हिमालयन ट्राभल मार्टको सम्पूर्ण तयारी पूरा

बुधबार, १७ जेठ २०७४, १० : ३७ अर्जुन तामाङ


काठमाडौं – काठमाडौंमा पहिलो पटक नेपालकै स्वामित्वमा हुन गइरहेको ‘हिमालयन ट्राभल मार्ट’को तयारी पूरा भएको छ । पाटा नेपाल च्याप्टरको नेतृत्वमा नेपालको पर्यटन क्षेत्रको उत्पादन, नयाँ तथा पुराना गन्तव्य र मौलिक संस्कृतिलाई विश्व बजारमा आधुनिक शैलीमा बिक्री गर्ने उद्देश्यले राजधानीमा बिहीबारदेखि ट्राभल मार्ट आयोजना हुँदैछ ।  

पाटाका अध्यक्ष सुमन पाण्डेले नेपाल हिमालयको प्रवेशद्वार भन्ने सन्देशलाई प्रभावकारी ढंगले विश्व बजारमा लैजाने उद्देश्यले कार्यक्रम तय गरिएको बताए । ‘कार्यक्रमको तयारी पूरा भएको छ,’ उनले भने, ‘भूकम्पपछि नेपालको पर्यटन ४० प्रतिशत मात्रै उकालो लागेको छ । यसलाई पहिलेकै अवस्थामा फर्काउन कार्यक्रम गर्न लागेका हौं ।’ 

भूकम्प र नाकाबन्दीले शून्य रहेको पर्यटन उद्योगलाई हिमालयन ट्राभल मार्टले विश्व बजारमा नेपालको पर्यटनको चर्चा र बहस हुने नेपाल च्याप्टरका अध्यक्ष सुमन पाण्डेले जानकारी दिए । 

ट्राभल मार्टमा बेलायत, अमेरिका, भारत, दक्षिण अमेरीका, चीन, सिंगापुर, श्रीलंका, कोरियालगायत देशबाट १०६ ब्लगर, ७० जना क्रेता, ४५ जना बिक्रेता र प्रसिद्ध वक्ता सहभागी हुने

उनका अनुसार मार्टमा सहभागी हुन मंगलबारसम्म विभिन्न देशका करिब एक सय जना नेपाल भित्रिसकेका छन् । मार्टमा बेलायत, अमेरिका, भारत, दक्षिण अमेरिका, चीन, सिंगापुर, श्रीलंका, कोरियालगायत देशबाट सहभागी रहेका छन् । सहभागीमध्ये ब्लगर, क्रेता र बिक्रेता नेपालको मौलिक कला, संस्कृति, प्राकृतिक सुन्दरताको अवलोकन गर्न पर्यटकीय क्षेत्र पनौती, चितवन, पोखरा, लुम्बिनीको भ्रमणमा निस्किएको अध्यक्ष पाण्डेले जानकारी दिए । 
कार्यक्रमको होस्ट संस्कृति, पर्यटन तथा नागरिक उड्डयन मन्त्रालय तथा मुख्य आयोजक नेपाल पर्यटन बोर्ड, आयोजना साझेदार नेपाल वायुसेवा निगम तथा पाटा नेपाल च्याप्टर रहेको छ ।  

साथै, ट्राभल मार्टमा नेपालकै इतिहासमा पहिलो पटक अन्तर्राष्ट्रिय ब्लग तथा मिडिया कन्फरेन्स पनि हुनेछ ।  
‘बि टु बि’ मार्ट शनिबार र आइतबार हुनेछ । बि टु बिलाई रौनक प्रदान गर्न ट्राभल ब्राण्डिङ, बजार अन्वेषण, अनुसन्धान गन्तव्य जस्ता विषय समाबेश गरी नेपाललगायत विश्वभरका विज्ञको संलग्नतामा हिमालय ट्राभल कन्फरेन्स भने शुक्रबार हुनेछ । 

विशिष्ट लेखन शैली, उत्कृष्ट फोटो तथा भ्रमण अनुभव सामाजिक संजालमा पोष्ट गरिने सामाग्रीको प्रभावको हिस्सा बढ्दै गएका कारण ट्राभल व्यवसायको प्रवद्र्धनमा ब्लगिङको महŒव बढिरहेको पाटाले जनाएको छ । विभिन्न देशका पर्यटक आगमनसँगै हिमालयन ट्राभल मार्टको रौनकता थपिएको पाटाले जनाएको छ । मार्टमा १०६ ब्लगर, ७० जना क्रेता, ४५ जना बिक्रेता र प्रसिद्ध वक्ताको सहभागिता रहनेछ । 

पाटाले यसअघि ६ पटक ट्राभल मार्ट आयोजना गरे पनि नेपालीको स्वामित्वमा भने भएको थिएन ।






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

लघु चलचित्र ‘अटुट नाता’ उत्कृष्ट

नेपाली सेनाले आयोजना गरेको लघु चलचित्र प्रतियोगिता २०७४ मा लघु चलचित्र ‘अटुट नाता’ उत्कृष्ट भएको छ । दिप पौडेलले निर्माण...

सलमानपछि ऋतिकसँग दिशा

सलमानपछि ऋतिकसँग दिशा

क्रिकेटर महेन्द्रसिंह धोनीको गर्लफ्रेन्डको रुपमा दुई वर्षअघि दिशा पटानीले बलिउडमा अभिनय यात्रा सुरु गरेकी थिइन् । धोनीको जीवनीमा बनेको ‘एम.एस....

‘आतुङ’ लिएर आइन् अनिता

‘आतुङ’ लिएर आइन् अनिता

कवि अनिता लामा तेस्रो कविता संग्रह ‘आतुङ’ लिएर आएकी छन । काभ्रेको तेमाल मेच्छेमा जन्मेकी अनिताको यो तेस्रो कृति हो...

प्रधानमन्त्रीले भेटे राष्ट्रकवि घिमिरेलाई, उपचार खर्च सरकारले व्यहोर्ने

प्रधानमन्त्री केपी शर्मा ओलीले ग्राण्डी अन्तर्राष्ट्रिय अस्पतालमा पुगेर त्यहाँ उपचारत राष्ट्रकवि माधवप्रसाद घिमिरेको सम्पूर्ण खर्च सरकारले व्यहोर्ने बताएका छन्। ...