विदेश सयर

यूएईः अरबको युरोप

बुधबार, ०६ बैशाख २०७४, १५ : ५६ नागरिक | Kathmandu


नारायणप्रसाद पौडेल

अत्यधिक गर्मीका कारण पहिले खाडी मुलुक यूएई घुमघामको त्यति प्रिय गन्तव्य थिएन । यो देश भ्रमणप्रेमीहरूको रोजाइमा पर्दैन थियो । तर, बढ्दो आधुनिकीकरण र विकासले हाल यूएई आकर्षक पर्यटकीय गन्तव्य बनेको छ । विकास, पर्याप्त रोजगारीका अवसर, खुलापन र फरासिला नागरिकका कारण कतिपयले यूएईलाई  ‘अरबको युरोप–अमेरिका’ समेत भन्न थालेका छन् । थुप्रै नेपाली काम गर्न यूएई जान थालेको धेरै भइसक्यो । पछिल्लो समय नेपालीहरू बिदा मनाउन र रमाइलो गर्न पनि यूएई जान थालेका छन् ।
यूएई जानुपूर्व पासपोर्ट, भिसालगायत कागजात तयार पार्नुपर्छ । व्यक्तिगत रूपमा जाँदा टिकट, घुम्ने गन्तव्य, जाने एयरलाइन्स आदिको व्यवस्था व्यक्ति स्वयंले गर्नुपर्छ । टुर एजेन्सीमार्फत जाँदा भने सम्बन्धित एजेन्सीले नै यी सबैको तयारी गरिदिन्छ ।
टुरमा जानुअघि गर्नुपर्ने काम हो– डलर सटही । नेपाल सरकारको नियमअनुसार प्रतिव्यक्ति एक हजार अमेरिकी डलर पनि साथमै राख्नुपर्छ । त्यहाँ कुनै आकस्मिक अप्ठ्यारो आइपर्दा यति रकम आफूसँग भयो भने काम चलाउन सजिलो हुन्छ ।
यूएईमा मुख्य गरी भारतीय र पाकिस्तानी मूलका मानिसको बसोबास बढी छ । त्यसैले त्यहाँ करिब ९० प्रतिशतले हिन्दी बोल्छन् र बुझ्छन् । हिन्दी बुझ्ने भएकाले त्यहाँ नेपालीलाई भाषाको समस्या हुँदैन । त्यहाँ अंग्रेजी भाषा पनि धेरै प्रयोग हुन्छ ।
यूएईमा घुम्ने र हेर्ने ठाउँ धेरै छन् । बुर्ज खलिफा, पाम आइल्यान्ड, दुबई महल, दुबई  म्युजियम, वाइल्ड वादी वाटरपार्क, मल अफ दी इमरेट्स, इमरेट्स प्यालेस आदि यूएईका आर्कषक गन्तव्य हुन् । बुर्ज खलिफा संसारकै अग्लो टावर हो । यो ८ सय ३० मिटर अग्लो छ । यो टावर दुबई शहरको दृश्याअवलोकनका लागि परिचित छ ।
यूएईमा रहँदा बारसहितको डुंगामा मरुभूमिको सफारी गरेर रमाइलो गर्न सकिन्छ । त्यस्तै दुबई र अबुधाबी शहरमा घुमेर रमाउन सकिन्छ ।  पानीमुनि रहेको दुबई चिडियाघर अर्काे आकर्षक गन्तव्य हो । बेली डान्स, फायर सो र स्थानीय सांस्कृतिक नाच पनि यस देशका आकर्षण हुन् ।
यूएई जान समान्यतया तीन पाकेज छन् । आफ्नो समय र बजेट हेरेर उपयुक्त प्याकेज छनोट गर्नुपर्छ । खर्च आफूले रोज्ने प्याकेजमा भर पर्छ । एउटा प्याकेज तीन रात चार दिनको छ । यसका लागि लगभग ७० हजार रुपैयाँ तिर्नुपर्छ । त्यस्तै, चार रात पाँच दिनको दोस्रो प्याकेज छ । यसको मूल्य ७४ हजार रुपैयाँ पर्छ । र, तेस्रो प्याकेज सात रात आठ दिनको छ । यसका लागि १ लाख २१ हजार रुपैयाँ खर्च गर्नुपर्छ । यी तीनटै प्याकेज एक जनाका लागि भए पनि एउटा कोठा सेयरिङ गर्न मिल्ने भएकाले दुई जनासम्म जान सकिन्छ ।
दुबईमा व्यापार मेला, मेडिकल कन्फरेन्सजस्ता मेला तथा सम्मेलन भइरहन्छन् । त्यस्तो बेला यहाँका होटेलहरू भरिभराउ हुन्छन् । त्यतिखेर घुम्न जाँदा खर्च अलि बढी पर्न सक्छ ।
यूएईमा डुल्दा सम्बन्धित एजेन्सीले नै यातायतको व्यवस्था मिलाइदिएका हुन्छन् । प्रायः एसी भएका बसहरूमा घुम्न पाइन्छ । त्यहाँको स्थानीय रेलमार्फत पनि घुम्न सकिन्छ । किनमेलका लागि यूएई धेरै लोकप्रिय छ । त्यहाँ सस्तोमा विभिन्न समान किन्न पाइन्छन् ।
नेपाल घुम्न आउने विदेशीले यहाँबाट मन्दिर, स्तुप, हिमालका तस्बिर आफ्नो देशमा चिनोस्वरूप लिएर जान्छन् । यूएई भने बिल्डिङ आर्किटेक्चरका लागि विख्यात छ । त्यहाँका प्रसिद्ध भवन, दरबारहरूका आकर्षक तस्बिर र प्रतिमा किन्न पाइन्छन् ।

टुर प्याकेज र मूल्य
तीन रात, चार दिनः रु. ६९,०००।–
चार रात, पाँच दिनः रु. ७४,०००।–
सात रात, आठ दिनः रु. १,२१,०००।–

आकर्षक गन्तव्य
बुर्ज खलिफा, पाम आइल्यान्ड, दुबई महल, दुबई  म्युजियम, वाइल्ड वादी वाटरपार्क, मल अफ दी इमरेट्स, इमरेट्स प्यालेस आदि ।
(पौडेल एस ट्राभल्स डटकमका लाइन म्यानेजर हुन् ।)

 






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

‘मंगलम्’लाई पाँच अवार्ड

‘मंगलम्’लाई पाँच अवार्ड

डिजिटल मोडलमा बनेका फिल्मलाई प्रोत्साहित गर्न राजधानीमा बिहीबार आयोजना गरिएको १० औं संस्करणको ‘डि सिने अवार्ड २०७५’ फिल्म ‘मंगलम्’ले प्रतिस्पर्धामा...

प्रहरी र अपराधीबीचकोे ‘चक्कर’

प्रहरी र अपराधीबीचकोे ‘चक्कर’

अपराधको विषयबस्तु समेटेर तयार पारिएको फिल्म ‘चक्कर’को ट्रेलर र फस्टलुक सार्वजनिक भएको छ। राजधानीमा बिहीबार फिल्म युनिटले पत्रकारमाझ फस्टलुक र...

एकै स्टेजमा तीन विजेता

एकै स्टेजमा तीन विजेता

एउटै स्टेजमा एकसाथ तीन विजेता छानिने भएका छन्। ग्ल्याम वल्र्ड इन्टरटेनमेन्टले आगामी असार १ गते राजधानीमा आयोजना गर्न लागेको ‘मिस...

भ्यान गगलाई सृष्टिको सम्मान

भ्यान गगलाई सृष्टिको सम्मान

नेदरल्यान्डमा जन्मिएका महान् चित्रकार भिन्सेन्ट भ्यान गगलाई समर्पण गर्दै फिल्म ‘रोमियो एन्ड मुना’ले गीत सार्वजनिक गरेको छ। फिल्मले भ्यान गगका...