सुरेश किरण

सुरेश किरण

नयाँ ललिपप

शनिबार, ०१ बैशाख २०७५

कुरा भारततिरको हो । अझ भारत के, नयाँ दिल्ली कै भनौँ न जहाँ हाम्रा प्रधानमन्त्री कमरेड खड्गप्रसाद ओलीको राजकीय भ्रमण भर्खरै सम्पन्न भएको छ । प्रधानमन्त्री भ्रमण सक्काएर फर्कनुभएको केही दिनपछि नै मेरा मित्र भजनलाल नयाँ दिल्लीको भ्रमणमा गएका थिए।

सम्बन्धको पुरानीकरण

शनिबार, २४ चैत २०७४

प्रधानमन्त्री केपी ओली पुनः भारत भ्रमणमा जानुभएको छ । पुनः किन भनियो भने यो भन्दाअघि पनि प्रधानमन्त्री हुँदा उहाँ भारत जानुभएको थियो । अहिले फेरि प्रधानमन्त्री बन्नुभएको छ । र, फेरि भारत जानुभएकाे छ ।

युरोपियन क्रोध

शनिबार, १७ चैत २०७४

सरकार यति बेला बहुत क्रुद्ध छ । सरकार मात्र होइन, विपक्षी पनि क्रुद्ध छ । जो विपक्षी होइनन्, उनीहरू पनि क्रुद्ध छन् । यसर्थ यति बेला पूरा देश नै क्रुद्धमय छ भन्दा फरक नपर्ला।

श्रीमान्–श्रीमानजी

शनिबार, १० चैत २०७४

अन्ततः श्रीमान् गोपालप्रसाद पराजुली प्रधानन्यायाधीशको पदबाट मुक्त हुनुभयो । राष्ट्रपति श्रीमती विद्यादेवी भण्डारीसमक्ष उहाँले बुझाउनुभएको राजीनामा स्वीकृत भएपछि उहाँ पदबाट मुक्त हुनुभएको थियो । तथापि उहाँको पदमुक्तिबारे पनि विवाद नभएको होइन । उहाँले पदमुक्त भएपछि राजीनामा दिनुभएको हो कि राजीनामा दिए पनि पदमुक्त हुनुभएको हो ?

दौरा–सुरुवाल

शनिबार, ०३ चैत २०७४

प्रतिनिधिसभाको सभामुख पदमा भर्खरै निर्विरोध निर्वाचित हुनुभएका कमरेड कृष्णबहादुर अकस्मात दौरा–सुरुवालमा प्रकट भएपछि पूरा संसद् सचिवालय नै चकित हुन पुग्यो । सचिवालयको भित्र–बाहिर, तलतिर माथितिर, उतातिर, यतातिर, चारैतिर एउटै कुराको चर्चा चल्यो– सभामुखज्यू त दौरा–सुरुवालमा आउनु भएछ, के भो आज ? वा के भएन ? दिनभरिको चर्चा त्यसैमा केन्द्रित रह्यो।

सिंहदरबारको बिरामी

शनिबार, २६ फागुन २०७४

सरकारले सिंहदरबार भित्रै एउटा छुट्टै स्वास्थ्य क्लिनिक पनि सञ्चालन गरेछ । यसलाई एक किसिमले स्वास्थ्य सुविधा दिएको भन्दा पनि हुन्छ । तसर्थ सिंहदरबारसँग अब आफ्नै स्वास्थ्य क्लिनिक पनि भएको छ । स्वास्थ्यका लागि सिंहदरबार अब आत्मनिर्भर बनेको छ।

बालुवाटारको होली

शनिबार, १९ फागुन २०७४

बालुवाटार प्रांगणमा लगातार यही होली गुन्जिरहेको छ । र, गीतकै धुनमा नेता तथा कार्यकर्ता नाची पनि रहेका छन् । साथै एकले अर्कोलाई पानी छ्यापेर, रंग दलेर होली खेली पनि रहेका छन्।

बिजनेस वार्ता

शनिबार, १२ फागुन २०७४

भित्र वार्ता चलिरहेको थियो । बाहिर सञ्चारकर्मी एवं अन्य प्रकारका कर्मीहरू प्रतीक्षारत थिए । सबैको चासो एकै ठाउँमा केन्द्रित थियो– वार्ता के भयो ? भित्रबाट खबर आउँथ्यो, वार्ता हुँदै छ, कुरा मिल्ने देखिन्छ।

प्रहरी मेरो साथी !

शनिबार, २७ माघ २०७४

राजनीतिक पार्टीहरूले चुनावका बेला समाज बदल्ने वाचा गरेका थिए । वास्तवमा पार्टीहरूले चाहेजस्तै समाज बदली पनि रहेको छ । समाजको बदलिँदो एउटा रूप गएको हप्ता राजधानीको दरबारमार्गमा देखियो । जस्तो कि पत्रपत्रिकामा समाचार आएकै घटना हो, बलात्कार काण्ड । त्यो पनि सानोतिनो काण्ड होइन, ठूलै काण्ड ।

जुत्ता पालिस

शनिबार, २० माघ २०७४

कांग्रेस नेताहरू अहिले जुत्ता पालिस गर्ने काममा लागेका रहेछन् । हालै सम्पन्न चुनावको नतिजा आएदेखि म सोच्दै थिएँ, अब यी कांग्रेस नेता के पो गर्ने होलान् !जेहोस्, चुनावको नतिजापछि आफूलाई मिल्ने काम उनीहरुले भेटाएका छन्, राम्रो भयो ।कांग्रेस नेताले यो जुत्ता पालिसवाला काम सुरु गरेपछि विभिन्न ठाउँमा विभिन्न प्रकारका घटना भएका छन् । तीमध्ये केही प्रतिनिधि घटना यहाँ सदृश्य प्रस्तुत गर्न चाहन्छु :

एकता संवाद

शनिबार, २२ पुष २०७४

दुई कम्युनिस्ट पार्टी एक हुने हल्ला सुरु भएको छ । अहिलेलाई हल्ला नै भनौँ । किनभने, अहिलेसम्म पार्टी एकीकरणको सल्लाह समेत भइसकेको छैन । यदाकदा एकीकरणबारे दुई पार्टीका नेताबीच संवाद भने नभएको होइन । संवाद एउटै टेबुलमा बसेर भएको भने होइन । एउटा नेताले चितवनबाट प्रश्न राख्नुहुन्छ, अर्को नेताले नेपालगन्जबाट जवाफ दिनुहुन्छ । एउटाले ‘कान्तिपुर’मार्फत जिज्ञासा पोख्नुहुन्छ, अर्कोले ‘नागरिक’मार्फत जानकारी पठाउनुहुन्छ । एउटाले आकाशबाट बोलाउनुहुन्छ, अर्कोले पातालबाट ‘हजुर’ भन्नुहुन्छ । संवाद यसरी नै चलिरहेको छ । यसलाई संवादै होइन भन्न पनि मिलेन, संवाद हो भन्न पनि मिल्दैन । अतः कोही–कोही यसलाई संवाद होइन, वादविवाद पनि भन्न रुचाउँछन् । जेहोस्, वादविवाद शैलीमै भए पनि संवाद चलिरहेको छ, टुटेको छैन ।

मेयर साब कता ?

शनिबार, १५ पुष २०७४

काठमाडौं महानगरपालिका बल्ल जागेजस्तो छ । किनभने, यो महानगरपालिकाले पनि अहिले काम सुरु गरेको आभास मिलेको छ । हामीले भर्खरै थाहा पायौँ कि महानगरका नगरपिता र नगरमाताबीच भयंकरै झगडा मच्चिएको छ । यो झगडा मच्चिएबाटै थाहा लागेको छ, महानगरपालिकाले पनि काम गर्न थालेको छ । काम गर्न थालेछ भन्नेबित्तिकै प्रश्न उठ्न सक्छ– के काम गर्न थाल्यो ? अब हेर्नुस्, अहिले भर्खरै नगरपिता र नगरमाताबीच जो झगडा मच्चियो, त्यो पनि एउटा कामै हो, महानगरपालिकाको पहिलो काम । महानगरपालिकाले झगडाबाट आफ्नो पहिलो काम सुरु गरेको छ ।

प्रस्तावित राजधानी

शनिबार, ०८ पुष २०७४

संघीय व्यवस्था आएपछि देशभित्र प्रदेशहरू आए । त्यो पनि दुई–चारवटा होइन । पूरै सातवटा । अब प्रदेश आएपछि त्यसभित्र राजधानी पनि आउने नै भयो । अहिले सातवटा प्रदेशभित्र सातैवटा राजधानीको खोजी भइरहेको छ । अहिले राजधानीको खोजी हुँदा पो थाहा भयो, देशमा राजधानी बनाउन लायक सहरहरू त दर्जनौँ भइसकेका रहेछन् । त्यसैले अहिले एउटै प्रदेशभित्र पनि विभिन्न सहरबीच राजधानी आफूतिर तान्ने तानातान चलिरहेको छ । जो भेटिए पनि राजधानी नै चाहियो भन्ने । कुनै बेला प्रदेशै चाहिँदैन भन्नेहरू पनि अहिले राजधानी चाहियो भनेर आन्दोलन गरिरहेका छन्।

पाटी बास

शनिबार, १६ मङि्सर २०७४

घटना हिजो बिहानको हो । झिसमिसे बिहानीकै समय थियो । म मर्निङ वाकका लागि घरबाट बाहिर निस्किँदै थिएँ । जाडो याम भएकाले होला बिहान ५ बजे पनि अँध्यारो–अँध्यारो नै थियो । हाम्रो घरअघिको गल्लीबाट निस्केर मूल सडक पुग्नुअगावै दायाँतिर एउटा पाटी छ । म खुरुखुरु हिँड्दै थिएँ, पाटीनेर पुगेर अनायासै झसंग भएँ । किनभने पाटीमा कुनै मानव आकृति छायाजस्तो एउटा अज्ञात वस्तु बसिरहेको थियो । हेर्दा मानवजस्तै छ, तर यथार्थमा के हो त्यो भने थाहा छैन । मानव हो भने यस्तो जाडोमा यहाँ के गरिरहेको होला ? जँड्याहा पो हो कि ? चिन्ने हुन् कि नचिन्ने हुन् ? मानव नभई कोही अर्कै तŒव पो हुन् कि ? मनमा उत्सुकताभन्दा पनि डर बढी लागिरह्यो।

लगानी विस्तार

शनिबार, ०२ मङि्सर २०७४

‘तर यो राजनीतिमा अर्थनीतितिरका व्यापारी उद्योगपतिहरू पनि किन भाग लिन आउँछन् हँ ? राजनीतिमा उनीहरूको के काम ?’ अचानक भजनलालले मलाई प्रश्न ग¥यो । वास्तवमा हो पनि । राजनीति र व्यापारी दुई अलग–अलग विधा हुन् । विधा नै अलग्गै भए पनि सँगै चाहिँ किन बस्छन् हँ ?

म पनि उम्मेदवार !

शनिबार, २५ कार्तिक २०७४

प्रतिनिधि र प्रदेशसभा दुवैको निर्वाचन एकैचोटि हुँदै छ । जसले गर्दा उम्मेदवार चिन्न गाह्रो भइरहेको छ । एकैचोटि दुइटा सभाको चुनाव हुने भएकाले उम्मेदवारको संख्या पनि भारी भएको छ । बाटोमा जो भेटे पनि उम्मेदवार पर्छन् । ‘ल है, यसपालि उठेको छु, सहयोग गर्नुप¥यो !’ बिहान चियाका लागि ग्वारामरी किन्न जाँदा समेत यसो भन्ने दुईदेखि चार जनासम्म भेटिहाल्छन् ।

बहुदलीय डनवाद

शनिबार, १८ कार्तिक २०७४

‘एमाले विशेषता सहितको समाजवाद भनेकै यही हो । यो समाजवादमा माओवादी पनि अटाउँछ, राजावादी पनि अटाउँछ, पुलिस पनि अटाउँछ, डन पनि अटाउँछ, चोर्ने पनि अटाउँछ, चोराउने पनि अटाउँछ । समाजमा जो–जो छन्, ती जम्मै अटाउँछन् । समाजमा भएजति सबै अटाउने भएकाले नै यसलाई समाजवाद भनिएको हो ।’

वाम हो, वाम होइन

शनिबार, २८ असोज २०७४

आफूमा अलिकति बढी वामपन्थ आउनेबित्तिकै अरुलाई दलाल, नोकरशाही, सामन्तवादी, साम्राज्यवादी, प्रभुत्ववादी देखिहाल्छन् । अनि, त्यस्ता दलाल, नोकरशाही, सामन्तवादी, साम्राज्यवादी, प्रभुत्ववादीसँग बस्न सक्दैनन् । र, छुट्टिएर अर्को पार्टी खोलिहाल्छन् । जो जति धेरैपटक फुटेको छ, त्यो त्यति नै असली वामपन्थी हो ।

व्यंग्य : थ्री इडियट्स

शनिबार, २१ असोज २०७४

सबैभन्दा अर्थपूर्ण कुरा त के हो भने यत्रो फिल्म बनाउने घोषणा भइसक्यो, यसको निर्देशक को हो, त्यसको अहिलेसम्म ठेगान लागेको छैन । फिल्मको निर्माण चिनियाँ कम्पनीले गर्न लागेको भन्ने कुरा पनि गोप्य सूत्रबाट थाहा भएको हो । ब्यानरमा त युएमएल एन्ड एमबी फिल्मस् भनेर लेखिएको छ ।

पप कर्न

शनिबार, ०७ असोज २०७४

अब जेहोस्, आयल निगमले जग्गा किनी नै सकेको छ । सुनिन्छ, निगमले जुन जग्गा किनेको हो, त्यहाँ पेट्रोल भण्डारण गर्न मिल्दैन । ठीकै छ, पेट्रोल भण्डारण गर्न नमिले मकै रोप्न त मिल्छ होला । मकै नै रोपौँ । मकै उत्पादन गरौँ । र, पप कर्न बनाएर बेचौँ । आयल निगमद्वारा उत्पादित पप कर्न !

तपाईंको रुचि अनुसारको समाचारको लागि खाता खोल्नुहोस् ।

Fixed Ad