धरान– होटल एशोसिएसन अफ् धरानले रक्तदान कार्यक्रम आयोजना गरेको छ। धरान–६,  लोकतान्त्रिक चौतारीमा भएको रक्तदान कार्यक्रममा ४१ पिन्ट रगत संकलन भएको एशोसिएसन सचिव श्याम पोखरेलले बताए ।

वार्षिक कार्यक्रमअनुसार एशोसिएसनले बर्सेनि रक्तदान गर्दै आएको उनले जनाए । रगत अभावमा कसैले पनि ज्यान गुमाउन नपरोस् भन्ने उद्देश्यसाथ एशोसिएसनले यस्तो कार्यक्रम गरेको उनको भनाइ छ ।

पूर्वकै पर्यटकीयस्थल धरानमा पर्यटन प्रवद्र्धननिम्ति काम गर्दै आएको होटल एशोसिएसन धरानले सामाजिक तथा मानवीय कार्यसमेत गर्दै आएको छ ।

प्रकाशित: १० असार २०७३ ०६:०६ शुक्रबार