यातायातमा हट्यो, लिखित कागजी लाइसेन्स फारम

बुधबार, ०२ चैत २०७३, ०९ : ५९ हिमाल लम्साल  | @mtlamsal


काठमाडौं– यातायात व्यवस्था कार्यालय, सवारीचालक अनुमतिपत्र वागमती एकान्तकुनाले कागजी लिखित फारामको व्यवस्था हटाएको छ। 

मंगलबारदेखि यातायात कार्यालय एकान्तकुनाले बिचौलियाको बिगबिगी रोक्नका लागि सवारीचालक अनुमतिपत्र (लाइसेन्स)को कागजी लिखित फारमको व्यवस्था हटाएको हो।

कार्यालयका प्रमु्ख तेजनारायण यादवले चैत १ गतेदेखि लाइसेन्सको कागजी लिखित आवेदन बुझ्न छाडेको बताएका छन् । बिचौलियाले एकैपटक फारम किनेर कृत्रिम अभाव खडा गरेर अवैध बेचबिखन गरिरहेकाले अवैध गतिविधि रोक्न लाइसेन्सको लिखित फारम बुझ्ने व्यवस्था हटाएको उनले भने।

ललितपुर उपमहानगरपलिकाले लाइसेन्सको लिखित फारम १० रुपैयाँमा उपलब्ध गराउने भए तापनि बिचौलियाले एकैपटक फारम खरिद गरेर दुई सय रुपैयाँसम्म बेचबिखन गर्दै आएका थिए । कार्यालयले ललितपुर उपमहानगरपलिकालाई लाइसेन्सका लागि लिखित फारमसमेत नछाप्न परिपत्र गरिसकेको कार्यालय प्रमुख यादवले बताए ।

कार्यालयले पुस १० गतेदेखि नै अनलाइनमार्फत लाइसेन्सको आवेदन बुझाउने व्यवस्था गरेका थियो । तर, कार्यालयले अनलाइन फारम बुझाउन नजान्ने सेवाग्राहीका लागि कागजको लिखित आवेदन बुझाउने अवसर दिँदै आएको थियो ।

कागजको लिखित फारम लिँदा बिचौलियाले ठग्ने प्रवृति नरोकिएपछि चैत १ गतेदेखि नै कागजको लिखित फारम नबुझ्ने व्यवस्था  कार्यान्वयनमा ल्याएको कार्यालयले जनाएको छ । ‘अबदेखि सेवाग्राहीले लाइसेन्सको आवेदनका लागि बिचौलियाको सहयोग लिनु नै पर्दैन । आफैँ अनलाइनमार्फत फर्म भर्न नसक्नेलाई कार्यालयमा फर्म भर्ने व्यवस्था मिलाएका छौँ,’ कार्यालय प्रमुख यादवले भने, ‘लाइसेन्सका लागि आवेदन दिने सेवाग्राहीले नागरिकता लिएर आउनुपर्छ । कर्मचारीले निःशुल्क भरिदिन्छन् ।’ 

कार्यालय प्रम्ुख यादवले कार्यालयलाई बिचौलियामुक्त बनाउने अभियान थालेको बताएका छन् । ‘यातायात कार्यालयलाई व्यवस्थित गर्न खोजिरहेको छु,’ उनले अगाडि भने, ‘कार्यालय परिसरमा पर्खाल लगाएर नै बिचौलियालाई निरुत्साहित गर्न लागिरहेका छौं ।’

कार्यालयका अनुसार दैनिक पाँच सय जना सेवाग्राहीले अनलाइन मार्फत फराम भर्न सक्नेछन् । 
कसरी भर्ने अनलाइन फाराम ?

लाइसेन्सको अनलाइन फारम भर्न यातायात व्यवस्था विभागको वेबसाइट डब्लुडब्लुडब्लु डट डिओटिएम डट जिओभी डट एनपीमा जानुपर्छ । वेबसाइटको होमपेजमा ‘अनलाइन सवारीचालक अनुमतिपत्र’ को लिंकमा क्लिक गरेपछि अनलाइन फारम भेटिन्छ । आवेदनकर्ताले आफ्नो विवरण भरेपछि सबमिटमा गएर क्लिक गर्नुपर्छ । यसपछि प्रिन्टमा क्लिक गरी रेफरेन्स नम्बरसहितको प्रिन्टआउट सामग्री लिएर यातायात कार्यालयमा जानुपर्छ । सेवाग्राहीले बायोमेट्रिकका लागि आफैँ कार्यालयमा पुगेर, फोटो, हस्ताक्षर तथा औँठाछाप लगाउनु कार्यालयले जनाएको छ ।

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशक सौगात विष्टले निर्देशन गरेको फिल्म हैरानको टिजर सार्वजनिक भएको छ । मुक्ति घले र श्रृष्टी घिमिरेको संयुक्त...

साउदीमा पहिलो पटक फेशन शो, दर्शक महिलामात्र

साउदीमा पहिलो पटक फेशन शो, दर्शक महिलामात्र

साउदी अरेबियामा पहिलोपटक फेशन शो भएको छ। साउदीको रियादमा सम्पन्न उक्त फेशन शोमा दर्शक भने महिलाहरूमात्र थिए।  उक्त फेसन शोमा सहभागी...

लिलि बिली : हिन्दी फिल्मको जोडजाड

लिलि बिली : हिन्दी फिल्मको जोडजाड

स्कटल्यान्ड तपाईंको ‘ड्रिम कन्ट्री’ हो र पर्दामै भए पनि त्यहाँका दृश्य देख्दा तपाईंको मन रमाउँछ भने ‘लिलि बिली’ हेर्नु राम्रै...

मिस नेपाल इन्टरनेशनल २०१८को पहिलो भिडियो सार्वजनिक

मिस नेपाल इन्टरनेशनल २०१८को पहिलो भिडियो सार्वजनिक

मिस नेपाल इन्टरनेशनल २०१८ रोनाली अमात्य अभिनित म्युजिक भिडियो ‘सुन’ सार्वजनिक भएको छ।  र्‍यापर निर्णय श्रेष्ठको एल्बम ‘एक नेपाल’ समावेश...

Fixed Ad