ रनले हराउँदै टीकापुर क्रिकेट क्लव विजयी भएको हो।

टस हारेर ब्याटिङको निम्तो पाएको टीकापुरले निर्धारित १५ ओवरमा ९ विकेट गुमाएर १४४ रन बनाएको थियो। टीकापुरका लागि विजय विष्टले सर्वाधिक ३४ रन बनाए। १२ बल खेलेका विष्टले चार छक्का र एक चौका प्रहार गरे। यस्तै आयुव चन्दले १९, रवी शाहले १७ र सुसान्त कार्की ११ रनको योगदान दिए। अन्य ब्याट्समेनले दोहोरो अंक बनाउन सकेनन्। भेरीगंगाका विजय विक, मदन विक र तिलक थापाले समान दुई–दुई विकेट लिए। यस्तै लोकेन्द्र विकले एक विकेट लिए।

१४५ रनको लक्ष्य पाएको भेरीगंगा टीकापुरका अगाडि निरिह देखियो। भेरीगंगा ३५ रनमा अलआउट भयो। भेरीगंगाका लागि लोकेन्द्र विकले मात्रै दोहोरो अंक पु¥याए। १८ बल खेलेका विकले तीन चौकाको मद्दतमा १३ रन बनाए। ओपनर तिलक थापाले पाँच, रोहित विकले पाँच र विक्की विकले नटआउट चार रन बनाए। भेरीगंगालाई सस्तैमा समेट्ने क्रममा टीकापुरका रवी शाह र अनिल विकले तीन–तीन विकेट लिए। ललित प्याकुरेल र अजय विष्टले दुई–दुई विकेट लिए ।

बन्धु विकास सहकारी संस्थाको आयोजनामा भइरहेको रुस्लान कर्णाली प्रिमियर लिगमा १० टीमको सहभागिता रहेको छ। प्रतियोगितामा राष्ट्रिय स्तरका चर्चित खेलाडी विनोद भण्डारी, शक्ति गौचन, प्रदिप ऐरीलगायतको पनि सहभागिता छ। प्रतियोगिताको विजेताले तीन लाख, उपविजेताले एक लाख ५० हजार प्राप्त गर्नेछन्। यस्तै प्रत्येक खेलको म्यान अफ दि म्याचले दुई हजार पाँच सय र उत्कृष्ट खेलाडीले २५ हजार, उत्कृष्ट बलर र ब्याट्समेनले १०–१० हजार रुपियाँ प्रदान गरिने संयोजक रेशम शाहीले जानकारी दिए।

यस्तै बिहीबार नै भएको दोस्रो खेलमा धनगढी क्रिकेट एकेडेमी विजयी भएको छ। धनगढीले मध्यपश्चिमाञ्चल क्रिकेट क्लवलाई ४६ रनले हरायो। टस हारेर पहिले ब्याटिङको निम्तो पाएको धनगढीले निर्धारित १५ ओभरको खेलमा सात विकेट गुमाएर १५६ रन बनाएको थियो। धनगढीका लागि विपिन रावलले चार चौका र एक छक्काको मद्दतमा ३९ रन बनाए। तल्लोक्रममा व्याटिङ गर्न आएका शन्तसिंह कार्कीले अविजित ३२ रन बनाए। १२ बल खेलेका उनले तीन छक्का र एक चौका प्रहार गरे। 

बलिङतर्फ मध्यपश्चिमाञ्चलका भरत थापाले तीन विकेट लगे भने सिद्धान्त शाही, आकाश बिष्ट र भिम धमलाले १–१ विकेट लिए।

जवाफी व्याटिङ गरेको मध्यपश्चिमान्चल क्रिकेट क्लवले ११० रन मात्र बनाउन सक्यो। मध्यपश्चिमाञ्चलका सुबेन्दु पाण्डेले अर्धशतक प्रहार गरे पनि टीमलाई जिताउन सकेनन्। उनले ४० बलमा ६ चौका र १ छक्का प्रहार गरे। यस्तै राजबीर सिंहले १५, प्रनित थापाले १३ र सिद्धान्तराज शाहीले १२ रन बनाउँदा तीन खेलाडी पहिलो बलमै आउट भए। बलिङतर्फ धनगढीका बिक्रम ठगुन्नाले तीन विकेट लिए।






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

सलमान खानको नेपाल भ्रमण दोस्रो पटक स्थगित

सलमान खानको नेपाल भ्रमण दोस्रो पटक स्थगित

बलिउड अभिनेता सलमान खानको नेपाल भ्रमण दोस्रो पटक स्थगित भएको छ। आयोजक संस्था ओडीसी इन्टरनेसनलले सामाजिक सञ्जाल फेसबुक मार्फत विशेष...

‘मंगलम्’लाई पाँच अवार्ड

‘मंगलम्’लाई पाँच अवार्ड

डिजिटल मोडलमा बनेका फिल्मलाई प्रोत्साहित गर्न राजधानीमा बिहीबार आयोजना गरिएको १० औं संस्करणको ‘डि सिने अवार्ड २०७५’ फिल्म ‘मंगलम्’ले प्रतिस्पर्धामा...

प्रहरी र अपराधीबीचकोे ‘चक्कर’

प्रहरी र अपराधीबीचकोे ‘चक्कर’

अपराधको विषयबस्तु समेटेर तयार पारिएको फिल्म ‘चक्कर’को ट्रेलर र फस्टलुक सार्वजनिक भएको छ। राजधानीमा बिहीबार फिल्म युनिटले पत्रकारमाझ फस्टलुक र...

एकै स्टेजमा तीन विजेता

एकै स्टेजमा तीन विजेता

एउटै स्टेजमा एकसाथ तीन विजेता छानिने भएका छन्। ग्ल्याम वल्र्ड इन्टरटेनमेन्टले आगामी असार १ गते राजधानीमा आयोजना गर्न लागेको ‘मिस...