मलेठ घटना पीडित भन्छन् ‘पैसा हैन न्याय चाहियो’

सोमबार, ०७ चैत २०७३, १५ : ३७ जितेन्द्रकुमार झा


सप्तरी – एमालेको मेचि महाकाली अभियानका क्रममा झडप हुँदा प्रहरीले चलाएको गोली लागेर ज्यान गुमाएकाहरूको परिवारजनसँग भेट्न तराई–मधेश लोकतान्त्रिक पार्टीका केन्द्रीय अध्यक्ष महन्थ ठाकुर सोमबार सप्तरीको मलेठ पुगेका छन् । 
    केन्द्रीय तथा जिल्ला नेताहरूको जम्बो टोली सहित पुगेका ठाकुरले उक्त घटनामा ज्यान गुमाएका मलेठ–२ का सञ्जन मेहता, विरेन्द्र महतो तथा मलेठ–४ का पिताम्बर मण्डलको परिवारजनसँग भेटघाट गरेका छन् । उक्त अवसरमा ठाकुरले पीडित परिवारजनलाई प्रति परिवार २५ हजारका दरले व्यक्तिगत सहयोग समेत गरेको पार्टीका नेता विजयकुमार यादवले जानकारी गराए । 
    ठाकुरले रकम हस्तान्तरण गरिरहँदा मृतक सञ्जना मेहताकी आमाले रकम भन्दा पनि आफुहरूका लागि न्याय ठूलो कुरा रहेको गुनासो गरिन् । ‘मेरो छोरा कुनै आन्दोलनकारी थिएन, के कारणले मेरो छोराको हत्या गरियो त्यसको छानबिन सहित दोषीलाई कारवाही गरिनुपर्छ’, नेताहरूसँग रुदै उनले भनिन्, ‘दोषीले सजायँ नपाएसम्म मेरो परिवारलाई सान्त्वना मिल्दैन ।’ 
    ठाकुरसँग मृतक पिताम्बर मण्डल र बिरेन्द्र महतोको परिजनले समेत घटनाको न्यायिक छानबिन सहित दोषीउपर कारवाहीका लागि मोर्चाले दवाव दिनुपर्ने माग राखेका थिए । आफ्ना परिवारका जिम्मेवारी बोक्ने सदस्यको बिना कारण हत्या गरिएको भन्दै पीडित परिवारका सदस्यहरूले आफूहरूका लागि क्षतिपुर्ति भन्दा पनि न्याय ठूलो रहेको दोहोर्याए । 
    प्रति उत्तरमा ठाकुर लगायतका नेताहरूले मलेठ घटनाका दोषीहरूलाई जसरी भएपनि सजायँका लागि न्यायको कठघरामा उभ्याउने प्रतिबद्धता समेत जनाएका थिए । आफूहरूको सरकारसँग वार्ता जारी रहेको बताउँदै ठाकुरले घटनाका दोषीहरूलाई कारवाही गर्ने प्रतिबद्धता सरकारको तर्फवाट समेत आइरहेको सुनाए । 
    यसका साथै ठाकुरले मलेठ घटनामा ज्यान गुमाएका प्रसवन्नीका आनन्द साह र जमुनी मधेपुरका इनर भनिने इन्द्रदेव यादवको परिवारसँग समेत भेटघाट गर्ने कार्यक्रम रहेको छ । 
    सञ्चारकर्मीहरूसँग संक्षिप्त कुराकानी गर्दै ठाकुरले मलेठ घटना राज्यको नश्लिय चिन्तनको नमूना भएको भन्दै यसले अन्तर्राष्ट्रिय जगतमा नेपाली राज्य सत्ताको चरित्र उजागर गरेको बताए । मधेसीसँग भएका पछिल्ला सम्झौताहरू लत्याउँदै सरकारले निर्वाचन गर्न लागेको भन्दै यस्तो निर्वाचन आफूहरूलाई कुनै पनि हालतमा स्वीकार्य नहुने बताए । 
    सिमांकनलाई थाँति राखेर अन्य बुँदाहरू संशोधनका लागि मोर्चा स्वीकार भएको भनि आएका खवरहरूमा अलिकति पनि सत्यता नरहेको भन्दै ठाकुरले त्यसको खण्डन गरेका छन् । 

 





यसमा तपाईको मत

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

बागी २ को ट्रेलर सार्वजनिक, टाइगरको जबरजस्त एक्सन

बागी २ को ट्रेलर सार्वजनिक, टाइगरको जबरजस्त एक्सन

बलिउडको बहुप्रतिक्षित फिल्म ‘बागी २’को ट्रेलर सार्वजनिक भएको छ। फिल्मका प्रमुख कलाकार टाइगर श्राफ र दिशा पटानीले मुम्बईको पीवीआर थियटरमा...

बागी २ को ट्रेलर सार्वजनिक, टाइगरको जबरजस्त एक्सन

बागी २ को ट्रेलर सार्वजनिक, टाइगरको जबरजस्त एक्सन

बलिउडको बहुप्रतिक्षित फिल्म ‘बागी २’को ट्रेलर सार्वजनिक भएको छ। फिल्मका प्रमुख कलाकार टाइगर श्राफ र दिशा पटानीले मुम्बईको पीवीआर थियटरमा...

कविशिरोमणि रचनावली प्रकाशित

कविशिरोमणि रचनावली प्रकाशित

कविशिरोमणि लेखनाथ पौड्यालका सम्पूर्ण कृतिहरूको संगालोका रुपमा कृति ‘कविशिरोमणि रचनावली’ बजारमा आएको छ । पाँच खण्डमा समेटिएको कृति कवि शिरोमणिको...

राजधानीमा थपियो नयाँ नाटक घर

राजधानीमा थपियो नयाँ नाटक घर

चिनियाँ कथाकार लु स्युनको कथामा आधारित ‘म्याड म्यान्स डायरी’को मञ्चनसँगै राजधानीमा नयाँ नाटघकर खुलेको छ। ...