चुँदीमा भानुको सम्झना

शुक्रबार, ३० असार २०७४, १० : ०६ किसान संगीत नेपाली


चुँदी (तनहुँ)- आज २०४ औं भानु जयन्तीको अवसरमा तनहुँका बासिन्दाले आदिकवि भानुभक्त आचार्यलाई स्मरण गरेका छन्। तनहुँको चुँदीरम्घामा जन्मिएर संस्कृत भाषामा लेखिएको रामायणलाई नेपाली भाषामा अनुवाद गरेका आदिकवि आचार्यलाई उनकै जन्मस्थलमा स्मरण गरिएको हो। जन्मजयन्तीका अवसरमा ३ दिनसम्म रामायाण वाचन प्रतियोगिता, कविता प्रतियोगिता, कविगोष्ठी, साहित्यिक अन्तक्रिया गरियो।

सो अवसरमा बिहीबार चुँदीमा नेपाली कांग्रेसका केन्द्रीय सदस्य, सांसद एवं पूर्व वन तथा भूसंरक्षण मन्त्री शंकर भण्डारी लगायत विभिन्न दलका नेता, प्रशासक, जनप्रतिनिधि, साहित्यकार, बुद्धिजीवि, सञ्चारकर्मी, समाजसेवी तथा स्थानीयबासीले श्रद्धाञ्जली व्यक्त गरेका थिए।

भानु नगरपालिका ४ चुँदीस्थित भानु जन्मस्थल विकास समितिको कार्यालय परिसरमा साहित्यिक, सांस्कतिक, सांगीतिक तथा प्रवचन कार्यक्रममा जिल्ला सदरमुकाम दमौली, बन्दीपुर गाउँपालिका, भानु नगरपालिका लगायतका स्थानबाट सरोकारवालाहरूको सहभागिता थियो।

कार्यक्रममा कांग्रेस केन्द्रीय सदस्य भण्डारी, नेकपा एमाले केन्द्रीय लेखा आयोग सदस्य विद्यानाथ ढकाल, कांग्रेस जिल्ला सचिव लक्ष्मी आचार्य, एमाले सचिव भगवती न्यौपाने, नेकपा माओवादी केन्द्रका सदस्य ओमकुमारी पौडेल, भानु नगरपालिका प्रमुख उदयराज गौली, प्रमुख जिल्ला अधिकारी नितेशकुमार शाक्य, भानु जन्मस्थल विकास समितिका पूर्व अध्यक्ष विष्णुहरि पाण्डे लगायतले आचार्यलाई स्मरण गर्दै श्रद्धासमुन ज्ञापन गरे।

उनीहरूले आदिकवि र घाँसीको जीवनी माथि चर्चा गर्दै भानु जन्मस्थललाई साहित्यिक पर्यटनको अनुपम गन्तव्यका रूपमा विकास गर्नुपर्ने धारणा व्यक्त गरे।

आदिकवि आचार्यले भाषालाई सहज र सरल बनाउनुका साथै दुई शताब्दीअघि क्रान्तिकारी काम गरेको बताए। तत्कालीन राज्य व्यवस्था, प्रशासक र प्राज्ञिक जगतले पनि संस्कृतलाई नेपालीमा अनुवाद गर्न नचाहने समयमा भानुभक्तले निकै आँटिलो काम गरेको समेत उनीहरूले बताए। सो अवसरमा लोक तथा दोहोरी कलाकारले आफ्ना प्रस्तुतिमार्फत सहभागीलाई मनोरञ्जन गराएका थिए।

कार्यक्रममा ‘घाँसीको खोजी’ नामक नाटक पनि प्रस्तुत गरिएको थियो। कार्यक्रममा लाखेनाच, वालुन तथा भजन पनि प्रस्तुत गरेका थिए।

कार्यक्रममा रामायण वाचनमा प्रथम सञ्चिता ढकालले रामायण वाचन गरिन् भने कवितामा प्रथम शान्ता बास्तोलाले कविता सुनाई्। भानु जन्मस्थल विकास समितिका अध्यक्ष श्रीभक्त आचार्यको अध्यक्षतामा भएको कार्यक्रममा समितिका कर्मचारी शिवभक्त रानाभाटले स्वागत गरेका थिए।






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

‘शत्रु गते’ र ‘लिलीबिली’को भिडन्त

‘शत्रु गते’ र ‘लिलीबिली’को भिडन्त

निर्देशक प्रदिप भट्टराई निर्देशित फिल्म ‘शत्रु गते’ एनएफडीसी पुरस्कारको सर्वाधिक ८ विधामा मनोनयन भएको छ। ...

मनीषाले सार्वजनिक गरिन्‘मिसिगन ब्लुज’

मनीषाले सार्वजनिक गरिन्‘मिसिगन ब्लुज’

अभिनेत्री मनीषा कोइरालाले लेखक अरुण शर्माको उपन्यास ‘मिसिगन ब्लुज’को लोकार्पण गरेकी छिन्। ...

ज्योति कविता वाचन

कविता वाचनको श्रृंखला ‘ज्योति कविचा वाचन’मा आधा दर्जन कविले कविता सुनाएका छन्। ...

दीपिकालाई रिप्लेस गर्दै आलिया

दीपिकालाई रिप्लेस गर्दै आलिया

छोटो समयमै धाँशु अभिनयको बलले निर्देशकको रोजाइमा पर्दै आएकी अािलया अब सञ्जयलिला भन्सालीको नजरमा परेकी छिन्। ...